ទឹកនោមផ្អែម និងលើសឈាម សុទ្ធជាជំងឺកាចសាហាវឆក់យកជីវិតមនុស្សជាច្រើនរៀងរាល់ឆ្នាំ អាចកើតលើមនុស្សគ្រប់វ័យ មិនថាក្មេង ចាស់ ជំទង់ ខណៈស្រុកយើងក៏សម្បូរអ្នកជំងឺទាំងពីរប្រភេទនេះដែរ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទឹកនោមផ្អែម និងលើសឈាម សុទ្ធជាជំងឺកាចសាហាវឆក់យកជីវិតមនុស្សជាច្រើនរៀងរាល់ឆ្នាំ អាចកើតលើមនុស្សគ្រប់វ័យ មិនថាក្មេង ចាស់ ជំទង់ ខណៈស្រុកយើងក៏សម្បូរអ្នកជំងឺទាំងពីរប្រភេទនេះដែរ។
គ្នាយើង និងចាស់ៗនៅផ្ទះ មានកើតទឹកនោមផ្អែមផង លើសឈាមផង គួរប្រុងប្រយ័ត្ន។ “Hello គ្រូពេទ្យ” នឹងណែនាំអាហារគួរញ៉ាំ និងមិនគួរញ៉ាំ ដើម្បីរក្សាសុខភាពឲ្យប្រសើរ។
៣ ភាគ ៤ គ្នាយើងកើតទឹកនោមផ្អែម សុទ្ធតែមានបញ្ហាលើសឈាម។ កត្តារបបអាហារ សំខាន់បំផុតគ្រប់គ្រងសុខភាពរបស់យើងប្រចាំថ្ងៃ៖
១- ជាតិសូដ្យូម (អំបិល)
គ្នាយើងលើសឈាម ត្រូវតមប្រៃដាច់ខាត អនុញ្ញាតឲ្យញ៉ាំត្រឹមតែ ១៥០០ មិល្លីក្រាម (១ស្លាបព្រាកាហ្វេ) ប៉ុណ្ណោះ ក្នុងមួយថ្ងៃ។ អាហារនៅតាមហាង មានជាតិអំបិល និងសារធាតុប្រៃខ្លាំង អ៊ីចឹងគួរចំណាយពេលចម្អិននៅផ្ទះប្រសើរជាង ចំណេញទាំងលុយកាក់ បានទាំងសុខភាព។
២- គ្រាប់ធញ្ញជាតិ និងជាតិម្សៅ
គ្រាប់ធញ្ញជាតិ និងអាហារជាតិម្សៅ សម្បូរជាតិសរសៃ និងសារធាតុចិញ្ចឹមចាំបាច់ អាចធ្វើឲ្យជាតិស្ករក្នុងឈាមប្រសើរឡើង និងឆ្អែតបានយូរ។
៣- ចេក
ចេកសម្បូរប៉ូតាស្យូម អាចបន្ថយអំពើរបស់សូដ្យូម (អំបិល) ទៅលើសរសៃឈាម ដូចនេះគួរញ៉ាំចេកឲ្យបានច្រើន។
៤- ស្រា
អាល់កុល មានជាតិស្ករខ្ពស់ ចឹងហើយគួរតែចៀសវាង។
៥- បន្លែ និងផ្លែឈើ
ដោយសារបន្លែ និងផ្លែឈើពោរពេញដោយរ៉ែខនិជ វីតាមីន និងសារធាតុប្រឆាំងអុកស៊ីតកម្ម។ អ្នកវិទ្យាសាស្ត្របញ្ជាក់ថា វាមានឥទ្ធិពលគ្រប់គ្រងសម្ពាធឈាម និងរក្សាលំនឹងជាតិស្ករ។
៦- កាហ្វេ
បន្ថយឲ្យមកនៅត្រឹម ២០០ មិល្លីក្រាម/ថ្ងៃ ព្រោះថាជាតិកាហ្វេអ៊ីន មានទំនាក់ទំនងជាមួយការកើនសម្ពាធឈាម និងជាតិស្ករក្នុងឈាមដូចគ្នា។
៧- អាហារខ្លាញ់
មានជំងឺទាំង ២ ប្រភេទនេះ មិនគួរញ៉ាំអាហារណាសម្បូរជាតិខ្លាញ់ទេ ព្រោះអាចបង្កឲ្យមានបញ្ហាបេះដូងទៅថ្ងៃក្រោយ។ ត្រូវញ៉ាំខ្លាញ់មានប្រភពពីរុក្ខជាតិ ដូចជា ផ្លែប៊ើរ ប្រេងអូលីវ និងគ្រាប់ធញ្ញជាតិ ជំនួសវិញ។
៨- សាច់សុទ្ធ
សាច់សុទ្ធ ជាប្រភពប្រូតេអ៊ីនជួយគ្រប់គ្រងជាតិស្ករបានល្អ និងធ្វើឲ្យយើងឆ្អែតបានយូរ ប៉ុន្តែមិនត្រូវញ៉ាំច្រើនពេកទេ។
៩- កំណត់ត្រាទុក
គ្នាយើងគួរកត់ត្រាទុកអ្វីជាទម្លាប់ និងរបបអាហារចាំបាច់សម្រាប់តាមដានអាការៈ និងភាពប្រសើរឡើងនៃជំងឺ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ