ពិតណាស់ មានជំងឺច្បាស់ជាត្រូវការពេទ្យ ប៉ុន្តែរឿងខ្លះក៏មិនចាំបាច់ពឹងពេទ្យទាំងអស់ដែរ ពិសេសម៉ាក់ប៉ា អ៊ំៗគាត់មានទឹកនោមផ្អែម គួរតែដឹងពីវិធីតេស្តជាតិស្ករក្នុងឈាមខ្លួនឯង ព្រោះវាមិនត្រឹមចំណេញពេលវេលាប៉ុណ្ណោះទេ ថែមទាំងអាចដឹង និងបង្ការហានិភ័យសម្រាប់សុខភាពយើងផ្ទាល់ទៀតផង។ អត្ថបទនេះ “Hello គ្រូពេទ្យ” នឹងណែនាំខ្លះៗពីរបៀបពិនិត្យជាតិស្ករក្នុងឈាមដោយខ្លួនឯង ឲ្យម៉ាក់ប៉ា អ៊ុំៗបានដឹងច្បាស់។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
កុំចាំតែពេទ្យ កើតទឹកនោមផ្អែមត្រូវចេះវិធីតេស្តជាតិស្ករខ្លួនឯង
១- តាមដានជាតិស្ករក្នុងឈាម
មានជំងឺទឹកនោមផ្អែម អ្វីចាំបាច់បំផុតត្រូវដឹង គឺកម្រិតជាតិស្ករក្នុងឈាមសមស្របមួយសម្រាប់យើង ហេតុនេះត្រូវពិគ្រោះជាមួយគ្រូពេទ្យជាមុន ថាតើកម្រិតជាតិស្ករប៉ុណ្ណា ទើបធ្វើឲ្យយើងមានសុខភាពល្អ អ្វីគួរដឹងមានដូចជា៖
– កម្រិតជាតិស្ករក្នុងឈាមទាប
– គ្រប់គ្រងជាតិស្ករក្នុងឈាមមិនបានល្អ
– កម្រិតជាតិស្ករទាបដោយគ្មានសញ្ញាគ្រោះថ្នាក់
– ស្ត្រីមានផ្ទៃពោះ កំពុងប្រើអ័រម៉ូនអាំងស៊ុយលីន
– មានសារធាតុសេតូន (Ketone) ក្នុងឈាមដោយសារជាតិស្ករក្នុងឈាមឡើងខ្ពស់។
២- របៀបពិនិត្យជាតិស្ករ
សូមធ្វើតាមជំហ៊ានដូចខាងក្រោម៖
– សម្អាតដៃរួច យកបន្ទះតេស្តដាក់ចូលក្នុងឧបករណ៍
– យកម្ជុលចាក់ផ្នែកចំហៀងម្រាមដៃ ដើម្បីយកឈាមមួយតំណក់
– បន្ទក់ឈាមលើបន្ទះតេស្ត ហើយរង់ចាំលទ្ធផល
– កម្រិតជាតិស្ករ នឹងបង្ហាញលើឧបករណ៍។
សូមអានក្រដាសណែនាំការប្រើប្រាស់នៃឧបករណ៍នីមួយៗ ព្រោះវាអាចមានចំណុចខុសគ្នាខ្លះៗ។
៣-លទ្ធផល
សមាគមជំងឺទឹកនោមផ្អែមអាមេរិក (ADA) បានណែនាំពីកម្រិតបរិមាណជាតិស្ករសម្រាប់មនុស្សពេញវ័យកើតទឹកនោមផ្អែម លើកលែងស្រ្តីមានផ្ទៃពោះ គួរមានត្រឹម៖
– មុនញ៉ាំអាហារ (Preprandial plasma glucose)៖ គួរត្រឹម ៧០-១៣០ មិល្លីក្រាម/ដេស៊ីលីត្រឈាម
– ១- ២ ម៉ោងក្រោយញ៉ាំអាហារ (Postprandial plasma glucose)៖ គួរក្រោម ១៨០ មិល្លីក្រាម/ដេស៊ីលីត្រឈាម។ ការកម្រិតជាតិក្នុងឈាមតិច ឬច្រើនជាងនេះអាស្រ័យលើអ្នកជំងឺម្នាក់ៗ។
៤- លទ្ធផលមានន័យដូចម្តេច?
ការកត់ទុកនូវកម្រិតជាតិស្ករក្នុងឈាមប្រចាំថ្ងៃ អាចឲ្យយើងវិភាគពីការញ៉ាំ ការធ្វើសកម្មភាព និងស្រ្តេស សុទ្ធសឹងជះឥទ្ធិពលលើកម្រិតជាតិស្ករ។ យើងត្រូវទៅពិគ្រោះជាមួយគ្រូពេទ្យដើម្បីទទួលការបកស្រាយ និងកែប្រែលើកត្តាទាំងនេះដើម្បីអាចគ្រប់គ្រងជាតិស្ករបានល្អ។ ត្រូវអត់ធ្មត់ក្នុងការគ្រប់គ្រងជាតិស្ករ ព្រោះត្រូវការពេលដើម្បីឈាមទៅគោលដៅមួយយើងចង់បាន។ គ្រប់គ្រងជាតិស្ករ អាចធ្វើយើងមានអាម្មណ៍មួម៉ៅ ពិបាកចិត្ត ឆាប់ខឹង ឬធ្លាក់ទឹកចិត្ត បែបនេះចាំថាឲ្យលទ្ធផលជះឥទ្ធិពលដល់ផ្លូវចិត្តយើង ព្រោះវាគ្រាន់តែជាតួលេខ បង្ហាញថា តើផែនការគ្រប់គ្រងជាតិស្ករយើងបានផល ឬយ៉ាងណា? តើត្រូវប្តូរផែនការព្យាបាល ឬអត់?
៥- ពិនិត្យជាតិស្ករក្នុងទឹកនោម
តេស្តនេះ មិនច្បាស់ដូចការពិនិត្យមើលក្នុងឈាមនោះទេ គ្រាន់តែជាតេស្តជំនួសពេលមិនអាចរកតាមឈាមបានប៉ុណ្ណោះ។ យ៉ាងណា តេស្តទឹកនោម ចាំបាច់សម្រាប់ការពិនិត្យរកសារធាតុសេតូន (Ketone) ស្ថានភាពជំងឺយើងគ្រប់គ្រងមិនបានល្អ ឬពេលយើងមានជំងឺតម្រងនោម ដែលជាផលវិបាកមួយផ្នែកទៀតនៃជំងឺទឹកនោមផ្អែម។
ជារួមការកត់ត្រាកម្រិតជាតិស្ករក្នុងឈាម មានសារៈសំខាន់សម្រាប់គ្រូពេទ្យ និងយើងផ្ទាល់ ដើម្បីអាចឲ្យយើងដឹងពីការឆ្លើយតបរបស់រាងកាយទៅ និងផែនការថែទាំជំងឺទឹកនោមផ្អែមបានល្អ។
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
High Blood Sugar, Diabetes, and Your Body. http://www.webmd.com/diabetes/ready-to-lower-16/how-sugar-affects-diabetes. Accessed January 7th, 2017.
Blood Sugar Levels for Adults with Diabetes. http://www.webmd.com/diabetes/guide/normal-blood-sugar-levels-chart-adults. Accessed January 7th, 2017.