home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ស្រីៗ មកដឹងពីរោគសញ្ញា និងដំណាក់កាលនៃការវិវត្តន៍ជំងឺមហារីកទ្វារមាស

ស្រីៗ មកដឹងពីរោគសញ្ញា និងដំណាក់កាលនៃការវិវត្តន៍ជំងឺមហារីកទ្វារមាស

ជំងឺមហារីក​ទ្វារ​មាស គឺ​ជា​មហារីក​ដែល​ប៉ះ​ពាល់​ដល់​ផ្នែក​ខាង​ក្រៅ​នៃ​តំបន់​ប្រដាប់​ភេទ​របស់​ស្ត្រី។ ជំងឺ​មហារីក​នេះ​មិន​សូវ​កើត​មាន​ទេ បើ​ប្រៀប​ទៅ​នឹង​មហារីក​ដទៃ​ទៀត​នៃ​ប្រដាប់​បន្តពូជ​ដូច​ជា មហារីក​អូវែ ឬ​មហារីក​ស្បូន។

ចំពោះ​ជំងឺ​មហារីក​ទ្វារមាស​នេះ គ្រូ​ពេទ្យ​មិន​ទាន់​រក​ឃើញ​មូល​ហេតុ​នៅ​ឡើយ។ ជា​ទូទៅ​មហារីក​កើត​ឡើង​ដោយ​សារ​ការ​មាន​បម្រែបម្រួល​​ហ្សែន​ដែល​កោសិកា​ធម្មតា​វិវត្ត​ទៅ​ជា​កោសិកា​មហារីក​ដោយ​លូត​លាស់ និង​បំបែក​កូន​ចៅ​យ៉ាង​ឆាប់​រហ័ស។ ក្រៅ​ពី​នេះ​កោសិកា​ទាំង​នេះ​បំផ្លាញ​កោសិកា​ដែល​នៅ​ជុំវិញ ​ហើយ​រាល​ដាល​ទៅ​សរីរាង្គ​ផ្សេង​ទៀត។ តែ​កត្តា​ហានិភ័យ​នៃ​ការ​វិវត្ត​ជា​ជំងឺ​មហារីក​កើន​ឡើង​ដោយ​លក្ខខណ្ឌ​ដូច​ជា អាយុ​ច្រើន ដំបៅ​​ជាលិកា​ទ្វារ​មាស ដែល​បណ្ដាល​ឲ្យ​រមាស់ និង​រលាក​ទ្វារមាស​ជាប់​រហូត ការ​ឆ្លង​មេរោគ​វីរុស ជក់​បារី​ខ្លាំង។ល។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ច័ន្ទ រស្មី ឯកទេស​ផ្នែក​សម្ភព និង​រោគ​ស្ត្រី។

រោគ​សញ្ញា​ជំងឺ​មហារីក​ទ្វារមាស

  • ការ​ឡើង​ក្រហម ឬ​ការ​ផ្លាស់​ប្ដូរ​នៃ​បបូរ​ទ្វារមាស
  • ច្រើន​តែ​បណ្ដាល​ឲ្យ​មាន​ដុំ​ពក​មើល​ទៅ​មិន​ធម្មតា ឬ​មាន​ដំបៅ​ពណ៌​ក្រហម ឬ​សាច់​ស្អុយ​ដែល​មិន​ជា​សះ​ស្បើយ
  • ជួន​កាល ដំបៅ​រាប​ស្មើ និង​មាន​បន្ទះ​នាំ​ឲ្យ​ខូច​ទ្រង់​ទ្រាយ​ម្ខាង ឬ​ទាំង​ពីរ។ ជាលិកា​ជុំ​វិញ​ខូច​ទ្រង់​ទ្រាយ។ ដុំ​អាច​មាន​ពណ៌​ខៀវ ខ្មៅ ឬ​ពណ៌​ត្នោត និង​លេច​ចេញ​ជា​រូបរាង​ផុស​ឡើង​ផុត​ស្បែក។ ដំបៅ​ខ្លះ​មើល​ទៅ​ដូច​ជា សិរមាន់។
  • ដុំ​សាច់​ដុះ ឬ​ដំបៅ​អាច​បណ្ដាល​ឲ្យ​មាន​ការ​ហូរ​ឈាម ឬ​ការ​ហូរ​ទឹក​រម្អិលចេញ​មក​ក្រៅ។

វេជ្ជបណ្ឌិត​រូប​នេះ​បន្ត​ថា ក្រុម​គ្រូពេទ្យ​កំណត់​ដំណាក់​កាល​នៃ​ជំងឺ​មហារីក​ទ្វារមាស ដោយ​ផ្អែក​លើ​ទំហំ​ទី​តាំង និង​ថា​យើង​វា​បាន​រាលដាល​ដល់​កូន​កណ្ដុរ នៅ​ក្បែរ​នោះ​ដែល​ត្រូវ​បាន​កំណត់​ក្នុង​ពេល​វះ​កាត់​យក​ដុំ​សាច់​ចេញ។ ដំណាក់​កាល​ចាប់​ពី​ទី១ (ដំបូង​បំផុត) ដល់​ដំណាក់​កាល​ទី៤ (ដំណាក់​កាល​ចុង​ក្រោយ)

ដំណាក់​កាល​ទី​១៖ មហារីក​ត្រូវ​បាន​កំណត់​ចំពោះ​បបូរ​ទ្វារមាស ឬ​រន្ធគូថ (តំបន់​ចន្លោះ​ទ្វារមាស និង​រន្ធគូថ)
ដំណាក់​កាល​ទី២៖ មហារីក​បាន​រាលដាល​ដល់​ជាលិកា​ដែល​នៅ​ជាប់​គ្នា (ផ្នែក​ខាង​ក្រោម​នៃ​បង្ហួរ​នោម ឬ​ទ្វារមាស ឬ​រន្ធគូថ) ប៉ុន្តែ មិន​មែន​ដល់​កូន​កណ្ដុរ​ទេ
ដំណាក់​កាល​ទី៣៖ មហារីក​បាន​រាលដាល​ដល់​កូន​កណ្ដុរ​ប៉ុន្ដែ​មិន​ចាំ​បាច់​ដល់​ជាលិកា​ដែល​នៅ​ជាប់​នោះ​ទេ
ដំណាក់​កាល​ទី៤៖ មហារីក​បាន​រីករាល​បន្ថែម​ទៀត​ឧទាហរណ៍​ទៅ​ប្លោក​នោម​ផ្នែក​ខាង​លើ​នៃ​ទ្វារ​មាស ឬ​បង្ហួរ​នោម រន្ធគូថ កូន​កណ្ដុរ​នៅ​ឆ្ងាយ ឬ​នៅ​ខាង​ក្រៅ​អាង​ត្រគាក។

សម្រាប់​ការ​ព្យាបាល​ជំងឺ​មហារីក​ទ្វារ​មាស​អាច​ធ្វើ​ឡើង​ដោយ​មាន​ការ​វះកាត់ ការ​ប្រើ​ថ្នាំ​គីមី ឬ​ការ​ព្យាបាល​ដោយ​កាំរស្មី។ ហើយ​ភាគ​រយ​ព្យាបាល​ជំងឺ​មហារីក​នេះ​នៅ​ដំណាក់​កាល​ដំបូង​អាច​ជាះ​សះស្បើយ​ខ្ពស់ (៩០%) តែ​បើ​ទុក​ដល់​ដំណាក់​កាល​ចុង​ក្រោយ​ហើយ​នោះ​ភាគ​រយ​ជោគជ័យ​ក្នុង​ការ​ព្យាបាល​មាន​តែ ១៥%​ប៉ុណ្ណោះ។

មហារីកទ្វារមាស

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នាង សុខុមដាលីញ៉ា
កែ 2 ស​ប្តា​ហ៍​មុន
x