ជារៀងរាល់ ២ នាទី មានស្រ្តីម្នាក់បាត់បង់ជីវិតដោយសារតែជំងឺមហា រីកមាត់ស្បូន ហើយនៅជុំវិញពិភពលោក មានករណីជំងឺមហារីកមាត់ស្បូនកើនឡើងគួរឲ្យកត់សម្គាល់។ ទោះជាយ៉ាងនេះក្តី គ្នាយើងអាចការពារខ្លួនពីជំងឺដ៏កាចសាហាវមួយនេះ តាមរយៈការចាក់វ៉ាក់សាំងបង្ការជំងឺមហារីកមាត់ស្បូន និងពិនិត្យសុខភាពមាត់ស្បូនជាទៀងទាត់។

ខាងក្រោមនេះជាការពិត ៥ យ៉ាងពីវីរុស HPV ដែលបង្កជាជំងឺមហារីកមាត់ស្បូន និងមហារីកជាច្រើនទៀត

១. ជំងឺមហារីកមាត់ស្បូនជាមហារីកកើតឡើងញឹកញាប់បំផុតទី ៤ ចំពោះស្រ្តីទូទាំងពិភពលោក

កាលពីឆ្នាំ ២០២២ ស្រ្តីប្រមាណ ៣៥០ ០០០នាក់បានបាត់បង់ជីវិតដោយសារជំងឺមហារីកមាត់ស្បូន ហើយតួលេខអ្នកកើតថ្មីមានចំនួន៦៦០ ០០០នាក់។ ក្នុងចំណោមអ្នកជំងឺមហារីកមាត់ស្បូន នៅអាហ្វ្រិក អាមេរិកកណ្តាល និងអាស៊ីអាគ្នេយ៍យើង មានអត្រាស្លាប់ដោយសារជំងឺមហារីកមាត់ស្បូនខ្ពស់បំផុត។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

២. ស្ទើរតែគ្រប់ករណីជំងឺមហារីកមាត់ស្បូនសុទ្ធតែមានទំនាក់ទំនងនឹងវីរុសHPV

ច្រើនជាង ៩៥% នៃជំងឺមហារីកមាត់ស្បូន បង្កឡើងដោយវីរុសHPV ហើយវីរុសនេះមានច្រើនជាង ២០០ ប្រភេទ និងភាគច្រើនមិនបង្ហាញរោគសញ្ញាអ្វីឡើយ។ យ៉ាងណាមិញ ប្រភេទវីរុស HPV ដែលមានហានិភ័យខ្ពស់ អាចបណ្តាលឲ្យមានការបង្ករោគរ៉ាំរ៉ៃ និងការលូតលាស់នៃជំងឺមហារីក។

៣. វ៉ាក់ស៊ាំង HPV អាចបង្កជំងឺមហារីកមាត់ស្បូនរហូតដល់៩០%

ការចាក់វ៉ាក់ស៊ាំង HPV ជាវិធីសាស្រ្តដ៏ល្អបំផុត ដើម្បីបញ្ចៀសការឆ្លងវីរុស HPV និងអាចបញ្ចៀសប្រភេទវីរុស HPV ដែលបង្កជាជំងឺមហារីកមាត់ស្បូនរហូតដល់ ៩០%។ តួយ៉ាង មានប្រទេសជាច្រើនបានណែនាំវ៉ាក់ស៊ាំង HPV ដល់ក្មេងស្រីចាប់ពីអាយុ ៩ ឆ្នាំ ដល់ ១៤ ឆ្នាំ។

វ៉ាក់ស៊ាំងHPV

៤. ការពិនិត្យរកជំងឺមហារីកមាត់ស្បូន និងការព្យាបាលទាន់ពេលមានសារៈសំខាន់ណាស់

ការពិនិត្យរកជំងឺមហារីកមាត់ស្បូនជាទៀងទាត់ ជាវិធីសាស្រ្តដ៏មានប្រសិទ្ធភាពក្នុងការធ្វើរោគវិនិច្ឆ័យទាន់ពេល និងអាចទទួលការព្យាបាលជាសះស្បើយ។ ហេតុនេះហើយ ស្រីៗយើងគួរពិនិត្យសុខភាពជាប្រចាំ ទើបជាការប្រសើរ។

៥. វីរុស HPV បង្កើនហានិភ័យនៃជំងឺមហារីកច្រមុះបំពង់ក

ជាទូទៅ ជំងឺមហារីកច្រមុះបំពង់ក អាចបណ្តាលមកពីការប្រើប្រាស់ថ្នាំជក់ ឬគ្រឿងស្រវឹង ប៉ុន្តែ ៧០% នៃជំងឺមហារីកទាំងនេះ បែរជាបង្កឡើងដោយវីរុស HPV ទៅវិញ។ ជំងឺមហារីកច្រមុះបំពង់កប៉ះពាល់ផ្នែកខាងក្រោយនៃបំពង់ក រួមទាំងគល់អណ្តាត និងសាច់បំពង់ក ហើយមាន ៣២០០ ករណីថ្មីនៃជំងឺមហារីកច្រមុះបំពង់ក មានពាក់ព័ន្ធនឹងវីរុស HPV លើស្រ្តី និងប្រហែលជា ១៣២០០ ករណីកើតឡើងលើបុរសជារៀងរាល់ឆ្នាំក្នុងសហរដ្ឋអាមេរិក។

ចំណុចសំខាន់

ការពិត ៥ យ៉ាងពីវីរុស HPV ដែលបង្កជាជំងឺមហារីកមាត់ស្បូន និងមហារីកជាច្រើនទៀត

១. ជំងឺមហារីកមាត់ស្បូនជាមហារីកកើតឡើងញឹកញាប់បំផុតទី ៤ចំពោះស្រ្តីទូទាំងពិភពលោក
២. ស្ទើរតែគ្រប់ករណីជំងឺមហារីកមាត់ស្បូនសុទ្ធតែមានទំនាក់ទំនងនឹងវីរុស HPV
៣. វ៉ាក់ស៊ាំង HPV អាចបង្កជំងឺមហារីកមាត់ស្បូនរហូតដល់ ៩០%
៤. ការពិនិត្យរកជំងឺមហារីកមាត់ស្បូន និងការព្យាបាលទាន់ពេលមានសារៈសំខាន់ណាស់
៥. វីរុស HPVបង្កើនហានិភ័យនៃជំងឺមហារីកច្រមុះបំពង់ក

អត្ថបទគួរអាន៖

ការពិត ៥ យ៉ាង​ពីវីរុស HPV បង្កជាមហារីកមាត់ស្បូន និងមហារីកច្រើនទៀត

ខាងក្រោម​នេះ​ជា​ការពិត​ ៥ យ៉ាង​ពី​វីរុស ​HPV ដែល​បង្ក​ជា​ជំងឺ​មហារីក​មាត់​ស្បូន​ និង​មហារីក​ជា​ច្រើន​ទៀត

១. ជំងឺ​មហារីក​មាត់​ស្បូន​ជា​មហារីក​កើត​ឡើង​ញឹកញាប់​បំផុត​ទី ​៤ ​ចំពោះ​ស្រ្តី​​ទូទាំង​ពិភពលោក

២. ស្ទើរ​តែ​គ្រប់​ករណី​ជំងឺ​មហារីក​មាត់​ស្បូន​សុទ្ធ​តែ​មាន​ទំនាក់ទំនង​នឹង​វីរុស​HPV

៣. វ៉ាក់ស៊ាំង​ HPV អាច​បង្ក​ជំងឺ​មហារីក​មាត់​ស្បូន​រហូត​ដល់​៩០%

៤. ការ​ពិនិត្យ​រក​ជំងឺ​មហារីក​មាត់​ស្បូន និង​ការ​ព្យាបាល​ទាន់ពេល​មាន​សារៈសំខាន់​ណាស់

៥. ​វីរុស HPV បង្កើន​ហានិភ័យ​នៃ​ជំងឺ​មហារីកច្រមុះបំពង់ក