មហារីកស្បែក

ជំងឺមហារីកស្បែកក្រោមក្រចក កម្រកើតតែក៏គ្រោះថ្នាក់

ជំងឺមហារីកស្បែកប្រភេទMelanomas ជាទូទៅវិវត្តនៅត្រង់ផ្នែកនៃរាងកាយដែលបានប៉ះពាល់ខ្លាំងទៅនឹងពន្លឺព្រះអាទិត្យ ដូចជាទ្រូង មុខ ខ្នង ជើង ត្រចៀក និងដៃ។ ប៉ុន្តែគ្នាយើងធ្លាប់ដឹងទេថា ជំងឺមហារីកស្បែកប្រភេទនេះ ក៏អាចកើតមាននៅក្រោមក្រចកដែរ? ទោះបីនេះជាករណីកម្រ តែវាក៏មានប្រហែល២ភាគរយក្នុងចំណោមអ្នកកើតមហារីកស្បែកនេះ។ Melanoma ជាប្រភេទជំងឺ មហារីកស្បែកមួយប្រភេទដែលមានសភាពគ្រោះថ្នាក់ កើតក្នុងកោសិកាផលិតជាតិមេឡានីន ដែលជាធាតុផ្ដល់ពណ៌ទៅដល់ស្បែក។ មូលហេតុបង្កជំងឺមហារីកប្រភេទនេះនៅមិនទាន់ដឹងច្បាស់នៅឡើយ ប៉ុន្តែការប៉ះពាល់ទៅនឹងកាំរស្មីព្រះអាទិត្យច្រើន បង្កើនហានិភ័យកើតជំងឺមួយនេះ។ ១. រោគសញ្ញា ជំងឺមហារីកស្បែកក្រោមក្រចក ភាគច្រើនកើតលើក្រចកដៃ ច្រើនជាងក្រចកជើង និងអាចធ្វើរោគវិនិច្ឆ័យឃើញច្រើននៅមេដៃ និងមេជើង។ មហារីកស្បែកនៅក្រោមក្រចក ជាធម្មតាមានលេចចេញពណ៌ត្នោត ឬខ្មៅនៅក្រោមក្រចក។ ជាទូទៅ ដុំខ្មៅនេះនឹងរាលដាលបន្តិចម្ដងៗ និងមានទំហំកាន់តែធំ ដែលអាចធំជាង៣មិល្លីម៉ែត្រ។ ខុសពីការឆ្លងរោគ ឬរងរបួសនៅក្រចក មហារីកស្បែកក្រោមក្រចក ជាទូទៅនឹងមានផលប៉ះពាល់លើក្រចកម្ដងមួយៗ។ រោគសញ្ញាផ្សេងទៀតមានដូចជា៖ ក្រចករបើកចេញពីសាច់ ក្រចកស្រួយ និងងាយបាក់ មានសភាពហើមនៅក្រោមក្រចក ស្បែកនៅក្បែរក្រចកចាប់ផ្ដើមឡើងខ្មៅ ក្នុងករណីសង្ស័យថាក្រចកមានបញ្ហាដែលយើងមិនអាចកំណត់ថាជារបួស ឬក៏ឆ្លងរោគ គ្នាយើងគួរជួបពិភាក្សាជាមួយគ្រូពេទ្យ។ អ្នកដែលប្រឈមនឹងជំងឺនេះជាទូទៅគឺមនុស្សមានវ័យលើសពី៥០ឆ្នាំ និងអ្នកមានប្រវត្តិគ្រួសារកើតជំងឺមហារីកស្បែក ជាដើម។ ២. វិធីការពារ ដោយសារតែមូលហេតុបង្កជំងឺមហារីកស្បែកក្រោមក្រចកនេះមិនទាន់ដឹងច្បាស់លាស់ មានន័យថាអ្នកជំងឺមិនអាចដាក់ចេញវិធានការជាក់លាក់ដើម្បីការពារនោះទេ។ យ៉ាងណា ព្រោះតែជំងឺនេះអាចកើតចេញពីរបួសលើក្រចកដៃ និងក្រចកជើង គ្នាយើងគួរតែប្រើស្រោមដៃការពារដៃពេលធ្វើការងារធ្ងន់ និងពាក់ឧបករណ៍ការពារក្រចកជើងពេលយើងលេងកីឡា។ ការរកឃើញជំងឺនេះបានលឿន គឺជារឿងសំខាន់ក្នុងការព្យាបាលជំងឺមហារីកស្បែកក្រោមក្រចកនេះ។ ដូចនេះហើយ យើងគួរពិគ្រោះជាមួយគ្រូពេទ្យពេលឃើញការប្រែប្រួលកើតមានលើក្រចក ដែលគួរឲ្យបារម្ភ។

សូមស្វាគមន៍ !

មានអ្វីថ្មី?

មាតិកា

ហានិភ័យសុខភាព

លំហាត់ប្រាណ

ការពពោះ & ការចិញ្ចឹមកូន

ចំណេះដឹងទូទៅ

ជំងឺមហារីកស្បែកក្រោមក្រចក កម្រកើតតែក៏គ្រោះថ្នាក់

មនុស្សសម្បុរខ្មៅ មិនប្រឈមនឹងជំងឺមហារីកស្បែក?

កម្ដៅព្រះអាទិត្យ បង្កជាជំងឺមហារីកស្បែកបែបណា?

តិចនិកការពារស្បែកពីកម្ដៅថ្ងៃ បន្ថយហានិភ័យកើតមហារីក

សញ្ញាទាំងនេះ បញ្ជាក់ថាប្រើផលិតផលថែសម្រស់មិនត្រូវនឹងស្បែក

ប្រជ្រុយអាចជាសញ្ញានៃមហារីកស្បែក តើគួរបារម្ភនៅពេលណា?

បើដើរលេងច្រើន អ្នកវិទ្យាសាស្រ្តប្រាប់ឲ្យយកចិត្តទុកដាក់រឿងមហារីកស្បែក

Skin Cancer (មហារីកស្បែក)

គ្រូពេទ្យឯកទេសផ្នែក មហារីកស្បែក របស់យើង

មើលបន្ថែមពីគ្រូពេទ្យឯកទេស

វេជ្ជ. ចាន់ ស៊ីណេត

ចង់ចាកចេញពី Hellokrupet?