សារធាតុគីមីក្នុងថ្នាំលាបសក់ មិនមានជាតិពុលខ្លាំងនោះទេ ហើយបើយោងតាមការស្រាវជ្រាវភាគច្រើនបានបង្ហាញថា ការលាបសក់នៅអំឡុងពេលពពោះមានសុវត្ថិភាពសម្រាប់ម៉ាក់ៗ។
ម៉ាក់ៗកំពុងពពោះ ឬបំបៅដោះកូនអាចលាបពណ៌សក់បានអត់?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពពោះប៉ុន្មានសប្ដាហ៍ ទើបម៉ាក់ៗអាចលាបសក់ប្រកបដោយសុវត្ថិភាព?
ម៉ាក់ៗគប្បីលាបសក់ ក្រោយពពោះបាន១២សប្ដាហ៍ទើបជាការប្រសើរ ពីព្រោះថាហានិភ័យនៃសារធាតុគីមីដែលប៉ះពាល់ដល់ទារកមានកម្រិតទាប។ ក្នុងករណីដែលម៉ាក់ៗលាបថ្នាំសក់ដោយខ្លួនឯង គប្បីកាត់បន្ថយហានិភ័យ ដោយអនុវត្តតាមវិធានដូចខាងក្រោម៖
- ពាក់ស្រោមដៃ
- លាបរួចទុកចោលរយៈពេលតិចបំផុត មុនពេលលាងសម្អាតសក់
- លាបនៅបន្ទប់ដែលមានខ្យល់ចេញចូល
- លាងជម្រះស្បែកក្បាលឲ្យបានសព្វល្អ
ជាមួយគ្នានេះដែរ ការហាយឡាយសក់ក៏អាចកាត់បន្ថយហានិភ័យបានដែរ ដោយសារតែសារធាតុគីមីដែលប្រើសម្រាប់លាបសក់ ស្រូបចូលតែក្នុងសរសៃសក់ប៉ុណ្ណោះ ហើយមិនប៉ះពាល់ដល់ស្បែកក្បាល ឬអាចឆ្លងចូលទៅក្នុងចរន្តឈាមឡើយ។
ការលាបសក់អំឡុងពេលបំបៅដោះកូន
ការលាបសក់នៅអំឡុងពេលបំបៅដោះកូន ក៏មានសុវត្ថិភាពដែរ ពីព្រោះថាបរិមាណសារធាតុគីមីមិនឆ្លងទៅក្នុងចរន្តឈាម ដូច្នេះហើយសារធាតុទាំងនោះមិនអាចឆ្លងចូលទៅក្នុងទឹកដោះម្ដាយឡើយ។ យ៉ាងណាមិញ ដើម្បីរក្សាសុខភាពសក់ឲ្យបានល្អ ម៉ាក់ៗគប្បីជ្រើសរើសប្រើសាប៊ូកក់សក់ និងក្រែមបន្ទន់សក់ដែលស័ក្ដិសមសម្រាប់សក់ពណ៌ និងមិនមានសារធាតុParabens ព្រមទាំងSulfates ក៏ដូចជាសារធាតុគីមីខ្លាំងៗផ្សេងទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម