តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ពពោះ កើតជំងឺបម្រុងក្រឡាភ្លើងធ្ងន់ធ្ងរអាចមានគ្រោះថ្នាក់ដល់គភ៌មេ៉ចខ្លះ?

    ពពោះ កើតជំងឺបម្រុងក្រឡាភ្លើងធ្ងន់ធ្ងរអាចមានគ្រោះថ្នាក់ដល់គភ៌មេ៉ចខ្លះ?

    ជំងឺ​បម្រុង​ក្រឡា​ភ្លើង និង​ក្រឡា​ភ្លើង ជា​ជំងឺ​មួយ​ដែល​កើត​មាន​ពេល​​ស្ត្រី​មាន​ផ្ទៃពោះ​ចាប់​ពី ២០​សប្ដាហ៍​ឡើង​ទៅ​ ដែល​មាន​សញ្ញា​ចម្បង​រួម​មាន ហើម លើស​សម្ពាធ​ឈាម ទឹក​នោម​ប្រៃ ឈឺ​ក្បាល វិល​មុខ និង​ចុក​ចុង​ដង្ហើម ជាដើម។ នេះ​បើ​តាម​ការ​ឲ្យ​ដឹង​របស់​លោក​វេជ្ជបណ្ឌិត ចាន់ រស្មី ឯក​ទេស​ផ្នែក​សម្ភព និង​រោគ​ស្ត្រី។

    ម៉ាក់ៗ​ពពោះ​ភាគ​ច្រើន​ពុំ​បាន​ដឹង​ច្បាស់​ពី​អាការៈ​នៃ​ជំងឺ​បម្រុង​ក្រឡា​ភ្លើង​នេះ ទើប​ធ្វើ​ឲ្យ​មាន​ការ​ធ្វេស​ប្រហែស​បណ្ដោយ​ឲ្យ​មាន​គ្រោះ​ថ្នាក់​ដល់​ជីវិត។ ក្នុង​ករណី​ដែល​មិន​ដឹង និង​ពិនិត្យ​រក​រោគ​សញ្ញា​ទាន់​ពេល​វេលា មិន​ត្រឹម​តែ​ផ្ដល់​ផល​ពិបាក​ដល់​ម៉ាក់ៗ​ទេ តែ​ទារក​ក្នុង​ផ្ទៃ​ក៏​អាច​ជួប​បញ្ហា​ដូច​ជា៖

    – ទារក​លូត​លាស់​មិន​ប្រក្រតី
    – ទម្ងន់​តូច​ជាង​អាយុ​នៃ​គភ៌
    – ខ្សោយ​ប្រាជ្ញា​ស្មារតី
    – ស្លាប់​ក្នុង​ពោះ
    -​ សម្រាល​មិន​គ្រប់​ខែ។

    លោក​វេជ្ជបណ្ឌិត​បន្ត​ថា ចំពោះ​ម្ដាយ​វិញ អាច​ប្រឈម​នឹង​​ការ​ដាច់​សរសៃ​ឈាម​ខួរក្បាល ងងឹត​ភ្នែក ហើម​សួត​ស្រួច​ស្រាល់ ខាន់​លឿង ឬខូចមុខងារ​​ថ្លើម ខ្សោយ​តម្រង​នោម​ធ្ងន់ធ្ងរ និង​របេះ​សុក​មុន​ពេល​កំណត់។

    ជាក់​ស្ដែង រោគ​សញ្ញា​ដែល​បញ្ជាក់​ថា​ស្ត្រី​ពពោះ​អាច​មាន​អាការៈ​ជំងឺ​បម្រុង​ក្រឡា​ភ្លើង​ដូច​ជា ហើម លើស​សម្ពាធ​ឈាម ទឹក​នោម​ប្រៃ ឈឺ​ក្បាល វិលមុខ ស្រវាំង​ភ្នែក ហត់ ចុក​ចុង​ដង្ហើម ប្រកាច់​និង​កន្ត្រាក់ ។ល។

    វេជ្ជបណ្ឌិត​ឯក​ទេស​ផ្នែក​សម្ភព​រូប​នេះ បាន​បញ្ជាក់​ថា គ្រប់​ស្ត្រី​ពពោះ​ទាំង​អស់​​ត្រូវ​ទៅ​ពិនិត្យ​ផ្ទៃ​ពោះ​ជា​ប្រចាំ​តាម​ការ​ណាត់​របស់​គ្រូពេទ្យ ដែល​យ៉ាង​តិច​ណាស់ ៤​ដង​ក្នុង​អំឡុង​ពេល​មាន​ផ្ទៃ​ពោះ ដើម្បី​តាម​ដាន​រក​រោគ​សញ្ញា​ដែល​កើត​មាន ព្រោះ​ស្ត្រី​ពពោះ​អាច​មិន​ដឹង​ថា​ខ្លួន​កើត​ជំងឺ​បម្រុង​ក្រឡា​ភ្លើង​នេះ។​

    health-tool-icon

    ការឡើងទម្ងន់ស្ត្រីអំឡុងពពោះ

    រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។

    28

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 29/06/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: