ទឹកនោមមានល្អក់ បណ្ដាលមកពីអ្វី?
ទឹកនោមប្រែជាល្អក់ គឺដោយសារតែកោសិកាឈាមសមានបរិមាណច្រើនជ្រុលដើម្បីប្រយុទ្ធជាមួយនឹងការឆ្លងមេរោគ វត្តមាននៃឈាមនៅក្នុងទឹកនោម ឬអាចលាយឡំជាមួយនឹងការធ្លាក់ឈាមតាមទ្វារមាស។
១. កង្វះជាតិទឹក
នៅពេលដែលយើងខ្វះជាតិទឹកនៅក្នុងរាងកាយ ទឹកនោមនឹងប្រែទៅជាពណ៌ស្រអាប់ និងខាប់ខ្លាំង ឬអាចល្អក់ផងដែរ។ ជាទូទៅ មានកត្តាជាច្រើនដែលនាំឲ្យស្ត្រីពពោះខ្វះជាតិទឹក ដូចជាការក្អួត ឬការឡើងកម្ដៅខ្លួនខ្លាំង ។ ទោះបីជាពុំមានការបាត់បង់ជាតិទឹក ដោយសារតែបញ្ហាសុខភាពផ្សេងៗ ជាធម្មតា ស្ត្រីពពោះត្រូវការជាតិទឹកក្នុងបរិមាណច្រើន ដើម្បីទ្រទ្រង់សុក ទឹកភ្លោះ និងទារក។
សញ្ញាសំខាន់ៗនៃការខ្វះជាតិទឹក៖ ទឹកនោមមានពណ៌ស្រអាប់ ស្រេកទឹក នោមញឹកញាប់ អស់កម្លាំង វិលមុខ។