ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទងសុកភ្ជាប់ផ្ចិតទារកក្នុងផ្ទៃទៅនឹងសុក ដែលមាននាទីដឹកនាំសារធាតុចិញ្ចឹម អុកស៊ីសែន និងឈាមពីម៉ាក់ៗទៅឱ្យទារក ហើយដឹកនាំកាកសំណល់ពីទារកត្រលប់ទៅរាងកាយម៉ាក់ៗវិញ។ ចុះហេតុអ្វីបានជាទងសុករុំកទារកទៅវិញ?
ជាទូទៅ ទងសុកអាចរុំកទារកទារកនៅត្រីមាសទី ៣ ហើយមូលហេតុដែលអាចបណ្តាលឱ្យទងសុករុំកទារកអាចមានដូចជា៖
សារធាតុអន្ធិល Wharton មាននាទីការពារសរសៃឈាមនៅខាងក្នុងទងផ្ចិត ការពារទងផ្ចិតពីការសង្កត់ និងជំពាក់ដោយសារចលនារបស់ទារកក្នុងផ្ទៃ។ ប្រសិនបើទងផ្ចិតមិនមានសារធាតុអន្ធិល Wharton គ្រប់គ្រាន់ទេ ទងផ្ចិតអាចនឹងរុំកទារកព្រោះទងសុកមិនមានជាតិរម្អិលគ្រប់គ្រាន់។
ដោយសារទារកអណ្តែតក្នុងទឹកភ្លោះ ដូច្នេះការមានទឹកភ្លោះច្រើនអាចឱ្យទារកកម្រើក និងធ្វើចលនាបានច្រើនដែលអាចបណ្តាលឱ្យទងសុករុំកទារក។
ប្រសិនបើទារកក្នុងផ្ទៃមានចលនា ឬកម្រើកច្រើន នោះឱកាសដែលទងផ្ចិតអាចរុំកក៏មានច្រើនដែរ។ ម្យ៉ាងទៀត នៅពេលគភ៌មានអាយុកាន់តែច្រើន ឱកាសទងផ្ចិតអាចរុំកក៏កើនដែរ។
ជាធម្មតា ទងសុកអាចមានប្រវែងប្រហែល ៥០-៦០ សង់ទីម៉ែត្រ។ បើទងសុកមានប្រវែងវែងជាងនេះ ទារកក្នុងផ្ទៃនឹងមានហានិភ័យទងសុករុំកខ្ពស់ ហើយបើទងសុកមានប្រវែងកាន់តែវែង ទងសុកអាចរុំកទារកកាន់តែច្រើនជុំ។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ក្នុងករណីបើម៉ាក់ៗពពោះកូនភ្លោះ តែកូនក្នុងផ្ទៃស្ថិតនៅក្នុងថង់ទឹកភ្លោះតែមួយជាមួយគ្នា ក៏មានហានិភ័យនេះដែរ។ ដោយសារទារកមានទងសុកម្នាក់មួយ នៅពេលទារកកម្រើក ឬធ្វើចលនា ទងសុកអាចជំពាក់ចូលគ្នា ហើយអាចរុំកទារក។
ទងសុករុំកទារកគ្មានវិធីការពារទេ តែម៉ាក់ៗអាចដឹងថា ទងសុករុំកទារកឬអត់នៅពេលថតអេកូ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
