ការរលូតកូនជាបន្តបន្ទាប់ អាចជារឿងដ៏សោកសៅចំពោះប៉ាម៉ាក់ និងក្រុមគ្រួសារទាំងមូល។ ជាក់ស្តែង ការរលូតកូន អាចកើតឡើងដោយសារតែកត្តាហ្សែន បញ្ហាក្រូម៉ូសូមរបស់អំប្រ៊ីយ៉ុង ឬទម្លាប់រស់នៅប្រចាំថ្ងៃរបស់ម៉ាក់ៗដែរ។ យ៉ាងណាមិញ ក្រៅពីប្រឈមនឹងការឈឺចាប់ទាំងផ្លូវកាយ និងផ្លូវចិត្ត ស្រីៗយើងអាចប្រឈមនឹងផលវិបាកសុខភាពទាំងនេះ បន្ទាប់ពីរលូតកូនម្តងហើយម្តងទៀត។

គ្រោះថ្នាក់នៃការរលូតកូនម្តងហើយម្តងទៀត

ការសិក្សាជាច្រើនបានបង្ហាញថា ស្ត្រីដែលមានប្រវត្តិរលូតកូនច្រើនដង មានហានិភ័យខ្ពស់ក្នុងការប្រឈមនឹងផលវិបាកសុខភាពធ្ងន់ធ្ងរ ដូចជាសម្ពាធឈាមខ្ពស់ ជំងឺបេះដូង និងជំងឺទឹកនោមផ្អែមប្រភេទ២។ ប៉ុន្តែ ក្រៅពីនេះ ស្រីៗអាចជួបប្រទះបញ្ហាជាច្រើនផ្សេងទៀត ដែលរួមមាន៖

១. ហានិភ័យនៃជំងឺស្លេកស្លាំង

រាល់ពេលដែលស្រីៗយើងប្រឈមនឹងការរំលូតកូន គឺត្រូវបាត់បង់ឈាមយ៉ាងច្រើន ដែលអាចបណ្តាលឲ្យសុខភាពទ្រុឌទ្រោម និងស្លេកស្លាំង។

២. អសមត្ថភាពមាត់ស្បូន

ជាមួយគ្នានេះដែរ ការរំលូតកូនម្តងហើយម្តងទៀត អាចផ្សារភ្ជាប់ទៅនឹងអសមត្ថភាពមាត់ស្បូន ដែលបណ្តាលឲ្យមាត់ស្បូនរលុង និងមិនអាចទ្រគភ៌បាន។ កត្តានេះ ជាហេតុនាំឲ្យស្រីៗយើងអាចរលូតកូននៅថ្ងៃក្រោយផងដែរ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

៣. ធ្លាយស្បូន

ស្រីៗយើងដឹងអត់ថា ហានិភ័យនៃការធ្លាយស្បូនអាចនឹងកើនឡើងទ្វេដងចំពោះស្ត្រីដែលរំលូតកូន ឬរលូតកូនញឹកញាប់។

៤. កូនកើតមិនគ្រប់ខែ

ទន្ទឹមនឹងនេះដែរ ការរំលូត ឬរលូតកូនញឹកញាប់ ក៏នាំឲ្យស្ត្រីយើងប្រឈមនឹងហានិភ័យខ្ពស់នៃការកើតកូនមិនគ្រប់ខែ នៅពេលដែលមានផ្ទៃពោះដូចគ្នា។

៥. ថង់ស្បូនរាំងស្ទះ

ជំងឺAsherman’s syndrome ឬផលវិបាកដែលកើតមាននៅពេលដែលថង់ស្បូនត្រូវបានរាំងស្ទះទាំងស្រុង អាចកើតមាន នៅពេលដែលស្រីៗប្រឈមនឹងការរលូតកូនម្តងហើយម្តងទៀត។

អត្ថបទគួរអាន៖

ស្រីៗរលូតកូនម្តងហើយម្តងទៀត អាចប្រឈមបញ្ហាសុខភាពទាំងនេះ​​​​​​​​​​​​​​​​​​​​​​​​​​​​​​​​​

គ្រោះថ្នាក់​នៃ​ការ​រលូត​កូន​ម្តង​ហើយ​ម្តង​ទៀត

១. ហានិភ័យ​នៃ​ជំងឺ​ស្លេកស្លាំង

២. អសមត្ថភាព​មាត់​ស្បូន

៣. ធ្លាយ​ស្បូន

៤. កូន​កើត​មិន​គ្រប់​ខែ

៥. ថង់​ស្បូន​​រាំងស្ទះ

ស្រីៗរលូតកូនម្តងហើយម្តងទៀត អាចប្រឈមបញ្ហាសុខភាពទាំងនេះ