ម៉ាក់ៗកំពុងពពោះ ប្រហែលជាព្រួយបារម្ភពីហានិភ័យផ្សេងៗដែលអាចនាំឲ្យរលូតកូន។ ប៉ុន្តែ ករណីរលូតភាគច្រើន គឺកើតឡើងហួសពីការគ្រប់គ្រងរបស់យើង។ យ៉ាងណាមិញ ប្រសិនបើយើងដឹងពីមូលហេតុទូទៅនៃការរលូតកូន ម៉ាក់ៗអាចមានអារម្មណ៍ធូរស្រាល ក៏ដូចជាជួយបង្កើនឱកាសនៃការពពោះដែលមានសុខភាពល្អ និងប្រកបដោយជោគជ័យ។

មូលហេតុទូទៅនៃការរលូតកូន

១. ក្រូម៉ូសូមមិនប្រក្រតី

ចំនួនក្រូម៉ូសូមមិនប្រក្រតីរបស់ទារក អាចបណ្តាលឲ្យកើតមានបញ្ហារលូតកូនក្នុងរយៈពេល១២សប្តាហ៍ដំបូង ហើយក្រូម៉ូសូមនេះដែរ ជាកត្តាកំណត់លក្ខណៈពិសេសរបស់កូន ដូចជាសក់ និងពណ៌ភ្នែក។ នៅពេលដែលក្រូម៉ូសូមខូច ឬមិនត្រូវចំនួន នោះទារកក៏មិនអាចលូតលាស់បានត្រឹមត្រូវដូចគ្នា។ ជាទូទៅ បញ្ហាក្រូម៉ូសូមកើតលើស្ត្រីពពោះដែលមានអាយុលើសពី៣៥ឆ្នាំ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

២. បញ្ហាសុខភាព

សុខភាពម៉ាក់មានតួនាទីយ៉ាងសំខាន់ ជួយឲ្យកូនក្នុងផ្ទៃមានសុខភាពល្អ និងសម្រាលគ្រប់ខែ។ ជាទូទៅ ការរលូតកូន ច្រើនតែកើតឡើងដោយសារតែបញ្ហាសុខភាពម៉ាក់ៗ រួមទាំងការកើតជំងឺស្អូច ជំងឺcytomegalovirus ជំងឺកាមរោគ ដូចជាជំងឺអេដស៍ ឬស្វាយ ឬជំងឺប្រព័ន្ធភាពស៊ាំ។ ជាងនេះទៅទៀត ជំងឺរ៉ាំរ៉ៃដូចជាជំងឺទឹកនោមផ្អែម និងសម្ពាធឈាមខ្ពស់ ក៏អាចបង្កបញ្ហាផ្សេងៗអំឡុងពេលពពោះផងដែរ ប្រសិនបើយើងគ្រប់គ្រងស្ថានភាពជំងឺមិនបានល្អ។ ក្រៅពីនេះ ទម្លាប់រស់នៅប្រចាំថ្ងៃ ដូចជាការជក់បារី និងញ៉ាំគ្រឿងស្រវឹងច្រើនជ្រុល ក៏អាចបង្កើនហានិភ័យនៃការរលូតកូន។

ពពោះ២

៣. ការប្រើប្រាស់ថ្នាំ

ទន្ទឹមនឹងនេះដែរ ការប្រើប្រាស់ថ្នាំដែលគ្មានវេជ្ជបញ្ជាក៏អាចបង្កើនឱកាសក្នុងការរលូតកូន តួយ៉ាងដូចជាថ្នាំប្រឆាំងនឹងការរលាក សម្រាប់ព្យាបាលជំងឺរលាកសន្លាក់រ៉ាំរ៉ៃ និងបញ្ហាស្បែកដូចជាជំងឺត្រអក និងជំងឺមុន។

៤. ការពុលអាហារ

ជាមួយគ្នានេះ ការពុលអាហារអំឡុងពេលពពោះ ក៏អាចបង្កើនហានិភ័យនៃការរលូតកូន ឬកូនស្លាប់ក្នុងផ្ទៃ ជាពិសេសនៅពេលដែលម៉ាក់ៗពុលស៊ុតឆៅ ឬសាច់ឆៅដែលមានមេរោគ។

អត្ថបទគួរអាន៖

គន្លឹះកាត់បន្ថយហានិភ័យនៃការរលូតកូន

ទោះបីជាយើងមិនអាចបញ្ចៀសការរលូតកូនបានទាំងស្រុងក៏ពិតមែន ប៉ុន្តែម៉ាក់អាចកាត់បន្ថយហានិភ័យបាន ដោយការថែទាំខ្លួនឲ្យបានល្អអំឡុងពេលពពោះ។ វិធីសាស្ត្រមួយចំនួន ដែលយើងគួរអនុវត្តន៍ក្នុងអំឡុងពេលដ៏សំខាន់នេះ គឺពិនិត្យផ្ទៃពោះជាទៀងទាត់ រក្សាទម្ងន់ខ្លួន ញ៉ាំវីតាមីនរក្សាគភ៌ ជៀសវាងជក់បារី និងផឹកគ្រឿងស្រវឹង។ ពិសេសជាងនេះទៅទៀត ម៉ាក់ៗមិនគួររំលងរបបអាហារសុខភាព និងការធ្វើលំហាត់ប្រាណជាទៀងទាត់ឡើយ។

កត្តា ៤ យ៉ាង អាចនាំឲ្យស្រីៗរលូតកូន ធ្វើម៉េចកាត់បន្ថយហានិភ័យ?​​​​​​​​​​​​​​​​​​​​​​​​​​​​​​​​​

​​​មូលហេតុ​ទូទៅ​នៃ​ការ​រលូត​កូន

១. ក្រូម៉ូសូម​មិន​ប្រក្រតី

២. បញ្ហា​សុខភាព

៣. ការ​ប្រើប្រាស់​ថ្នាំ

​​​​​៤. ការ​ពុល​អាហារ

គន្លឹះ​កាត់​បន្ថយ​ហានិភ័យ​នៃ​ការ​រលូត​កូន

កត្តា ៤ យ៉ាង អាចនាំឲ្យស្រីៗរលូតកូន ធ្វើម៉េចកាត់បន្ថយហានិភ័យ?