បញ្ហារំលូតកូន ស្រីៗយើងគួរប្រុងប្រយ័ត្នឲ្យមែនទេ បើមិនមានផែនការយកកូនទេ ឬមិនចង់ជ្រុលមានផ្ទៃពោះជាមួយសង្សារទេ គួរចេះការពារផង ព្រោះបើមានហើយ ស្រាប់តែរំលូតចោល មិនត្រឹមធ្វើឲ្យប៉ះពាល់ផ្លូវអារម្មណ៍ អាចបាក់ទឹកចិត្តប៉ុណ្ណោះទេ ថែមទាំងអាចប្រឈមជំងឺធ្ងន់ៗជាច្រើនទៀត។ “Hello គ្រូពេទ្យ” មានបកស្រាយខាងក្រោម៖
ស្រីៗរំលូតកូន អាចប៉ះពាល់ដល់កូនក្រោយៗ និងប្រឈមជំងឺធ្ងន់ៗ
១- ជំងឺមហារីក
ស្រីៗធ្លាប់រំលូតកូន ប្រឈមហានិភ័យកើតជំងឺមហារីកមាត់ស្បូន ខ្ពស់ជាងស្រីៗពុំធ្លាប់ធ្វើរឿងនេះ ដល់ទៅ ២-៥ ដង ហើយការប្រឈមស្រដៀងគ្នាកាន់តែកើនឡើងលើស្រីៗមានជំងឺមហារីកថ្លើម និងមហារីកដៃស្បូនផងដែរ។ ករណីនេះ ក្រុមវេជ្ជបណ្ឌិតបកស្រាយថា វាបណ្តាលមកពីការប៉ះពាល់មិនប្រក្រតីទៅលើអ័រម៉ូន ក៏ដូចជាប្រព័ន្ធភាពស៊ាំ។
២- រហែកមាត់ស្បូន
មធ្យោបាយរំលូតកូន ទាមទារឲ្យមានការបើកមាត់ស្បូនយ៉ាងធំតាមអាចធ្វើបាន ច្បាស់ណាស់ ជាហេតុនឹងធ្វើឲ្យរហែកកោសិកាសាច់ដុំមាត់ស្បូន ហើយក្នុងករណីខ្លះទៀត ការបង្ខំពង្រីកមាត់ស្បូន ថែមទាំងធ្វើឲ្យរហែកធ្ងន់ធ្ងរដល់ជញ្ជាំងស្បូនទៀតផង ជាពិសេសក្មេងស្រីជំទង់ ឬស្រីមានផ្ទៃពោះត្រីមាសទី២ នៅពេលរំលូតកូននោះ ពុំបានប្រើឧបករណ៍ Laminaria ដើម្បីបើកមាត់ស្បូន។ ផលប៉ះពាល់នេះ ធ្វើឲ្យមានជំងឺខ្សោយមាត់ស្បូន បណ្តាលឲ្យស្បូនខ្សោយខ្លាំងពុំអាចទ្រទ្រង់សុកបាន នឹងនាំឲ្យប្រឈមហានិភ័យរលូតកូន កូនកើតមិនគ្រប់ខែ ដល់ទៅ ៣០០-៥០០ ភាគរយឯណោះ។
ក្នុងការសិក្សាមួយចុះផ្សាយក្នុងអត្ថបទវេជ្ជសាស្ត្រអូស្ត្រាលី Medical Journal of Australia អ្នកស្រាវជ្រាវបានសន្និដ្ឋានថា ប្រហែល ៧៥% ស្រីៗបានរំលូតកូន តែងចេញសញ្ញាមួយចំនួនពាក់ព័ន្ធជំងឺខ្សោយមាត់ស្បូន។
អត្ថបទពាក់ព័ន្ធ៖
- រឿងសំខាន់ស្រីៗត្រូវដឹងដើម្បីសុវត្ថិភាព ក្រោយលេបថ្នាំរំលូតកូន
- អាហារចាំបាច់បំផុតក្រោយរំលូតកូន
៣- សុខភាពចុះខ្សោយ
ការសិក្សាមួយនៅប្រទេសកាណាដា ផ្តោតសំខាន់លើកត្តាបង្ក និងផលប៉ះពាល់ដល់ការមានផ្ទៃពោះ បង្ហាញថា ស្រីពពោះចំនួន ១៤២៨/២៩៦១ នាក់ មានទំនាក់ទំនងគួរឲ្យកត់សម្គាល់ ករណីបាត់បង់កូនក្នុងផ្ទៃ និងប្រឈមខ្ពស់បញ្ហាសុខភាពផ្សេងៗ។ ក្នុងចំណោមកត្តាទាំងនោះ កត្តារំលូតកូនដោយចេតនា និងការរលូតកូនលើកទី ២ និងទី ៣ សុទ្ធតែប៉ះពាល់ដល់សុខភាពស្រីៗ។ ការសិក្សាបានបង្ហាញដែរថា គ្មានការលើកទឹកចិត្តពីប្តី ឬមិត្តប្រុស ជាកត្តាដ៏ចម្បងបណ្តាលឲ្យមានការរំលូតកូននេះឯង ហើយហានិភ័យសម្រេចចិត្តរំលូត ខ្ពស់ជាស្រីៗមានដៃគូលើកទឹកចិត្តដល់ទៅ ៦ ដង។
៤- ផលវិបាកភ្លាមៗ
ផលវិបាកអាចកើតមានភ្លាមៗក្រោយពេលរំលូតកូន មានដូចជា ក្អួត ក្តៅខ្លួនខ្លាំង ឈឺពោះរ៉ាំរ៉ៃ រហែកមាត់ស្បូន ញ័រញាក់ និងឆ្លងរោគជាដើម។ ទាំងនេះតែងកើតមានអំឡុងពេលរំលូត និងក្រោយពេលរំលូត។ លើសពីនេះ ក៏កើនការប្រឈមធ្លាក់ឈាម (Endotoxic shock) ប្រកាច់ កកស្ទះក្នុងសរសៃឈាម (Embolism) និងផលប៉ះពាល់ផ្សេងទៀត បង្កឡើងដោយថ្នាំសណ្តំ។ ទោះបីផលវិបាកភ្លាមៗមួយចំនួនធំ អាចព្យាបាលបានក៏គិតមែន តែផលវិបាកទៅថ្ងៃក្រោយ ដូចជា ការខូចខាតស្បូន ឬគ្មានកូន គឺជាបញ្ហាធំ ក៏មិនអាចព្យាបាលបានដែរ។
៥- ឈានដល់ស្លាប់
ករណីរំលូតកូន ជាមូលហេតុមួយធ្វើឲ្យអត្រាមរណៈភាពមាតាទូទាំងពិភពលោកកើនឡើងដល់ទៅ ១៣ ភាគរយ។ ការស្រាវជ្រាវ បញ្ជាក់ថា ស្រីៗធ្លាប់រំលូតកូនប្រឈម នឹងហានិភ័យស្លាប់អំឡុងពេលមានផ្ទៃពោះលើកក្រោយ ដល់ទៅ ៥៨ ភាគរយ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម