មូលហេតុចម្បងៗ ដែលបណ្ដាលឲ្យបង់បាត់ទារកក្នុងផ្ទៃ ទាំងមិនទាន់ឃើញពន្លឺថ្ងៃ អាចមកកត្តាសុក លក្ខខណ្ឌរបស់ខ្លួនឯង និងការធ្វេសប្រហែសរបស់ម្តាយផងដែរ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុចម្បងៗ ដែលបណ្ដាលឲ្យបង់បាត់ទារកក្នុងផ្ទៃ ទាំងមិនទាន់ឃើញពន្លឺថ្ងៃ អាចមកកត្តាសុក លក្ខខណ្ឌរបស់ខ្លួនឯង និងការធ្វេសប្រហែសរបស់ម្តាយផងដែរ។
ការធ្វេសប្រហែសរបស់ម្តាយទាំងប៉ុន្មាននេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ អះអាងថា អាចធ្វើឲ្យកូនស្លាប់ក្នុងពោះ។
ការដែលមិនបានតាមដានសុខភាពខ្លួន និងគភ៌ឲ្យបានទៀងទាត់ ក៏ជាបញ្ហាប្រឈមមួយដែរ។ ការតាមដានសុខភាព និងពិនិត្យផ្ទៃពោះជាប្រចាំជាមួយគ្រូពេទ្យជំនាញពិតជាសំខាន់ណាស់ ព្រោះអាចដឹងពីការលូតលាស់របស់គភ៌ ភាពមិនប្រក្រតីរបស់គភ៌ បើមានបញ្ហានោះអាចជួយបានទាន់ពេលវេលា។ ចាប់ពីពេលពពោះ រហូតដល់ថ្ងៃសម្រាល ស្រីៗត្រូវទៅពិនិត្យផ្ទៃពោះយ៉ាងហោចឲ្យបាន ៤ ដង។
ប្រើថ្នាំផ្តេសផ្តាសអំឡុងពពោះដោយគ្មានពិគ្រោះជាមួយគ្រូពេទ្យ ឬគ្មានវេជ្ជបញ្ជា មានផលប៉ះពាល់ច្រើនណាស់ ដែលក្នុងករណីធ្ងន់ធ្ងរកូនអាចរលូត ឬស្លាប់ក្នុងពោះ។ ការពិគ្រោះយោបល់ជាមួយគ្រូពេទ្យមុននឹងប្រើថ្នាំអ្វីមួយពិតជាសំខាន់ ព្រោះមុននឹងឲ្យថ្នាំ ឬចេញវេជ្ជបញ្ជានោះ គ្រូពេទ្យបានមើលពីស្ថានភាពសុខភាពម្តាយ និងកូន ពីអាយុគភ៌ តើអាចប្រើថ្នាំប្រភេទនេះបានអត់ ប្រើកម្រិតណាទើបមិនប៉ះពាល់កូន។
ការជក់បារី និងផឹកស្រា ពេលពពោះបង្កគ្រោះថ្នាក់ខ្លាំងណាស់ ក្រៅពីធ្វើឲ្យទារកលូតលាស់មិនប្រក្រតី កូនកើតមិនគ្រប់ខែ ក៏អាចបង្កឲ្យកូនស្លាប់ក្នុងពោះដែរ។
ស្រីៗមានផ្ទៃពោះមិនត្រូវនៅជិតអ្នកជំងឺឆ្លងគ្រប់ប្រភេទ ពិសេសអ្នកកើតជំងឺស្អូច ឬអុតស្វាយ ព្រោះជំងឺនេះឆ្លងតាមរយៈតំណក់ទឹកមាត់ ក្អក ឬកណ្តាស់អ្នកជំងឺ។ បើឆ្លង ឬកើតជំងឺទាំង២នេះអាចប៉ះពាល់ដល់កូន ធ្វើឲ្យកូនស្លាប់ក្នុងពោះ ឬកើតមកមិនគ្រប់លក្ខណៈ ដូចជាក្បាលតូច ឬធំ ថ្លង់ មានបញ្ហាភ្នែក ត្រចៀក សួត បេះដូង ប្រព័ន្ធប្រសាទជាដើម។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ