ស្វាមីភរិយាកំពុងត្រៀមយកកូន និងចង់បានកូនត្រូវដឹងថាការទទួលបានអាហារូបត្ថម្ភត្រឹមត្រូវ សុខភាពរាងកាយល្អ សុទ្ធតែមានឥទ្ធិពលលើការចង់បានកូនរបស់យើង។ ជាមួយគ្នានេះដែរវីតាមីនសំខាន់មួយដែលទាំងស្វាមី និងភរិយាត្រូវតែមានគ្រប់គ្រាប់សម្រាប់ត្រៀមយកកូនដែរនោះ គឺអាស៊ីដហ្វូលិក។ អាស៊ីតហ្វូលិក ជាវីតាមីនមួយប្រភេទស្ថិតក្នុងក្រុមវីតាមីន B ដែលស្វាមីភរិយាទាំងឡាយអាចរកបានក្នុងរបបអាហារជាក់លាក់មួយចំនួន។
ស្វាមីភរិយា ត្រៀមយកកូន មិនអាចរំលងវីតាមីនមួយប្រភេទនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អាស៊ីដហ្វូលិក ត្រូវការដើម្បីជួយដល់ការបង្កើតកោសិកាឈាមក្រហម និងការផលិតDNA។ អាស៊ីដប្រភេទនេះ ក៏ដើរតួសំខាន់ក្នុងការបែងចែកកោសិកាផងដែរ។ ដូចគ្នាដែរ បើសិនជាមានកម្រិតអាស៊ីដហ្វូលិកក្នុងឈាមទាប ក៏មានទំនាក់ទំនងនឹងការកើតជំងឺស្លេកសាំងដែរ។
១. អាស៊ីដហ្វូលិកនិងសុខភាពបង្កកំណើតបុរស
កន្លងមកគេដឹងច្បាស់ណាស់ថាស្រ្តីក្នុងវ័យបន្តពូជត្រូវការអាស៊ីដហ្វូលិក ប៉ុន្តែអាស៊ីដនេះ មានប្រយោជន៍ ឬចាំបាច់សម្រាប់បុរសក្នុងវ័យបន្តពូជដែរទេ? មុននឹងមានការបង្កកំណើតបានជាអំប្រ៊ីយ៉ុង ចាំបាច់ត្រូវមានការរួមគ្នារវាងស៊ុតញី និងមេជីវិតឈ្មោល។
ក្នុងដំណើរការចេញពីកោសិកាបន្តពូជដើមទៅជាកោសិកាមេជីវិតឈ្មោលគឺត្រូវការរយៈពេល៦០ថ្ងៃ។ អាស៊ីដហ្វូលិកជាសារធាតុចិញ្ចឹមសំខាន់ នៅពេលមានការបែងចែកកោសិកា និងសំយោគDNA។
កម្រិតអាស៊ីដហ្វូលិកនៅក្នុងទឹកកាមមានទំនាក់ទំនងទៅនឹងចំនួនមេជីវិតឈ្មោល និងសុខភាពមេជីវិតឈ្មោល។ ការសិក្សាមួយបានរកឃើញថា កម្រិតអាស៊ីដហ្វូលិកទាបក្នុងទឹកកាមមានទំនាក់ទំនងនឹងការចុះខ្សោយរបស់DNAមេជីវិតឈ្មោល។ ដូចនេះហើយ បានជាប្រុសៗក៏ចាំបាច់ត្រូវការអាហ៊ីដហ្វូលិកនេះដែរ សម្រាប់សុខភាពមេជីវិតឈ្មោលរបស់ខ្លួន។
កម្មវិធីពិនិត្យជំងឺមហារីកក្រពេញអូវែអនឡាញ
២. អាស៊ីដហ្វូលិកនិងសុខភាពបង្កកំណើតស្រ្តី
ស្រ្តីដែលមានកម្រិតអាស៊ីដហ្វូលិកទាបក្នុងរបបអាហារមានហានិភ័យខ្ពស់មានកូនខូចប្រព័ន្ធប្រសាទ ទាក់ទងនឹងខួរក្បាល និងឆ្អឹងខ្នង។ ពេលយើងនិយាយដល់ការចាប់ផ្ដើមលូតលាស់របស់ទារក វានឹងមានហេតុផលសមរម្យដែលយើងនិយាយដល់អាស៊ីដហ្វូលិកអាចជួយដល់ការបែងចែកកោសិកា ក៏ដូចជាការលូតលាស់កូនក្នុងផ្ទៃ។
ថ្វីត្បិតដែរអាស៊ីដហ៊ូលិកមិនអាចការពារកូនពីបញ្ហាខូចប្រព័ន្ធប្រសាទបានទាំងស្រុង តែថាអាស៊ីដហ្វូលិកបានរួមចំណែកដល់ទៅ៦០ភាគរយ ការពារកូនមិនឲ្យជួបបញ្ហានៅក្នុងផ្ទៃ។ ក្រៅពីនេះ អាស៊ីដហ្វូលិកក៏អាចមានប្រយោជន៍ផ្សេងទៀតដូចជា៖
- កាត់បន្ថយហានិភ័យខូចបេះដូងកូនក្នុងផ្ទៃពីកំណើត
- កាត់បន្ថយហានិភ័យកូនកើតមិនគ្រប់ខែ និងបន្ថយហានិភ័យកូនកើតមិនគ្រប់គីឡូ
- បង្កើនកម្រិតអ័រម៉ូនតេស្តូស្តេរ៉ូន និងកាត់បន្ថយបញ្ហាវដ្ដរដូវមិនទៀងទាត់
នៅមានហេតុផលជាច្រើនផ្សេងទៀត ដែលស្រ្តីកំពុងចង់បានកូន ឬព្យាយាមយកកូនត្រូវប្រាកដថាបានទទួលកម្រិតអាស៊ីដហ្វូលិកគ្រប់គ្រាន់។
៣. ប្រភពអាស៊ីដហ្វូលិក
ជាការណែនាំ បរិមាណអាស៊ីដហ្វូលិកត្រូវទទួលបានក្នុងមួយថ្ងៃរួមមាន៖
- ៤០០មីក្រូក្រាមសម្រាប់បុរស និងស្រ្តីមានអាយុ១៤ឆ្នាំឡើង
- ៥០០មីក្រូក្រាម សម្រាប់ស្រ្តីបំបៅដោះកូន
- ៦០០មីក្រូក្រាម សម្រាប់ស្រ្តីមានផ្ទៃពោះ
សម្រាប់ស្រ្តីកំពុងព្យាហាមយកកូនគួរទទួលបានអាស៊ីដហ្វូលិកប្រចាំថ្ងៃចន្លោះពី៤០០ទៅ១០០០មីក្រូក្រាម។ បើសិនជាស្រីៗយើងមានប្រវត្តិគ្រួសារមានសមាជិកមានជំងឺអូទីស្សឹម ឬការលូតលាស់យឺតយ៉ាវ គ្រូពេទ្យអាចណែនាំទទួលបានអាស៊ីដហ្វូលិកលើសពី២ ០០០មីក្រូក្រាមក្នុងមួយថ្ងៃ។ ការអាចប្រើអាហារបំប៉ន សម្រាប់ទទួលបានអាស៊ីដហ្វូលិក យកល្អគួរពិគ្រោះជាមួយគ្រូពេទ្យ។
អាហារសម្បូរដោយអាស៊ីដហ្វូលិកមានដូចជា ខាត់ណាខៀវ ទំពាំងបារាំង ផ្លែបឺរ ថ្លើមគោ និងស្ពៃពួយឡេង ក្រូច ចេក ល្ហុង ពពួកសណ្ដែក ក្ដាម និងទឹកប៉េងប៉ោះ ជាដើម។
ស្វែងយល់បន្ថែមពីការត្រៀមយកកូន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម