ប្រសិនបើស្រីៗយើងមានបំណងធ្វើការបង្កកំណើតក្រៅស្បូន ក្រោយពេលដែលប្រឈមនឹងការរលូតកូនម្តងហើយម្តងទៀត យើងគួរដឹងពីគន្លឹះមួយចំនួនដើម្បីជំរុញឲ្យអត្រានៃការបង្កកំណើតក្រៅស្បូនឲ្យកាន់ខ្ពស់។

ពេលណាដែលយើងគួរគិតគូរដល់ការបង្កកំណើតក្រៅស្បូន (In-vitro fertilization ឬIVF)?

ពិតណាស់ ការបង្កកំណើតក្រៅស្បូន ឬក្នុងមន្ទីរពិសោធន៍ (IVF) មិនមែនជាជម្រើសតែមួយគត់ក្រោយពេលដែលរលូតកូនឡើយ។ ប៉ុន្តែ ក្នុងករណីដែលយើងមានការពិបាកក្នុងការមានផ្ទៃពោះម្តងទៀត យើងគួរធ្វើការពិចារណាពីការបង្កកំណើតក្រៅស្បូន។

ជាក់ស្តែង ការរលូតកូនកើតឡើងនៅអំឡុងពេលពីរបីខែដំបូងនៃការមានផ្ទៃពោះ ហើយ៥០%នៃការរលូតកូននេះ កើតឡើងនៅរយៈពេលបីខែដំបូង នេះបើយោងតាមNational Library of Medicine។ យ៉ាងណាមិញ ទោះបីជាធ្លាប់រលូតកូនម្តងហើយក៏ពិតមែន នោះមិនមានន័យថាយើងមិនអាចមានផ្ទៃពោះម្តងទៀតឡើយ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

ប៉ុន្តែ ហានិភ័យនៃការរលូតកូនជាលើកទី២ អាចកើនឡើងដល់២០% ហើយបើយើងប្រឈមនឹងការរលូតកូនចាប់ពី៣ដងឡើងទៅ ហានិភ័យមានរហូតដល់ទៅ៤៣%ឯណោះ។ ហេតុនេះហើយ សម្រាប់គូស្នេហ៍ដែលមានបញ្ហារលូតកូនម្តងហើយម្តងទៀត គួរជ្រើសរើសវិធីបង្កកំណើត ដូចជាIVFជាដើម។

ការបង្កកំណើតក្រៅស្បូនជាអ្វី?

ការបង្កកំណើតក្រៅស្បូន ជាដំណើរការនៃការទាញយកមេជីវិតញីពីស្បូន និងបង្កកំណើតជាមួយនឹងមេជីវិតឈ្មោល ក្រោយបង្កកំណើតរួច ទើបអំប្រ៊ីយ៉ុងត្រូវបានផ្ទេរត្រលប់មកកាន់ស្បូនវិញ។ ការបង្កកំណើតក្រៅស្បូន មានសុវត្ថិភាពខ្ពស់ ប៉ុន្តែអត្រាជោគជ័យត្រូវពឹងផ្អែកលើកត្តាជាច្រើនដូចជា អាយុ មូលហេតុនៃការរលូតកូន មូលហេតុនៃការគ្មានកូន និងលក្ខខណ្ឌនៃអ័រម៉ូនជាដើម។

ការបង្កកំណើតក្រៅស្បូន

គន្លឹះមួយចំនួន សម្រាប់អ្នកត្រៀមខ្លួនបង្កកំណើតក្រៅស្បូន

ញ៉ាំអាហារដែលមានតុល្យភាព ដូចជាបន្លែស្លឹកបៃតង ផ្លែឈើ អាហារដែលសម្បូរទៅដោយជាតិដែក និងគេងឲ្យបានយ៉ាងហោចណាស់ពី៧ ទៅ៩ម៉ោងក្នុងមួយថ្ងៃ។
ជៀសវាងជក់បារី ញ៉ាំគ្រឿងស្រវឹង ឬប្រើប្រាស់ថ្នាំមួយចំនួន ដែលអាចប៉ះពាល់ដល់ដំណើរការនៃការមានផ្ទៃពោះ ព្រមទាំងកាត់បន្ថយការញ៉ាំកាហ្វេអ៊ីន។
ធ្វើលំហាត់ប្រាណស្រាលៗ ដូចជាការដើរ ហាត់យូហ្គា ឬរត់ត្រឹកៗ និងជៀសវាងធ្វើលំហាត់ប្រាណខ្លាំងក្លា។
ពិនិត្យសុខភាព មុនពេលធ្វើការបង្កកំណើតក្រៅស្បូន ពីព្រោះបញ្ហាសុខភាពមួយចំនួន ដូចជាជំងឺEndometriosis និងដុំសាច់ក្នុងស្បូន (fibroids) អាចប៉ះពាល់ដល់ការបង្កកំណើតក្រៅស្បូន។
ព្យាបាលកាត់បន្ថយស្រ្តេស ដោយធ្វើសកម្មភាពកំសាន្តផ្សេងៗ។

អត្ថបទគួរអាន៖

ចង់បង្កកំណើតក្រៅស្បូនក្រោយរលូតកូន? ស្រីៗគួរត្រៀមអ្វីខ្លះ?

ពេល​ណា​ដែល​យើង​គួរ​គិតគូរ​ដល់​ការ​បង្ក​កំណើត​ក្រៅ​ស្បូន​ (In-vitro fertilization ឬIVF)?

ការ​បង្ក​កំណើត​ក្រៅ​ស្បូន​ជា​អ្វី?

គន្លឹះ​មួយ​ចំនួន​ សម្រាប់​អ្នក​ត្រៀម​ខ្លួន​បង្ក​កំណើត​ក្រៅ​ស្បូន

ពេលណាដែលយើងគួរគិតគូរដល់ការបង្កកំណើតក្រៅស្បូន (In-vitro fertilization ឬIVF)?

ការបង្កកំណើតក្រៅស្បូនជាអ្វី?

គន្លឹះមួយចំនួន សម្រាប់អ្នកត្រៀមខ្លួនបង្កកំណើតក្រៅស្បូន