ការធ្លាក់ឈាមតិចតួច និងចុកពោះ គឺជារោគសញ្ញាទូទៅនៃការបង្កកំណើត ដែលកើតឡើងនៅរយៈពេល៦ ទៅ១០ថ្ងៃ បន្ទាប់ពីមេជីវិតឈ្មោលបង្កកំណើតជាមួយនឹងស៊ុតញី។ យ៉ាងណាមិញ រោគសញ្ញានៃការបង្កកំណើតនេះ មានភាពស្រដៀងទៅនឹងការមករដូវដែរ ដូច្នេះហើយ ទើបស្រីៗយើងត្រូវធ្វើតេស្ដផ្ទៃពោះ ដើម្បីបញ្ជាក់ឲ្យកាន់តែច្បាស់ថែមទៀត។
រោគសញ្ញាបង្កកំណើត និងជាសញ្ញាដំបូងនៃការពពោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងករណីដែលយើងធ្វើតេស្ដផ្ទៃពោះឆាប់រហ័សពេក នោះលទ្ធផលនឹងចេញមកអវិជ្ជមាន បើទោះបីជាយើងមានផ្ទៃពោះក៏ដោយ ពីព្រោះថារាងកាយត្រូវការពេលជាច្រើនថ្ងៃ ដើម្បីផលិតអ័រម៉ូនពពោះ (hCG) ។ អ៊ីចឹងហើយ គ្នាយើងគួរតាមដានរោគសញ្ញានៃការបង្កកំណើតជាមុន ដើម្បីដឹងថាពេលណាដែលគួរធ្វើតេស្ដផ្ទៃពោះទើបទទួលបានលទ្ធផលពិតប្រាកដ។
រោគសញ្ញានៃការបង្កកំណើត
១. ធ្លាក់ឈាមតិចតួច
ការធ្លាក់ឈាមតិចតួច អាចកើតឡើងនៅរយៈពេល១ ទៅ២សប្តាហ៍ក្រោយបង្កកំណើត ហើយជាធម្មតាឈាមមានពណ៌ផ្កាឈូក និងក្រហមស្រាល។ ដោយសារការធ្លាក់ឈាមកកំណើត កើតឡើងនៅពេលដូចគ្នាទៅនឹងការមករដូវដែរ ទើបគ្នាយើងតែងមានការភាន់ច្រឡំថាជាការមករដូវ។
២. ចុកពោះ
ការចុកពោះតិចតួចនៅក្នុងស្បូន ក៏អាចជារោគសញ្ញាមួយទៀតនៃការបង្កកំណើត។ អាការៈនេះ កើតឡើងដោយសារតែអ័រម៉ូនអំឡុងពេលទើបមានផ្ទៃពោះ ឬស៊ុតបង្កកំណើត។
រោគសញ្ញាដទៃទៀតនៃការទើបមានផ្ទៃពោះដំបូង
នៅសប្តាហ៍ដំបូងនៃការពពោះ យើងក៏អាចសង្កេតឃើញរោគសញ្ញាមួយចំនួនដូចខាងក្រោម៖
- អស់កម្លាំង (១សប្តាហ៍ដំបូង)
- ឈឺសុដន់ (១ទៅ២សប្តាហ៍ដំបូង)
- ចង្អោរ ឬក្អួត (២ទៅ៨សប្តាហ៍ដំបូង)
- នោមញឹក (២ ទៅ៣សប្តាហ៍ដំបូង)
- ប្រែប្រួលអារម្មណ៍ (២ឬ៣សប្តាហ៍ដំបូង)
- ឈឺក្បាល (២ ឬ៣សប្តាហ៍ដំបូង)
- ឃ្លានអាហារភ្លាមៗ (២ ឬ៣សប្តាហ៍ដំបូង)
រោគសញ្ញាជាច្រើនដែលចាប់ផ្តើមនៅពេលទើបមានផ្ទៃពោះដំបូង ក៏អាចបន្តរហូតដល់សម្រាលកូនតែម្តង។
ពេលណាគួរធ្វើតេស្ដផ្ទៃពោះ?
ដើម្បីទទួលបានលទ្ធផលត្រឹមត្រូវ អ្នកជំនាញផ្នែកសុខាភិបាលណែនាំឲ្យយើងគួររង់ចាំរហូតដល់សប្តាហ៍ទី១ ក្រោយបាត់រដូវ មុននឹងធ្វើតេស្ដផ្ទៃពោះ ហើយជាទូទៅ ការធ្វើតេស្តគួរធ្វើនៅពេលដែលយើងនោមដំបូងបង្អស់ពេលព្រឹកព្រលឹម។ មួយវិញទៀត យើងក៏អាចប្រើតេស្ដម្តង២ ដើម្បីបញ្ជាក់ពីលទ្ធផលដូចគ្នា។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម