តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ម៉ាក់ៗញ៉ាំ​គ្រាប់ជីរ-ល្ង​ ច្រើនពេល​ពពោះ ស្រួល​កើត​កូន?

    ម៉ាក់ៗញ៉ាំ​គ្រាប់ជីរ-ល្ង​ ច្រើនពេល​ពពោះ ស្រួល​កើត​កូន?

    ចាស់ៗ​ពី​ដើម​តែង​មាន​ទម្លាប់​តៗ​គ្នា​មក​ឲ្យ​កូន​ចៅ​ដែល​មាន​ពោះ​ពុងសម្រុក​ញ៉ាំ​គ្រាប់​ជីរ គ្រាប់ល្ង ដូងទុំ​ជាដើម ដើម្បី​ស្រួល​កើត​កូន មិន​សូវ​ឈឺចាប់ ឬ​ឈឺ​ពោះ​យូរ។ តើ​ពិត​ជា​អ៊ីចឹង​មែន​ឬ? ការ​ធ្វើតាមក្បួន​បុរាណ​ដូច្នេះ​អាច​នឹង​ប៉ះពាល់​អ្វីខ្លះ?

    គ្រាប់ជី​រផ្តល់​ប្រយោជន៍​ច្រើន​ចំពោះ​សុខភាព ប៉ុន្តែ​ចំពោះ​ស្រី​មាន​ផ្ទៃពោះ ​គ្រូពេទ្យ​ផ្នែក​សម្ភព​មិន​ណែនាំ​ឲ្យ​ញ៉ាំ​ឡើយ។ មក​​ទល់​​ពេល​​នេះ​​មិន​ទាន់​​មាន​​ការ​សិក្សា​​ណា​​បញ្ជាក់​ថា គ្រាប់ជីរ​ល្អចំពោះ​​ស្ត្រី​មាន​ផ្ទៃពោះ​ឡើយ ការ​ញ៉ាំ​គ្រាប់ជីរ គ្រាប់ល្ង ផឹក​ទឹកដូងទុំ ឬ​ថ្នាំ​បុរាណ​ផ្សេង​ៗក្នុងអំឡុង​ពេល​ពពោះ​មិន​ត្រឹម​មិន​បាន​ផល​នោះទេ តែ​អាច​ធ្វើ​ឲ្យ​មាន​គ្រោះថ្នាក់​អំឡុង​ពេល​សម្រាល​ និង​ក្រោយ​ពេល​សម្រាល នេះ​បើ​តាម​ការ​បញ្ជាក់​របស់​លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

    – សុកក្រិន ស្អិត ចាស់មុនអាយុ
    – ស្បូន​មិន​បើក
    – ទឹកភ្លោះ​មិន​ល្អ
    – ធ្លាក់​ឈាម (ក្រោយសម្រាល)
    – កូន​ខ្សោយ។

    ដើម្បី​ម៉ាក់ៗ និង​កូន​នៅ​ក្នុង​ពោះ​មាន​សុខភាព​ល្អ គ្រូពេទ្យ​ណែនាំ​ស្រីៗ​មានផ្ទៃពោះឲ្យ​​​ញ៉ាំ​អាហារ​ដែល​សម្បូរ​ជីវជាតិ​ចម្រុះ​មុខ មានត្រី សាច់ ស៊ុត បន្លែ​ផ្លែឈើ​ឲ្យ​បាន​គ្រប់គ្រាន់ ចៀស​វាងការ​ញ៉ាំប្រៃ ស្រា បារី និង​ត្រូវ​មាន​អនាម័យ។ ក្រៅ​នោះ​យើង​ត្រូវ​ទៅ​មន្ទីរពេទ្យ ឬ​មណ្ឌល​សុខភាព​ដើម្បី៖
    – តាមដាន​សុខភាព និង​ពិនិត្យ​ផ្ទៃពោះ​ឲ្យ​បាន​ទៀងទាត់ (យ៉ាងតិច ៤ដង)
    – ចាក់​ថ្នាំ​តេតាណុស
    – លេប​ថ្នាំ​ជាតិ​ដែក​ឲ្យ​បាន​យ៉ាង​តិច ៩០គ្រាប់
    – លេប​ថ្នាំ​ទម្លាក់​សត្វ​ល្អិត។

    អត្ថបទពាក់ព័ន្ធ៖

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 31/03/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: