សម្រាលកូនភ្លោះ ម៉ាក់ៗគួរ​ដឹងបញ្ហា ៤ យ៉ាងនេះ

    សម្រាលកូនភ្លោះ ម៉ាក់ៗគួរ​ដឹងបញ្ហា ៤ យ៉ាងនេះ

    ស្រីយើង​​ដឹង​ស្រាប់​ហើយ​ថា ការ​ពពោះ និង​ការ​សម្រាល​កូន​មួយៗ​មិន​មែន​ជា​រឿង​ងាយ​ស្រួល​ទេ​ទើប​ឆ្លង​ផុត ចុះ​ទម្រាំ​ម៉ាក់ៗ​ដែល​ពពោះ​កូន​ភ្លោះ​ទៀត។ ជា​ការ​ពិត អ្នក​ជំនាញ​ចាត់​ទុក​ការ​ពពោះ​កូន​ភ្លោះ​ជា​វិបត្តិ​មួយ ព្រោះ​ម្ដាយ និង​គភ៌​ប្រឈម​នឹង​ហានិភ័យ​ច្រើន​ទាំង​ពេល​ពពោះ និង​ពេល​សម្រាល​កូន​ភ្លោះ។

    គណនាថ្ងៃសម្រាលកូន ចុចត្រង់នេះ

    តាម​មន្ទីរពេទ្យ កាល់ម៉ែត បាន​ឲ្យ​ដឹង​ថា ការ​ពពោះ​កូន​ភ្លោះ ផ្ដល់​ផល​ពិបាក​ច្រើន​ដល់​សុខភាព​ម្ដាយ និង​គភ៌ បើ​ប្រៀប​នឹង​ស្ត្រី​មាន​ផ្ទៃ​ពោះ​កូន​តែ​មួយ។ លើស​ពី​នេះ ម៉ាក់ៗ​ពពោះ​កូន​ភ្លោះ​ទាមទារ​ឲ្យ​មាន​ការ​យក​ចិត្ត​ទុក​ដាក់​ខ្ពស់​ជា​និច្ច ដើម្បី​ចៀស​ផុត​ពី​ផល​ពិបាក​អំឡុង​ពេល​ពពោះ​ដូច​ជា ម្ដាយ​ស្លេក​ស្លាំង កូន​សម្រាល​មុន​ខែ ឬ​កូន​មិន​គ្រប់​គីឡូ​ជាដើម។

    ផល​វិបាក​អំឡុង​ពេល​សម្រាល​កូន​ភ្លោះ

    – វិបត្តិ​នៃ​ការ​កន្ត្រាក់​ស្បូន
    – ការ​លូន​ទង​សុក​មក​ក្រៅ​មុន​ពេល​កូន​សម្រាល​ចេញ
    – ការ​ធ្លាក់​ឈាម​ខ្លាំង
    – ស្ហុក​ កូន​ចុះ​ដំណាល​គ្នា ទាម​ទារ​ការ​វះកាត់​ជា​បន្ទាន់។

    ដើម្បី​ទប់​ស្កាត់​បញ្ហា​ខាង​លើ​កើត​ឡើង​ពេល​សម្រាល​កូន​ភ្លោះ ម៉ាក់​ៗ​គប្បី​ថែ​ទាំ​សុខភាព​ឲ្យ​បាន​ល្អ ពិសេស​តាម​ការ​ណែនាំ​របស់​អ្នក​ជំនាញ។ ទន្ទឹម​គ្នា​នេះ​ដែរ លោក​វេជ្ជបណ្ឌិត ឃួន សុវណ្ណារិទ្ធ ឯកទេស​ផ្នែក​សម្ភព និង​រោគ​ស្ត្រី ណែ​នាំ​ឲ្យ​ស្ត្រី​ពពោះ​គ្រប់​រូប មើល​ថែ​សុខភាព​ខ្លួន និង​កូន​ដោយ៖

    • ពិនិត្យ​សុខភាព​តាម​ការ​កំណត់​អំឡុង​ពេល​ពពោះ
    • មាន​របប​អាហារ​ត្រឹមត្រូវ បរិភោគ​អាហារ​សម្បូរ​ជីវជាតិ សម្បូរ​ប្រូតេអ៊ីន បន្លែ​ផ្លែឈើ ញ៉ាំ​ទឹក​ដោះ​គោ ១-២​កែវ/ថ្ងៃ
    • ទទួល​ជាតិ​ដែក​ឲ្យ​បាន​ត្រឹមត្រូវ​តាម​វេជ្ជបញ្ជា
    • សម្រាក និង​ថែទាំ​សុខភាព​ឲ្យ​បាន​ល្អ ចៀសវាង​ធ្វើ​ការងារ​ហួស​កម្លាំង។

    ស្លាប់ពេលពពោះ និងសម្រាល

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Complications of Multiple Pregnancy – https://www.hopkinsmedicine.org/health/conditions-and-diseases/staying-healthy-during-pregnancy/complications-of-multiple-pregnancy
    Pregnant with twins? About twin pregnancy – https://raisingchildren.net.au/pregnancy/health-wellbeing/twin-pregnancy/pregnant-with-twins
    Being pregnant with twins, triplets and other multiples – https://www.marchofdimes.org/complications/being-pregnant-with-twins-triplets-and-other-multiples.aspx
    Twin pregnancy: What twins or multiples mean for mom – https://www.mayoclinic.org/healthy-lifestyle/pregnancy-week-by-week/in-depth/twin-pregnancy/art-20048161
    Pregnant with twins: potential complications – https://www.babycentre.co.uk/a3584/pregnant-with-twins-potential-complications

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 20/10/2022
    ត្រួតពិនិត្យដោយ វេជ្ជ. ចាន់ ស៊ីណេត