ស្ត្រីខ្លះក្រោយសម្រាលកូនហើយឃើញមានសរសៃខៀវៗពេញទ្រូង ដែលចាស់ៗហៅថា សរសៃទឹកដោះ។ ទោះជាមិនឈឺចាប់ក្ដី តែវាមើលទៅគួរឲ្យខ្លាច និងមិនស្រស់ស្អាតឡើយ ទើបមានម៉ាក់ៗខ្លះចង់ដឹងពីវិធី ដើម្បីកែខៃបញ្ហានេះ។

អ្នកម៉ាក់ ប៉ែន សុនារី បានចែករំលែកបញ្ហាឡើងសរសៃខៀវៗនោះថា បណ្ដាលមកពីក្រពេញទឹកដោះ ព្រមទាំងដើមទ្រូងរីកធំទៀតនោះ ទើបសរសៃឃើញច្បាស់បែបនេះ ដើម្បីកាត់បន្ថយ យើងអាចបំបៅកូនឲ្យបានញឹកញាប់ ដើម្បីកុំឲ្យតឹងដើមទ្រូង ហើយសរសៃក៏មិនឃើញច្បាស់ៗពេក។ អាជីវកររូបនោះបានបន្ថែមទៀតថា យើងក៏ត្រូវឡេលាបផ្ដល់សំណើមដល់ស្បែកផងដែរ ដើម្បីឲ្យស្បែកទន់រលោង ប្រហែល ១ ខែក្រោយលុបបាត់អស់ច្រើនបាន។

គណនាថ្ងៃមេជីវិតញីទុំធ្លាក់ ចុចទីនេះ !

គណនាថ្ងៃសម្រាលកូន ចុចទីនេះ !

គណនាទម្ងន់ស្រ្តីពពោះ ចុចទីនេះ !

ស្រ្តីវ័យ ៣០ ឆ្នាំរូបនោះបន្ថែមទៀតថា ការលាបរឹត ខាត់អប់ ស្បែកជាមួយពន្លៃ និងស្លៀកពាក់ឲ្យបានជិតៗក៏ជាដំណោះស្រាយមានប្រសិទ្ធិភាពបាត់សរសៃខៀវផងដែរ។

សម្រាលកូន

ចំពោះបញ្ហានេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា បញ្ហាឡើងសរសៃខៀវបែបនោះ អាចដោយសារការរីកសរសៃវ៉ែន ព្រោះការកើនឡើងកម្រិតអ័រម៉ូនប្រូហ្សេស្តេរ៉ូនច្រើនអំឡុងពេលពពោះ និងក្រោយសម្រាលប៉ុណ្ណោះ។ ចំពោះការឡើងសរសៃខៀវនេះមិនមែនតែដើមទ្រូងឡើយ គឺអាចមាននៅដៃ ជើង ភ្លៅ ពោះ ។

លោកបានបញ្ជាក់ទៀតថា វាជាធម្មជាតិសម្រាប់ស្ត្រីជាម្ដាយនៅសរសៃខ្ចី ដូចនេះកាលណាកម្រិតអ័រម៉ូននោះធ្លាក់ចុះ វានឹងបាត់ទៅវិញដោយឯងៗ។

អត្ថបទពាក់ព័ន្ធ៖

ចំណុចសំខាន់

បញ្ហាឡើងសរសៃខៀវបែបនោះ អាចដោយសារការរីកសរសៃវ៉ែន ព្រោះការកើនឡើងកម្រិតអ័រម៉ូនប្រូហ្សេស្តេរ៉ូនច្រើនអំឡុងពេលពពោះ និងក្រោយសម្រាលប៉ុណ្ណោះ។ ចំពោះការឡើងសរសៃខៀវនេះមិនមែនតែដើមទ្រូងឡើយ គឺអាចមាននៅដៃ ជើង ភ្លៅ ពោះ ។
លោកបានបញ្ជាក់ទៀតថា វាជាធម្មជាតិសម្រាប់ស្ត្រីជាម្ដាយនៅសរសៃខ្ចី ដូចនេះកាលណាកម្រិតអ័រម៉ូននោះធ្លាក់ចុះ វានឹងបាត់ទៅវិញដោយឯងៗ។

ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?

ចំណុចសំខាន់