ការថែទាំខ្លួនក្រោយសម្រាល

តិចនិកងាយៗ ជួយអ្នកម៉ាក់ថ្មីថ្មោងថែទាំថ្នេរក្រោយសម្រាលកូនតាមធម្មជាតិ

ការថែទាំថ្នេរក្រោយសម្រាលតាមធម្មជាតិត្រឹមត្រូវអាចជួយម៉ាក់ៗកាត់បន្ថយការឈឺចាប់ ការហើម ការឆ្លងមេរោគ និងជួយឱ្យម៉ាក់ៗឆាប់ជាសះស្បើយពីមុខរបួស។ ក្រោយសម្រាលតាមធម្មជាតិរួច ម៉ាក់ៗគួរថែទាំថ្នេរបែបណា? ក្នុងអំឡុងពេលសម្រាលតាមធម្មជាតិ ពេទ្យឆ្មបអាចវះសាច់ចន្លោះទ្វារមាស និងរន្ធគូថម៉ាក់ៗដើម្បីជួយឱ្យទារកសម្រាលចេញលឿន ឬសាច់ចន្លោះទ្វារមាស និងរន្ធគូថម៉ាក់ៗអាចរហែក ពេលសម្រាលក៏មាន ដែលត្រូវឲ្យមានការដេរភ្ជាប់ឡើងវិញ។ បន្ទាប់ពីសម្រាលរួច ពេទ្យឆ្មបនឹងដេរបិទសាច់ចន្លោះទ្វារមាស និងរន្ធគូថរបស់ម៉ាក់ៗ។ ម៉ាក់ៗអាចជួបប្រទះការហើម និងការឈឺចាប់ថ្នេរពីរបីសប្តាហ៍។ ដើម្បីកាត់បន្ថយការឈឺចាប់ និងការហើមថ្នេរ ម៉ាក់ៗអាចសាកល្បងតាមវិធីដូចខាងក្រោម៖ ១. ស្អំទឹកកក ម៉ាក់ៗអាចរុំដុំទឹកកកជាមួយកំណាត់ ឬកន្សែងស្អាត រួចស្អំទឹកកកលើថ្នេររយៈពេល ១០-១៥ នាទីបីបួនដងក្នុងមួយថ្ងៃក្នុងអំឡុងពេល ២៤ បន្ទាប់ពីសម្រាលរួចដើម្បីកាត់បន្ថយការឈឺចាប់ និងហើម។ ២. គេងផ្អៀងពេលបំបៅដោះ ពេលបំបៅដោះកូន ម៉ាក់ៗគួរចៀសវាងអង្គុយបំបៅ។ ម៉ាក់ៗគួរគេងផ្អៀងដើម្បីកុំឱ្យថ្នេររងសម្ពាធខ្លាំងដែលមិនសូវធ្វើឱ្យម៉ាក់ៗឈឺចាប់។ ៣. ប្តូរខោទឹកនោម ឬសំឡីអនាម័យ ២-៤ ម៉ោងម្តង បន្ទាប់បីសម្រាលរួច ម៉ាក់ៗនឹងធ្លាក់ឈាមប្រហែលមួយសប្តាហ៍ ដូច្នេះម៉ាក់ៗត្រូវស្លៀកខោទឹកនោមដើម្បីការពារការប្រឡាក់ ជាពិសេសអំឡុងពេលស្នាក់នៅមន្ទីរពេទ្យ។ ម៉ាក់ៗត្រូវប្តូរខោទឹកនោម ឬសំឡីអនាម័យ ២-៤ ម៉ោងម្តងដើម្បីកុំឱ្យថ្នេរសើម និងឆ្លងមេរោគ។ ៤. ការពារការទល់លាមក ការទល់លាមកអាចបន្ថែមសម្ពាធដល់របួស និងអាចធ្វើឱ្យរហែកថ្នេរក្នុងអំឡុងពេលម៉ាក់ៗប្រឹងបត់ជើង។ ដូច្នេះ ដើម្បីការពារការទល់លាមក ម៉ាក់ៗគួរញុំាទឹក បន្លែ និងផ្លែឈើដែលមានមានជាតិសរសៃខ្ពស់ឱ្យបានច្រើន ជាពិសេសល្ហុងទុំ។ ជាងនេះទៅទៀត ម៉ាក់ៗគួរដើររយៈពេល ១៥-៣០ នាទីជារៀងរាល់ថ្ងៃដើម្បីជួយពោះវៀនបញ្ចេញកាក់សំណល់។ ប្រសិនបើម៉ាក់ៗនៅតែទល់លាមក ម៉ាក់ៗអាចស្នើពេទ្យចេញវេជ្ជបញ្ជាថ្នាំក្តៀនបាន។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន […]

ការថែទាំខ្លួនក្រោយសម្រាល

ស្រីៗសម្រាលកូនរួច ចង់ប្រើហ្គេនមានប្រសិទ្ធភាព គួរដឹងរឿងទាំងនេះ

សម្រាប់ម៉ាក់ៗសម្រាលកូនរួច ហើយចង់ប្រើហ្គេនរឹតក្បាលពោះឲ្យរាបស្មើវិញ ត្រូវដឹងពីប៉ុន្មានចំណុចនេះសិន ទើបទទួលបានប្រសិទ្ធភាពខ្ពស់។ នេះតាមរៀបរាប់ កញ្ញា លីន ប៉ុល្លីកា អ្នកលក់ដូរសម្លៀកបំពាក់នៅផ្សារធំថ្មី។ ១- ជ្រើសរើសហ្គេនឲ្យត្រូវទំហំខ្លួន យើងត្រូវប្រាកដចិត្តថា បានជ្រើសរើសហ្គេនត្រូវនឹងទំហំខ្លួន ព្រោះបើធំពេក មិនរឹប ធ្វើឲ្យក្បាលពោះនៅដដែល ហើយបើតូចពេកក៏អាវរឹបចង្កេះនោះមិនអាចរឹតឲ្យរាបស្មើបានឡើយ ព្រោះត្រូវតែកាំឡេវអាវដំបូង។ ២- ជ្រើសរើសហ្គេនត្រូវនឹងរូបរាង រូបរាងមនុស្សម្នាក់ៗមានភាពខុសគ្នា អ្នកខ្លះរាងដូចផ្លែប៉ោម រាងបេះដូង រាងជ្រុង និងត្រូវរើសឲ្យស៊ីនឹងកម្ពស់ ទើបល្អដល់ដំណើរការរឹតពោះ។ ឧទាហរណ៍ប្រសិនបើយើងទាបពេក គួរតែរើសយកហ្គេនមានខ្លី ហើយបើក្បាលពោះសល់ច្រើនតាំងពីចុងដង្ហើមទៅ ត្រូវជ្រើសរើសយកអាវរឹបប្រភេទវែង ដើម្បីរឹបបានណែនល្អតាំងពីចុងដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ៣- មានអាវទ្រាប់ការពារ ប្រសិនបើពាក់ហ្គេនទាំងមិនប្រើអាវទ្រនាប់ការពារ អាចធ្វើឲ្យស្បែកមានបញ្ហាដោយសារភាពកកិត និងជាតិប្រេង ញើសបង្កទៅជារមាស់ របក រហូតពាក់មិនបានយូរ។ ៤- កុំរឹតខ្លាំងពេក មួយសប្ដាហ៍ដំបូង យើងគួរតែរឹតពោះក្នុងកាំតឹងល្មមដូចយើងផតពោះ កុំខំប្រឹងរឹតខ្លាំងតាំងពីដំបូង ព្រោះនាំឲ្យអ្នកមានអារម្មណ៍ថាអស់កម្លាំង ហើយពេលអង្គុយក៏ត្រូវឲ្យដងខ្លួនត្រង់ភ្លឹងតាមឆ្អឹងអាវ តែបើយើងអង្គុយខ្នងកោង ប្រាកដជាគ្មានប្រសិទ្ធភាពទេ។ ៥- មានពេលសម្រាកខ្លះ នៅពេលពាក់បានច្រើនថ្ងៃហើយ គួរតែមានពេលមួយថ្ងៃដើម្បីឲ្យកន្លែងរឹតនោះបានសម្រាកខ្លះដែរ ហើយពេលនោះអ្នកនឹងសង្កេតឃើញថាបរិវេណក្បាលពោះនឹងរាបស្មើខ្លះៗហើយ។ [embed-health-tool-ovulation] ៦- កត្តាចំណីអាហារ ការពាក់ហ្គេននេះពិតជាអាចជួយឲ្យក្បាលពោះរាបស្មើមែន ប៉ុន្តែប្រសិនបើយើងញ៉ាំមិនតម និងគ្មានលំហាត់ប្រាណសោះ នោះលទ្ធផលក៏ប្រើពេលយូរដូចគ្នាដែរ។ ដូចនេះហើយត្រូវញ៉ាំអាហារបែបសុខភាព ហើយបើមិនបានហាត់ប្រាណក៏ធ្វើចលនាខ្លះបញ្ចេញញើស។ អត្ថបទគួរអាន៖ ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក ស្បែកយារធ្លាក់ក្រោយសម្រាល សាកអនុវត្តតិចនិក ៥ […]