ការប្រែប្រួលទ្រង់ទ្រាយទ្វារមាសរបស់ស្ត្រីក្រោយពេលសម្រាលកូន គឺជារឿងធម្មតាដែលគ្នាយើងស្រីៗគ្រប់រូបគួររំពឹងទុក។ ចៃដន្យអី! មានការជជែកគ្នារវាងក្រុមម៉ាក់ៗលើបណ្ដាញសង្គមអំពីដុំពកក្នុងទ្វារមាសក្រោយសម្រាល បណ្ដាលឲ្យម៉ាក់ៗមួយចំនួនកើតជាក្ដីព្រួយបារម្ភ។ អ្វីទៅជាដុំពកក្នុងទ្វារមាសក្រោយសម្រាល ហើយអាចបង្កហានិភ័យដល់សុខភាពយើងឬ អត់?
ហេតុអ្វីស្ត្រីមានដុំពកក្នុងទ្វារមាសក្រោយសម្រាល? គ្រោះថ្នាក់ឬអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កម្មវិធីពិនិត្យជំងឺមហារីកសុដន់អនឡាញ
ការវាយតម្លៃមុន/អំឡុងពេល/និងក្រោយពេលអស់រដូវ
ដុំពកក្នុងទ្វារមាសក្រោយសម្រាលដែលម៉ាក់ៗងឿងឆ្ងល់នោះអាចជាដុំគីស។ ដុំគីស គឺជាដុំដែលមានលក្ខណៈដូចស្បោង ឬថង់នៃជាលិកា។ ដុំនេះអាចពេញទៅដោយខ្យល់ សារធាតុរាវ ខ្ទុះ ឬសារធាតុផ្សេងៗ ហើយដុំពកក្នុងទ្វារមាសនេះអាចកើតឡើងនៅលើ ឬក្រោមស្រទាប់ទ្វារមាស។
មូលហេតុបង្ក
ដុំពកក្នុងទ្វារមាសអាចកើតមានឡើងច្រើនប្រភេទដូចជា៖
- ដុំពកក្នុងទ្វារមាស ឬដុំគីសអាចចាត់ទុកថាជាបញ្ហាទូទៅបំផុតមួយដែលកើតឡើងលើស្ត្រីភាគច្រើន។ ក្នុងករណីនេះ ដុំពកក្នុងទ្វារមាសក្រោយសម្រាលអាចកើតឡើងដោយសារតែការរងរបួសទៅលើផ្នែកជញ្ជាំងទ្វារមាសអំឡុងពេលសម្រាលកូនដោយធម្មជាតិ ឬក្រោយសម្រាលដោយការវះកាត់។
- ដុំគីសប្រភេទ Gartner’s duct កើតនៅលើជញ្ជាំងចំហៀងនៃទ្វារមាស ។ គីសនេះមានវត្តមាននៅពេលដែលទារកកំពុងលូតលាស់ក្នុងស្បូន។ ទោះជាយ៉ាងណាក៏ដោយ វាច្រើនតែបាត់ទៅវិញបន្ទាប់ពីសម្រាលកូនរួច ហើយប្រសិនបើដុំពកនៅសេសសល់ វាអាចប្រមូលសារធាតុរាវរួចវិវត្តទៅជាដុំពកនៃជញ្ជាំងទ្វារមាសនៅពេលក្រោយមកទៀត។
- ដុំពក Bartholin ជាការប្រមូលផ្ដុំនៃសារធាតុរាវសម្រាប់ខ្ទុះដែលបង្កើតជាដុំមួយនៅក្នុងក្រពេញដែលរកឃើញនៅផ្នែកម្ខាងនៃទ្វារមាស។
- បំណែកនៃដុំគីសប្រភេទ Endometriosis អាចលេចឡើងជាដុំតូចៗនៅក្នុងទ្វារមាស។
- ដុំសាច់ប្រភេទកាចៗកម្រនឹងកើតលើទ្វារមាស ភាគច្រើនគ្រាន់តែជាដុំពកក្នុងទ្វារមាស ឬគីសដែលមិនបង្កហានិភ័យខ្ពស់ដល់យើងប៉ុន្មានទេ។
រោគសញ្ញា
ដុំពកក្នុងទ្វារមាសជាធម្មតាមិនបង្កជារោគសញ្ញាទេ។ ក្នុងករណីខ្លះ ដុំពកទន់ៗអាចមាននៅក្នុងជញ្ជាំងទ្វារមាស ឬលៀនចេញពីទ្វារមាស ហើយវាអាចមានទំហំចាប់ពីប៉ុនគ្រាប់សណ្ដែកតូចមួយរហូតដល់ប៉ុនផ្លែក្រូច។ ទន្ទឹមនឹងនេះ ស្ត្រីមួយចំនួនដែលមានដុំពកក្នុងទ្វារមាសអាចមានភាពមិនស្រណុកសុកស្រួលក្នុងពេលរួមភេទ ឬអាចមានបញ្ហាពេលបញ្ចូលtampon ពេលមករដូវម្ដងៗ។
ជាធម្មតា ដុំគីសនេះមិនមានផលប៉ះពាល់ដែលបង្កឲ្យមានក្ដីបារម្ភនោះទេ ហើយបើម៉ាក់ៗសង្កេតឃើញថាមានដុំពកក្នុងទ្វារមាស គួរតែទៅពិនិត្យជាមួយអ្នកជំនាញឲ្យបានឆាប់ ដើម្បីធ្វើការព្យាបាល។
អានបន្ថែម៖
- ស្រីៗមានឆ្ងល់អត់ គីសដៃស្បូន កើតឡើងដោយសារមូលហេតុអីខ្លះ?
- ចេញសញ្ញាទាំងនេះ អាចថាមានដុំគីសក្រពេញអូវែ
- ស្រីៗកើតគីសដៃស្បូនប្រភេទនេះ មិនបាច់បារម្ភទេ ៩០% អាចបាត់ទៅវិញដោយខ្លួនឯង
- បញ្ហាចម្បង ២ នេះ អាចឲ្យអាអូនក្នុងផ្ទៃកើតជំងឺគីសមួយប្រភេទ
- ចុករមួលសាច់ដុំមុនមករដូវ ប៉ុន្តែបែរជាពុំមករដូវ មូលហេតុអ្វី?
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម