កង្វះវីតាមីនបានធ្វើឲ្យសុខភាពធ្លាក់ចុះ ដែលអាចលេចឡើងលើរាងកាយយើងបាន នេះបើតាមការឲ្យដឹងពីវេជ្ជបណ្ឌិតផ្នែកទូទៅ លី ឫទ្ធីគុណ។ ដូចនេះបើនរណាចាប់អារម្មណ៍ឃើញរូបរាងមានភាពខុសប្រក្រតីទាំងប៉ុន្មានដូចខាងក្រោម ត្រូវប្រញាប់បំពេញបន្ថែម។
បើរាងកាយលេចសញ្ញាទាំងនេះ បញ្ជាក់ថាក្នុងខ្លួនខ្វះវីតាមីនណាមួយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- សក់ និងក្រចកផុយ
មានកត្តាជាច្រើនបណ្ដាលឲ្យសក់ និងក្រចកផុយ ហើយមួយក្នុងចំណោមកត្តាជាច្រើននោះ គឺកង្វះ biotin ដែលជាពពួកវីតាមីន B។ biotin ដែលត្រូវបានគេស្គាល់ថាជាវីតាមីន B7 ជួយ ឲ្យរាងកាយបម្លែងអាហារទៅជាថាមពល។ ដូចនេះនៅពេលកង្វះវាធ្វើឲ្យសក់ផុយស្រួយ ស្ដើង ឬបែកចុង ហើយបើក្រចកវិញ ឃើញថាស្ងួត ប្រះ របក។
២- ឈាមអញ្ចាញធ្មេញ
ពេលខ្លះការដុសធ្មេញដោយមិនប្រយ័ត្ន ឬខ្លាំងៗពេក ជាឫសគល់នាំឲ្យឈាមអញ្ចាញធ្មេញ ប៉ុន្តែបើអ្នកដុសបានត្រឹមត្រូវ និងគ្មានការប៉ះទង្គិចអ្វីសោះ បែរជាហូរឈាមដែរ មកពីខ្វះវីតាមីន C។ វីតាមីន C ដើរតួនាទីយ៉ាងសំខាន់ក្នុងការព្យាបាលមុខរបួស និងបង្កើនប្រព័ន្ធភាពស៊ាំ ហើយវាថែមទាំងដើរតួជាអង់ទីអុកស៊ីដង់ជួយការពារការបំផ្លាញកោសិកាថែមទៀតផង។ រាងកាយយើងមិនអាចបង្កើតវីតាមីន C ដោយខ្លួនឯងទេ ដូច្នេះវិធីតែមួយគត់ដើម្បីរក្សាកម្រិតវាឲ្យបានគ្រប់គ្រាន់ គឺញ៉ាំចំណីអាហារផ្សេងៗដែលប្រភពវីតាមីនមួយនោះ។
៣- ពេលងងឹតមើលមិនចង់ឃើញ
របបអាហារដែលខ្វះសារធាតុចិញ្ចឹម អាចបណ្ដាលឲ្យភ្នែកមើលមិនច្បាស់ពេលយប់ នោះគឺកង្វះជាតិវីតាមីន A។ វីតាមីន A ចាំបាច់បំផុត ដើម្បីផលិត rhodopsin ដែលជាសារធាតុពណ៌ដែលមាននៅក្នុងផ្នែកមួយនៃភ្នែកជួយឲ្យយើងមើលឃើញនៅពេលយប់។
អត្ថបទពាក់ព័ន្ធ៖
- សភាពស្បែកទាំង៨ នេះ បញ្ជាក់ថាសុខភាពកំពុងមានបញ្ហា
- រលាកស្បែកដោយពន្លឺព្រះអាទិត្យ ចេះវិធីនេះអាចជួយកែខៃបាន
- ស្ថានភាពស្បែក ៤ ប្រភេទនេះ គ្នាយើងគួរដឹង ដើម្បីងាយស្រួលថែទាំ
- ហេតុផលសំខាន់ ៣ យ៉ាង គ្រប់គ្នាមិនគួរចូលគេងទាំងសក់នៅសើម
- នេះជាមូលហេតុ មុខឡើងក្រហមចេញសរសៃ ព្យាបាលធម្មតាមិនជាទេ
- បើជ្រុលលាបឡេលាយហើយ ទាល់តែធ្វើបែបនេះទើបមិនសូវខូចស្បែកខ្លាំង
- ពិតអត់ ពាក់គ្រឿងអលង្ការជាប់ទាំងងូតទឹក ទាំងគេង បង្កបញ្ហាដល់ស្បែក?
- បើចេះតែរមាស់ស្បែកមិនដឹងមូលហេតុ អាចបណ្ដាលមកពីជំងឺមួយប្រភេទនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម