គ្នាយើងមួយចំនួនប្រាកដជាធ្លាប់ដឹង ឬឮខ្លះហើយថា បាយស ដែលញ៉ាំរាល់ថ្ងៃ គឺមានជាតិស្ករ ដែលវាអាចបង្កទៅជាហានិភ័យជំងឺទឹកនោមផ្អែមបាន។ ហើយគិតមកទល់ពេលនេះ ផ្អែកតាមការស្រាវជ្រាវវិទ្យាសាស្រ្ត ក៏បានអះអាង ថាពិតជាមានហានិភ័យមែន។
បាយស ញ៉ាំរាល់ថ្ងៃ អាចបង្កហានិភ័យជំងឺទឹកនោមផ្អែមមែន បើមិនប្រយ័ត្ន
ត្រួតពិនិត្យដោយ ជីព ចិត្ត
តាមសារព័ត៌មានសឹង្ហបុរី Straits Times ការវិភាគលើទិន្នន័យពីការចុះសិក្សាស្រាវជា្រវធំៗបួន ដែលធ្វើឡើងដោយ សាកលវិទ្យាល័យ Harvard បានឲ្យដឹងថា ត្រឹមតែបាយសមួយកូនចាន ញ៉ាំជាប្រចាំថ្ងៃ អាចបង្កើនហានិភ័យជំងឺទឹកនោមផ្អែម ដល់ទៅ១១% ទៅដល់សុខភាពប្រជាពលរដ្ឋ។
នៅក្នុងព្រឹត្តិបត្រស្រាវជ្រាវបានពន្យល់ថា នៅក្នុងអាហារ ពិសេសពពួកបាយស មានសារធាតុស្ករ ដែលត្រូវបានស្រូបចូលទៅក្នុងឈាមយ៉ាងរហ័ស ហើយជាតិស្ករនេះ អាចធ្វើឲ្យលំពែង ធ្វើការកាន់តែខ្លាំងជាងមុន។ នៅពេលដំណើរអាការៈបែបនេះ កើតឡើងញឹកញាប់ គឺធ្វើឲ្យលំពែងផលិតអាំងស៊ុយលីនមានគុណភាពកាន់តែខ្សោយ ជាហេតុធ្វើឲ្យរាងកាយងាយស្រូបជាតិស្ករ។
ដោយឡែកជាតិស្ករនៅក្នុងឈាមច្រើន បង្កឲ្យខូចក្រលៀនបាន ជាហេតុធ្វើឲ្យ ហានិភ័យជំងឺទឹកនោមផ្អែមកើតឡើង។
បើតាម លោក Gan Kim Yong រដ្ឋមន្ត្រីក្រសួងសុខាភិបាលសឹង្ហបុរី បានឲ្យដឹងថា ត្រឹមតែ ជំងឺទឹកនោមផ្អែមមួយមុខ អាចធ្វើឲ្យរដ្ឋសឹង្ហបុរីត្រូវចាយលុយគិតជាលុយដុលា្លរអាមេរិក ប្រមាណ ១ប៊ីលានដុល្លារអាមេរិក ដើម្បីចំណាយដោះស្រាយបញ្ហានេះ។
អត្ថបទពាក់ព័ន្ធ៖
គួររំលឹកដែរថា បាយសត្រូវបានចាត់ទុកថា ជាអាហារពេញនិយមជាងគេបំផុត មិនអាចខ្វះបាន សម្រាប់ប្រជាជនអាស៊ី យ៉ាងណាមិញ ជាមួយបញ្ហានេះ លោក វេជ្ជបណ្ឌិត Stanley Liew ជាជំនាញផ្នែកជំងឺទឹកនោមផ្អែម ពីមន្ទីរពេទ្យ Raffles របស់សឹង្ហបុរី បានលើកឡើងថា ការកាត់បន្ថយការញ៉ាំបាយស ដោយជំនួសវិញ នូវគ្រាប់ធញ្ញជាតិផ្សេងៗ ជាជម្រើសមួយដ៏ល្អប្រសើរ ដែលជួយបន្ថយពីការចូលរួមបង្កជាហានិភ័យខាងលើ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម