គ្នាយើងភាគច្រើន ពិសេសស្រីៗ គឺនិយមជ្រើសវិធីសម្រកទម្ងន់តាមរយៈទឹកក្រូចគ្មានជាតិស្ករ ឬមានជាតិស្ករតិច (Diet Soda)។ យ៉ាងណា ប្រយ័ត្នផង ជាមួយភេសជ្ជៈប្រភេទនេះ ព្រោះមិនត្រឹមមិនអាចជួយរាងកាយប៉ុណ្ណោះ អាចបង្កបញ្ហាសុខភាពធ្ងន់ធ្ងរជាច្រើនទៀត។ “Hello គ្រូពេទ្យ” នឹងប្រាប់ពីបញ្ហាសុខភាពមួយចំនួនអាចបង្កដោយសារទឹកក្រូចគ្មានជាតិស្ករ។
១- ឡើងទម្ងន់
ទឹកក្រូចសម្រកទម្ងន់ ឬគ្មានជាតិស្ករ គឺផលិតពីស្ករសិប្បនិម្មិត មានផលប៉ះពាល់ដូចគ្នា ទៅនឹងប្រតិកម្មស្ករក្នុងរាងកាយ។ ស្ករសប្បនិម្មិត នឹងបង្កើនកម្រិតអាំងស៊ុយលីន បន្ថយសម្ពាធឈាម ធ្វើឲ្យយើងមានអារម្មណ៍ឃ្លានអាហារណាមានជាតិផ្អែម កាន់តែខ្លាំងជាងមុន។
លើសពីនេះ អ្នកលើសទម្ងន់ដោយសារផឹកភេសជ្ជៈសម្រកទម្ងន់ ជាធម្មតា ញ៉ាំច្រើនជាងអ្នកមិនផឹកភេសជ្ជៈសម្រកទម្ងន់ទៅទៀត។
២- ជំងឺទឹកនោមផ្អែមប្រភេទ២
តាមការពិសោធបង្ហាញថា ទឹកក្រូចសម្រកទម្ងន់ ឬទឹកក្រូចធម្មតា ជាទូទៅផ្សារភ្ជាប់ជាមួយនឹងជំងឺអុកស៊ីដកម្មអាហារ របស់រាងកាយ ហៅថា មេតាប៉ូលីស អាចបង្កើនហានិភ័យកើតជំងឺទឹកនោមផ្អែម ជំងឺបេះដូង និងជំងឺសរសៃឈាមខួរក្បាល។ ផឹកទឹកក្រូចសម្រកទម្ងន់ ១ កំប៉ុង/ថ្ងៃ កាន់តែប្រឈមជំងឺទឹកនោមផ្អែមខ្ពស់ជាងមុន រហូតដល់ទៅ ៦៧% បើធៀបទៅនឹងអ្នកមិនផឹកភេសជ្ជៈប្រភេទនេះ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
៣- រារាំងមុខងាររាងកាយ
ស្ករបញ្ជួនសញ្ញាទៅខួរក្បាលប្រាប់ពីអាហារមានជាតិកាឡូរីច្រើន ខណៈទឹកក្រូចសម្រកទម្ងន់ ក៏ឲ្យសញ្ញាដែរ ប៉ុន្តែមិនបង្ហាញថាមានកម្រិតកាឡូរីទេ។ ហេតុនេះ វាបានបង្កើតភាពស៊ាំញ៉ាំទៅលើមុខងារធម្មតារបស់រាងកាយ បាត់បង់អារម្មណ៍ និងប្តូរសញ្ញាខួរក្បាល។ ដូច្នេះ យូរៗទៅ ពេលយើងញ៉ាំអាហារមានជាតិស្ករពិតប្រាកដ រាងកាយនឹងច្រឡំ នាំឲ្យពិបាកបញ្ចេញអាំងស៊ុយលីន ដើម្បីបន្ថយសម្ពាធឈាម នាំឲ្យយើងឡើងទម្ងន់លើសដើម។
៤- សើចលែងសម
កម្រិតអាស៊ីដដ៏គ្រោះថ្នាក់ ត្រូវបានរកឃើញក្នុងសារជាតិញៀន ដូចជា កូកាអ៊ីន ម៉េតំហ្វេតាមីន និងទឹកក្រូចសម្រកទម្ងន់ អាចនឹងបំផ្លាញធ្មេញយើងម្តងបន្តិចៗ ធ្វើឲ្យបាត់បង់សម្រស់ សើចលែងសមតែម្តង។
៥- ជំងឺបាក់ទឹកចិត្ត
មានភស្តុតាងជាច្រើនបង្ហាញថា ទឹកក្រូចសម្រកទម្ងន់ ផ្សារភ្ជាប់ជាមួយការបាក់ទឹកចិត្ត។ ថ្មីៗនេះ ស្រាវជ្រាវរកឃើញថា អ្នកផឹកទឹកក្រូចលើសពី ១០ ឆ្នាំ ងាយនឹងរីករាលដាលបង្កជា ជំងឺបាក់ទឹកចិត្ត ជាងអ្នកមិនផឹកសោះរហូតដល់ ៣០% ឯណោះ។ លើសពីនេះ ទឹកផ្លែឈើកំប៉ុង និងទឹកក្រូចសម្រកទម្ងន់ បង្កើតបញ្ហាច្រើនជាងទឹកក្រូចធម្មតាទៅទៀត។
អត្ថបទគួរអាន៖
- តែផ្កាកូលាបជួយស្បែក និងសុខភាពផ្សេងទៀត
- អាហារដែលមានកម្រិតអ៊ីស្តាមីន អ្នកឧស្សាហ៍ប្រតិកម្មគួរដឹង
- ខ្វះជាតិស័ង្កសី អាចចេញរោគសញ្ញាទាំង ៨នេះ
- ញ៉ាំអាហារទាំងនេះ ជួយបង្កើនថាមពលដល់រាងកាយ
- អាហារថាមពលប្រភេទណា ល្អចំពោះសុខភាពយើង?
- អាហារថាមពលប្រភេទណា ល្អចំពោះសុខភាពយើង?
៦- បាក់ឆ្អឹងត្រគាក
ការស្រាវជ្រាវរបស់សកលវិទ្យាល័យ Tufts នៅអាមេរិក រកឃើញថា ស្រីៗនិយមផឹកទឹកក្រូច ឆ្អឹងពួកគេមានភាពរឹងមាំ តិចជាងស្រីមិនផឹកប្រមាណ ៤% បើទោះជាពួកគេមានកាល់ស្យូម និងវីតាមីន D ក្នុងកម្រិតត្រឹមត្រូវក៏ដោយ។ មានន័យថា ផឹកទឹកក្រូចប្រភេទណាក៏ដោយ រួមទាំងទឹកក្រូចគ្មានជាតិស្ករ អាចបង្កើនហានិភ័យបាក់ឆ្អឹងត្រគាកចំពោះស្រីៗ។
[embed-health-tool-ovulation]
ទឹកក្រូចគ្មានជាតិស្ករ អាចជាជំនួយសម្រាប់ពេលណាមួយយើងចង់ផ្លាស់ប្តូរពីផឹកទឹកក្រូច ទៅផឹកទឹកវិញ។ ភេសជ្ជៈនេះ ប្រហែលអាចជួយយើងសម្រកទម្ងន់ក៏ពិតមែន ប៉ុន្តែក្នុងរយៈពេលខ្លីប៉ុណ្ណោះ ហើយក៏មិនមានការលើកទឹកចិត្តឲ្យផឹកវារៀងរាល់ថ្ងៃនោះដែរ។ សំខាន់បំផុត កុំយកទឹកក្រូចគ្មានជាតិមកផឹកជំនួស ទឹកធម្មតាឲ្យសោះ។
បើស្រេកទឹកមានជាតិហ្គាសខ្លាំង អាចសាកល្បងជាមួយទឹក Sparkling (ទឹកសូដា មានសារធាតុកាបូណាត) ឬអាចជ្រើសរើសភេសជ្ជៈគ្មានជាតិកាឡូរី ដូចជា ទឹកធម្មតា។ បើឃ្លាន កុំបង្អត់ខ្លួនឯង អាចញ៉ាំអ្វីយើងចង់ញ៉ាំ ប៉ុន្តែល្មមៗបានហើយ។ ហើយបើពិតជាចង់ស្រកទម្ងន់មែន ក្រោកឈរ និងដើរឲ្យបានច្រើន។
ចំណុចសំខាន់
សម្រាប់អ្នកចូលចិត្តផឹកទឹកក្រូចគ្មានជាតិស្ករ ក៏អាចប្រឈមនឹងបញ្ហាសុខភាពមួយចំនួន ដូចជា៖
- ឡើងទម្ងន់
- ជំងឺទឹកនោមផ្អែមប្រភេទ២
- រារាំងមុខងាររាងកាយ
- សើចលែងសម
- ជំងឺបាក់ទឹកចិត្ត
- បាក់ឆ្អឹងត្រគាក
