គ្រុនឈាម នៅហ្វីលីពីន សម្លាប់មនុស្សកើនដល់ទៅជាង ៧០០នាក់

    គ្រុនឈាម នៅហ្វីលីពីន សម្លាប់មនុស្សកើនដល់ទៅជាង ៧០០នាក់

    ប្រទេស​ហ្វីលីពីន ឆ្នាំ​នេះ កំពុង​រងគ្រោះធ្ងន់ធ្ងរ ដោយ​ជំងឺគ្រុនឈាម ហើយ​ពីមួយ​សប្ដាហ៍ ទៅ​មួយ​សប្ដាហ៍ តួលេខ​អ្នកស្លាប់ បន្ដកើនឡើង​យ៉ាងខ្លាំង ក្រោយ​រដ្ឋាភិបាល​ប្រទេស​នេះ បាន​ប្រកាស​អាសន្ន​ពី​ជំងឺ​គ្រុនឈាម ចាប់តាំង​ពី​ខែកក្កដា ២០១៩។

    ក្រសួង​សុខាភិបាល​ហ្វីលីពីន បញ្ជាក់​ថា ចំនួន​ពលរដ្ឋ​ស្លាប់​ដោយ​ជំងឺ​គ្រុនឈាម គិតត្រឹម​សប្ដាហ៍​ទី ៤ ខែកក្កដា បាន​ឡើង​ដល់ ៧២០​នាក់ កើន​ប្រមាណ ១០០​នាក់ បើធៀប​នឹង​សប្ដាហ៍​ទី ៣ ដែល​មាន​ត្រឹម ៦២២​នាក់។ ចំណែក​តួលេខ​​កើត​ជំងឺ​គ្រុនឈាមទូទាំង​ប្រទេស ​កើន​ដល់ ជាង ១៦​ម៉ឺន​នាក់ ខណៈ​នៅ​សប្ដាហ៍​ទី ៣ ​ខែកក្កដា មាន​ត្រឹម ១៤​ម៉ឺន​នាក់។ ក្នុង​នោះ ក្មេង​អាយុពី ៥-៩​ ឆ្នាំ កើត​ជំងឺ​គ្រុនឈាម​ច្រើនជាងគេ រហូត​ដល់ ៣៨,២៦៨​ករណី ឬស្មើ ២២% នៃ​ករណី​សរុប ហើយ​ក្រុម​ក្មេង​អាយុ​ដដែល​នេះ ក៏មាន​តួលេខ​ស្លាប់​ច្រើនជាងគេ​ដែរ រហូត​ដល់ ២៩២ ​ករណី ស្មើ ៤២% នៃ​តួលេខ​អ្នក​ស្លាប់​សរុប។

    អត្ថបទពាក់ព័ន្ធ៖

    គួរបញ្ជាក់​ថា ក្នុង​តំបន់​អាស៊ាន ក្រៅ​ពី​ហ្វីលីពីន ជំងឺ​គ្រុនឈាម កំពុង​ឆក់យក​ជីវិត​មនុស្ស​ជាច្រើន ដូច​ជានៅ​ក្នុង​ប្រទេស​ម៉ាឡេស៊ី ចំនួន ១១៣​នាក់ ថៃ ៦៥​នាក់ មីយ៉ាន់ម៉ា ៤៨​នាក់ កម្ពុជា ២៥​នាក់ (គិតត្រឹម​ដើម​ខែ​កក្កដា) វៀតណាម ១០​នាក់ និង​សិង្ហបុរី ៤​នាក់។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 15/08/2019
    ត្រួតពិនិត្យដោយ វេជ្ជ. ចាន់ ស៊ីណេត