WHO ជឿជាក់អាចលុបបំបាត់ជំងឺគ្រុនចាញ់ បានទាំងស្រុង គ្រាន់តែថា…

    WHO ជឿជាក់អាចលុបបំបាត់ជំងឺគ្រុនចាញ់ បានទាំងស្រុង គ្រាន់តែថា…

    ជា​ដំណឹង​ល្អមួយ សម្រាប់​បងប្អូនខ្មែរ​នៅ​តាម​ទី​ជនបទ ងាយ​ប្រឈម​ជំងឺ​គ្រុន​ចាញ់ ដោយ​អង្គការ​សុខភាព​ពិភពលោក (WHO) ប្រកាស​ថា ផែន​ការ​លុប​បំបាត់​ជំងឺគ្រុនចាញ់ អាច​សម្រេចទៅ​បានដោយ​ជោគជ័យ ប៉ុន្ដែ​ទាម​ទារ​មូលនិធិ សម្ភារៈ និង​ឆន្ទៈ​នយោបាយ ដើម្បី​គ្រប់គ្រង​ជំងឺ​នេះ។

    ការប្រកាសនេះ បាន​ធ្វើឡើង​ក្នុង​ពិធី​ផ្សព្វផ្សាយ ពី​របាយការណ៍​វិភាគ និង​វាយតម្លៃ ក្នុង​យុទ្ធ​នាការ​​ប្រយុទ្ធ​ប្រឆាំង​ជំងឺ​គ្រុនចាញ់ រយៈពេល ៣​ឆ្នាំ នៅ​ថ្ងៃ​ទី២៣ ខែ​សីហា ២០១៩។ ទោះ WHO ប្រកាស​ថា ជំងឺ​គ្រុនចាញ់ អាច​លុប​បំបាត់​បាន តែ​អង្គការ​នេះ ពុំទាន់​បញ្ជាក់​ពី​ពេលវេលា និង​ទឹកប្រាក់ ​ត្រូវ​ចំណាយជាក់​លាក់​នៅ​ឡើយ​ទេ។

    អង្គការសុខភាព​ធំបំផុត​លើ​លោក​មួយនេះ ក៏បញ្ជាក់ដែរ​ថា ពិភពលោកគួរ​ផ្ដោត​លើ​ការ​បង្កើត​ថ្នាំវ៉ាក់សាំង និង​ថ្នាំ​សម្លាប់​សត្វល្អិត​ថ្មីៗ ដើម្បី​ធ្វើឲ្យ​ករណី​ជំងឺ​គ្រុនចាញ់ និង​ករណី​​ស្លាប់​ដោយ​ជំងឺនេះ ស្ថិតនៅ​ក្រោម​ការ​គ្រប់គ្រង​បាន។ អង្គការ​ដដែល បញ្ជាក់​ថា ជាមួយ​សម្ភារៈ​បច្ចេកទេស​​បច្ចុប្បន្ន គឺពិបាក​លុប​បំបាត់​ជំងឺ​គ្រុនចាញ់​ណាស់។

    អត្ថបទពាក់ព័ន្ធ៖

    គួររំឮកថា ចំនួន​មនុស្ស​ស្លាប់ និងកើត​ជំងឺ​គ្រុនចាញ់ បាន​ធ្លាក់ចុះ រយៈពេល​ប្រមាណ ១ ​ទសវត្សរ៍​មកហើយ ប៉ុន្ដែ​តាម​ទិន្នន័យ​ចុងក្រោយ​នៃអង្គការ WHO កំពុង​កើនឡើង​វិញ។ នៅ​ឆ្នាំ ​២០១៧ ជំងឺ​គ្រុនចាញ់ បាន​កើតឡើង ប្រមាណ ២១៩​ លាន​ករណី និង​សម្លាប់​មនុស្ស ប្រមាណ ៤៣៥.០០០​នាក់ ដោយ​ភាគច្រើនអ្នកស្លាប់ ជាទារក និងកុមារ នៅ​តំបន់​អាហ្វ្រិក។

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 23/08/2019
    ត្រួតពិនិត្យដោយ វេជ្ជ. ចាន់ ស៊ីណេត