ថៃ ដែលត្រូវចាត់ទុកជាប្រទេសបំពុលផែនដីដោយថង់ប្លាស្ទិកធំបំផុតលេខរៀងទី ៦ លើពិភពលោក បានសម្រេច គ្រប់បណ្តាផ្សារទំនើបទាំងអស់ ឈប់ប្រើប្រាស់ថង់ប្លាសិក ដើម្បីវេចខ្ចប់ទំនិញតទៅទៀត ដោយការសម្រេចនឹងចាប់ផ្តើមអនុវត្តពីដើមឆ្នាំ២០២០ តទៅ។
ថៃ ប្រកាសឈប់ឲ្យប្រើថង់ប្លាស្ទិកក្នុងផ្សារទំនើប និងហាងទំនិញទូទាំងប្រទេស
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមសារព័ត៌មាន Bangkok Post មូលហេតុធ្វើឲ្យមានចំណាត់ការខាងលើនេះ ក៏ព្រោះតែការសហការគ្នា រវាងម្ចាស់ឧស្សាហកម្មផលិតប្លាស្ទិកធំៗនៅថៃ ក៏ដូចជាម្ចាស់ផ្សារទំនើប និងហាងលក់ផលិតផលផ្សេងៗ បានមកជួបជុំគ្នា និងឯកភាពគ្នា លើការបញ្ឈប់សកម្មភាពផ្តល់ជូនថង់ប្លាស្ទិកជូនអតិថិជន ពេលមកទិញទំនិញ ដើម្បីចូលរួមក្នុងយុទ្ធនាការប្រឆាំង ការប្រើប្រាស់ប្ទាស្ទិកក្រសួងបិរស្ថានថៃ។
បើតាមរដ្ឋមន្ត្រីក្រសួងធនធានធម្មជាតិ និងបរិស្ថានថៃ លោក វ៉ារ៉ាវុធ សីប៉ា អាឆា បានលើកឡើងថា ការចូលរួមយុទ្ធនាការនេះ គឺបង្ហាញពីឆន្ទៈកាត់បន្ថយសំណល់ប្លាស្ទិក បន្ទាប់ពីថៃ ជាប្រទេសចំណាត់ថ្នាក់លេខ ៦ លើពិភពលោក បានរួមចំណែកធ្វើឲ្យមានសំណល់ប្លាស្ទិកក្នុងសមុទ្រ។
បើតាមរបាយការណ៍ពីក្រសួងខាងលើ បង្ហាញថា ប្រទេសថៃប្រើប្រាស់ថង់ប្លាស្ទិកប្រមាណ ៤៥ ប៊ីលានថង់ ក្នុង/ឆ្នាំៗ ដោយប្រមាណ ៣០% មានប្រភពចេញពីផ្សារទំនើប និងហាងលក់រាយផ្សេងៗ និង ៣០% មានប្រភពមកពីពលរដ្ឋលក់ដូរផ្សេងៗ តាមផ្សារតូចៗ។
អត្ថបទពាក់ព័ន្ធ៖
- ដំណឹងល្អ! បាក់តេរីស៊ីសំណល់ប្លាស្ទិកបង្កើតដោយជោគជ័យ ដោយអតីតនិស្សិតស្រីឆ្នើមពីររូប ឈ្នះរង្វាន់រាប់សែនដុល្លារ
- អាកាសយានដ្ឋានអន្តរជាតិមួយនេះ ប្រកាសបញ្ឈប់ឲ្យប្រើ “ដបទឹកប្លាស្ទិក”
គួរបញ្ជាក់ដែរថា ប្រទេសថៃមានយុទ្ធនាការ គ្រប់គ្រង និងកាត់បន្ថយសំណល់ប្លាស្ទិករយៈពេលវែង ពីឆ្នាំ ២០១៨-២០៣០ និងកំពុងព្រាងច្បាប់ គ្រប់គ្រងសំណល់ប្លាស្ទិក ដើម្បីជាវិធានការអនុវត្តឲ្យមានប្រសិទ្ធិភាពលើបញ្ហាខាងលើ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម