ប្រហែលមានអ្នកធ្លាប់ឮថា ជាតិស្ករខ្ពស់ លើសឈាម ធ្វើឲ្យអាអូនអត់ឡើងរឹង តែលើកនេះពេទ្យសូមប្រាប់ថា សូម្បីតែជាតិខ្លាញ់ខ្ពស់ ក៏អាចធ្វើឲ្យអាអូនតូចអត់រឹងដូចគ្នា។ ញ៉ាំអីឲ្យចេះគិត ប្រយ័ត្នប្រើការលែងបាន តាំងស្ដាយក្រោយ។ “Hello គ្រូពេទ្យ” នឹងប្រាប់ហេតុផលខ្លះៗពីទំនាក់ទំនងរវាងជាតិខ្លាញ់កូលេស្តេរ៉ូលខ្ពស់ ធ្វើឲ្យប៉ះពាល់ជីវិតផ្លូវភេទ។
លើសជាតិខ្លាញ់ អាអូនតូចប្រុសៗនឹងចុះខ្សោយមិនខាន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- កម្រិតកូលេស្តេរ៉ូលខ្ពស់
កម្រិតកូលេស្តេរ៉ូលខ្ពស់ ឬហៅថា Hypercholesteremia មិនមែនជាជំងឺទេ ប៉ុន្តែប្រឈមខ្ពស់បង្កឲ្យកើតជំងឺធ្ងន់ធ្ងរ ដូចជា គាំងបេះដូង សរសៃឈាមបេះដូង និងដាច់សសៃរឈាមខួរក្បាល ដែលបណ្តាលមកពីក្រិនសរសៃឈាមអាកទែ ដោយសារកកស្ទះ។
បញ្ហានេះមិនងាយលេចជារោគសញ្ញានោះទេ ហេតុនេះ មធ្យោបាយតែមួយគត់ ដើម្បីដឹងពីកម្រិតកូលេស្តេរ៉ូលខ្ពស់ ឬអត់ ត្រូវធ្វើតេស្តឈាម។ វាអាចកើតនៅក្នុងគ្រួសារ ដូចនេះ ហ្សែន អាចកត្តាធំធ្វើឲ្យលើសជាតិខ្លាញ់ក្នុងឈាមដូចគ្នា។ ត្រូវចាំថា វាអាចបង្កដោយសារទម្លាប់រស់នៅមិនល្អ ដូចជា របបអាហារប៉ះពាល់សុខភាព និងមិនសូវហាត់ប្រាណ។
២- កូលេស្តេរ៉ូលខ្ពស់ និងជីវិតផ្លូវភេទ
ក្រៅពីជំងឺធ្ងន់ៗខាងលើ ការថយចុះលំហូរឈាមដោយសារជាតិខ្លាញ់កូលេស្ដេរ៉ូល ក៏ទាក់ទងនឹងបញ្ហាផ្លូវភេទ អាចប៉ះពាល់ឡើងរឹងរបស់អាអូនផងដែរ។ លំហូរឈាមមិនគ្រប់គ្រាន់ទៅកាន់លិង្គ បង្កឲ្យប្រុសៗលេចឡើងបញ្ហាអសម្ថភាពនេះឯង។
ការប្រើថ្នាំព្យាបាលបញ្ហានេះ គឺដើម្បីធ្វើឲ្យកោសិកាសាច់ដុំរលីងក្នុងសរសៃឈាមសម្រាក ធ្វើឲ្យឈាមហូរងាយស្រួលជាងមុន។ ពេលប្រុសៗមានកម្រិតកូលេស្តេរ៉ូលខ្ពស់ បេះដូងច្របាច់ឈាមមិនស្មើគ្នា នាំឲ្យប៉ះពាល់ដល់ការងើបឡើងរឹងរបស់អាអូនតូច។
យ៉ាងណា បញ្ហានេះមិនផ្តោតចំពោះតែប្រុសៗនោះទេ ការស្រាវជ្រាវបង្ហាញថា កម្រិតខ្លាញ់កូលេស្តេរ៉ូលខ្ពស់ ក៏អាចធ្វើឲ្យស្រីៗមានបញ្ហាក្នុងការរួមភេទ។ កំណកកូលេស្តេរ៉ូលច្រើន នឹងទៅទប់សារធាតុរំអិល នាំឲ្យស្រីៗឈឺចាប់អំឡុងពេលរួមភេទ ជាហេតុបាត់បង់ចំណង់ផ្លូវភេទតែម្តង។
៣- កូលេស្តេរ៉ូលខ្ពស់ និងបញ្ហាអាអូនតូចមិនឡើងរឹង
យោងតាមវិទ្យាសាស្ត្រ កម្រិតខ្លាញ់ខ្ពស់ មានទំនាក់ទំនងជិតស្និទ្ធជាមួយបញ្ហាប្រដាប់ភេទមិនឡើងរឹង។ លើសពីនេះ ប្រុសៗមានសម្ពាធឈាមខ្ពស់ គឺប្រឈមខ្ពស់បញ្ហានេះ។ កម្រិតកូលេស្តេរ៉ូលខ្ពស់ ធ្វើឲ្យកើតជំងឺក្រិនសរសៃឈាម។ កម្រិតខ្លាញ់អាក្រក់ (LDL) ជាភ្នាក់ងារបង្កឲ្យកកស្ទះតាមជញ្ជាំងសរសៃឈាម អាចធ្វើឲ្យស្ទះលំហូរឈាម ដូចគ្នានឹងកម្ទេចកម្ទីដែលធ្វើឲ្យស្ទះទុយោចឹងដែរ។
គ្រូពេទ្យ និងអ្នកវិទ្យាសាស្ត្រព្រួយបារម្ភពីការកើតជំងឺក្រិនសរសៃឈាមបេះដូង នាំឲ្យប៉ះពាល់សរសៃឈាមទាំងអស់ ប៉ះពាល់ប្រដាប់ភេទប្រុសៗតែម្តង។ ទាំងប្រុសៗ និងស្រីៗ សង្ស័យថា ចំណង់ផ្លូវភេទខ្លួនកំពុងរងផលប៉ះពាល់ដោយសារបញ្ហាកូលេស្តេរ៉ូល គប្បីទៅពិគ្រោះជាមួយគ្រូពេទ្យ ដើម្បីឲ្យដឹងពីមូលហេតុច្បាស់លាស់។ បើបញ្ហាមកពីកូលេស្តេរ៉ូល ពេទ្យនឹងណែនាំការប្តូររបបអាហារ ទម្លាប់រស់នៅមួយចំនួន។ យើងត្រូវកាត់បន្ថយកម្រិតខ្លាញ់ក្នុងចំណីអាហារ ឈប់ជក់បារី និងធ្វើលំហាត់ប្រាណ ឬអាចឈានដល់ការប្រើថ្នាំ បើចាំបាច់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម