ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺស្ទះសរសៃឈាមបេះដូងបង្កឱ្យខូច ឬស្លោកសាច់ដុំបេះដូងស្រួចស្រាវ ហើយភាគច្រើនបណ្ដាលមកពីការកកជាតិខ្លាញ់តាមសរសៃឈាមបេះដូង។ នេះបើតាមការចុះផ្សាយរបស់មន្ទីរពេទ្យ កាល់ម៉ែត ។
ទោះបីបញ្ហាស្ទះសរសៃឈាមបេះដូង ជាជំងឺដែលមានគ្រោះថ្នាក់ធ្ងន់ដល់អាយុជីវិត ត្រូវការព្យាបាលជាបន្ទាន់ក៏ពិតមែន ប៉ុន្តែយើងអាចបង្ការខ្លួន ចៀសផុតពីបញ្ហានេះជាមួយតិចនិកខាងក្រោមនេះ៖
១. ហាត់ប្រាណឲ្យបានទៀងទាត់ (៣០នាទី/ថ្ងៃ, ៥ថ្ងៃ/សប្ដាហ៍)
២. ឈប់ជក់បារី
៣. កាត់បន្ថយសេពគ្រឿងស្រវឹងឲ្យបានច្រើនបំផុត
៤. ចៀសវាងអាហារប្រៃខ្លាំង
៥. កាត់បន្ថយអាហារខ្លាញ់ច្រើន និងសាច់
៦. កាត់បន្ថយអារម្មណ៍តានតឹង ឬស្ត្រេស
៧. គ្រប់គ្រងសម្ពាធឈាមឲ្យបានល្អ (បើយើងលើសឈាម)
៨. រក្សាទម្ងន់ឲ្យបានល្អ (កុំឲ្យលើសទម្ងន់)
៩. គ្រប់គ្រងជាតិស្ករបានត្រឹមត្រូវតាមការណែនាំគ្រូពេទ្យ (បើយើងលើសជាតិស្ករ)
១០. ពិគ្រោះ ឬពិនិត្យសុខភាពឲ្យបានទៀងទាត់។ល។
គណនារកចង្វាក់បេះដូងលោត ចុចទីនេះ!
ចង់ពិនិត្យជំងឺសរសៃឈាមបេះដូង ចុចទីនេះ!
ចង់ពិនិត្យសញ្ញាព្រមានសរសៃឈាមខួរក្បាល ចុចទីនេះ!
បើយើងជាមនុស្សមានសុខភាពល្អធម្មតា មិនងាយនឹងកើតបញ្ហាស្ទះសរសៃឈាមបេះដូងនេះទេ។ ផ្ទុយទៅវិញ បើយើងជាមនុស្សដូចក្នុងការរៀបរាប់ខាងក្រោម ច្បាស់ណាស់នឹងងាយរងគ្រោះដោយសារបញ្ហានេះ៖
– លើសទម្ងន់
– មានវ័យចំណាស់
– លើសសម្ពាធឈាម
– លើសជាតិខ្លាញ់
– ជក់បារី និងញុំាគ្រឿងស្រវឹងច្រើន
– មានគ្រួសារមានជំងឺស្ទះសរសៃឈាមបេះដូង។ល។
ជំងឺស្ទះសរសៃឈាមបេះដូងក៏ដូចជំងឺសាហាវដទៃទៀតដែរដែលតែងតែមានផលវិបាកមកយាយីអ្នកជំងឺ។ ផលវិបាកជំងឺស្ទះសរសៃឈាមបេះដូងរួមមាន ខ្សោយបេះដូង ចុះសម្ពាធធ្ងន់ធ្ងរ មានវិបត្តិចង្វាក់បេះដូងធ្ងន់ធ្ងរ គាំងបេះដូង ឬអាចបណ្ដាលឲ្យអ្នកជំងឺស្លាប់តែម្ដង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
