តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អ្នកមានជំងឺប្រចាំកាយមួយចំនួន បើគេងមិនគ្រប់គ្រាន់ ប្រឈមនឹងការស្លាប់លឿន

អ្នកមានជំងឺប្រចាំកាយមួយចំនួន បើគេងមិនគ្រប់គ្រាន់ ប្រឈមនឹងការស្លាប់លឿន

ការគេងមិនគ្រប់គ្រាន់ មិនត្រឹមតែធ្វើឲ្យយើងងុយគេងនៅថ្ងៃបន្ទាប់ប៉ុណ្ណោះទេ តែវាក៏បង្កជា​ជំងឺផ្សេងៗប៉ះពាល់ដល់សុខភាពផងដែរ។ នេះគឺសម្រាប់អ្នកដែលចូលចិត្ដដកហូតការគេងខ្លួនឯងឲ្យ​នៅ​តិចជាង ៦ម៉ោងរាល់យប់។

យោងតាមការស្រាវជ្រាវរបស់មន្ទីពេទ្យ Cleveland អាមេរិកបានចុះផ្សាយថា អ្នកដែលគេងមិនលក់ គេងមិនគ្រប់គ្រាន់ អាចប្រឈមបញ្ហាសុខភាពក្នុងរយៈពេលវែង ហើយធ្ងន់ធ្ងរ ដូចជា ការឡើងសម្ពាធឈាមខ្ពស់ ជំងឺទឹកនោមផ្អែម គាំងបេះដូង ជំងឺខ្សោយបេះដូង ឬគ្រោះថ្នាក់សរសៃឈាមខួរក្បាល។ ការវិវត្ដជំងឺទាំងនេះ វានឹងបន្ដបង្កការគ្រោះ​ថ្នាក់ដល់អាយុជីវិត ក្នុងលក្ខខណ្ឌដែលអ្នកជំងឺនៅតែរក្សាទម្លាប់គេងមិនបានគ្រប់គ្រាន់ដដែលនោះ។

តាមការសិក្សាបានបញ្ជាក់ថា ចំពោះអ្នកកើតជំងឺទឹកនោមផ្អែមប្រភេទ២ និង សម្ពាធឈាមឡើងខ្ពស់ ដែលគេងបានតិចជាង៦ម៉ោង ប្រឈមនឹងហានិភ័យការស្លាប់ដោយជំងឺបេះដូង និងគ្រោះថ្នាក់សរសៃឈាមខួរក្បាល​ពីរ​ដង​បើធៀបទៅនឹងអ្នកដែលគេងគ្រប់គ្រាន់លើសពី៦ម៉ោង។ ការសិក្សានេះធ្វើឡើងដោយមានអ្នកចូលរួមជាយុវវ័យចំនួន ១ ៦០០នាក់ បែងចែកជាពីក្រុម។ ក្រុមទី១ អ្នកដែលមានជំងឺទឹកនោមផ្អែមប្រភេទ២ និង អ្នកមានជំងឺ​លើស​សម្ពាធឈាម។ ក្រុមទី២ ផ្ដោតសំខាន់លើ អ្នកដែលមានជំងឺបេះដូង។

ចង់គណនា BMR ចុចទីនេះ!
ចង់គណនា BMI ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

លោក Julio Fernandez សាស្ដា្រចារ្យផ្នែកសុខភាព និង ដំណេក ដឹកនាំការសិក្សាស្រាវជ្រាវ មានប្រសាសន៍ថា ការគេងធម្មតា គ្រប់គ្រាន់លើសពី៦ម៉ោង អាចការពារពួកគេចេញផុតពីជំងឺផ្សេងៗ រួមទាំងជំងឺបេះដូង និងមហា​រីក។ ក្នុងករណីនេះប្រសិនជាពួកគេ គេងមិនគ្រប់គ្រាន់ទេ មានន័យថាគេងតិចជាង៦ម៉ោង នោះពួកគេអាចប្រឈមនឹងហានិភ័យស្លាប់លឿនដោយជំងឺបេះដូង នេះចំពោះតែអ្នកមានជំងឺទឹកនោមផ្អែមប្រភេទ២ និងសម្ពាធឈាមឡើងខ្ពស់។ នៅមានទៀត បើចំពោះអ្នកមានជំងឺបេះដូងវិញ ប្រសិនបើពួកគេបន្ដគេង តិចជាង ៦ម៉ោង នោះអត្រានៃការស្លាប់ដោយជំងឺមហារីក កើនឡើងបីដងធៀបជាមួយអ្នកដែលគេងគ្រប់គ្រាន់លើស​ពី៦​ម៉ោង។ នេះបើយោងតាមការសិក្សាចំនួនបេក្ខជនសរុប ១ ៦០០ នាក់ ធ្វើឡើងពីចន្លោះឆ្នាំ ១៩៩៨ រហូតដល់ឆ្នាំ ២០១៦។ អ្នកស្រាវជ្រាវបានតាមដានមូលហេតុនៃការស្លាប់របស់ពួកគេបញ្ជាក់ថា មានចំនួន ៥១២ នាក់បានស្លាប់ ដោយ ១ភាគ៣នៃពួកគេស្លាប់ដោយសារជំងឺ​បេះដូង ឬ គ្រោះថ្នាក់សរសៃឈាមខួរក្បាល និង ១ភាគ៤ទៀត គឺដោយសារជំងឺមហារីក។

បេះដូង

ជារួមការទម្លាប់គេងឲ្យបានយ៉ាងហោច ៦ម៉ោងពិតជាមានសារៈសំខាន់សម្រាប់សុខភាព ជាពិសេសសម្រាប់អ្នកជំងឺបេះដូង ជំងឺទឹកនោមផ្អែម ប្រព័ន្ធប្រសាទ និង ជំងឺលើសម្ពាធឈាមជាដើម។

អត្ថបទគួរអាន៖

health-tool-icon

រង្វាស់ចង្វាក់បេះដូង

លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

ប្រុស

ស្រី

អ្នក​ពិនិត្យ​ឲ្យ​អ្នក​ណាដែរ?

អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

60

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ អឿ អ៊ុយ កែសម្រួល​ចុងក្រោយ មួយសប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត