មានបញ្ហាបេះដូង ត្រូវប្រយ័ត្នបំផុតពេលប្រតិបត្តិការលើគ្រែ

រឿងឡើងឋានសួគ៌ ឬសិច ជាបេសកកម្មស្វែងរកសុភមង្គលរបស់មនុស្សម្នាក់ៗ។ ប៉ុន្តែ ចំពោះអ្នកមានបញ្ហាបេះដូង ឬជំងឺបេះដូង អាចស្ទាក់ស្ទើរ ហើយមានចម្ងល់ក្នុងចិត្ត មិនដឹងថាឡើងឋានសួគ៌ជួយដល់សុខភាពបេះដូង ឬក៏ធ្វើឲ្យស្ថានភាពជំងឺកាន់តែដុនដាប។ អ្នកខ្លះបារម្ភរហូតដល់លែងមានចំណង់ផ្លូវភេទអស់រលីង។ “Hello គ្រូពេទ្យ” មានការបកស្រាយមួយចំនួន ចង់បញ្ជាក់។

បើតាមសមាគមសុខភាពបេះដូងអាមេរិក (American Heart Association) ថា ទោះមានជំងឺបេះដូងក៏ដោយ ប្រតិបត្តិការសិចមិនមានបញ្ហាអ្វីឡើយ ពោលគឺមានសុវត្ថិភាពពេញប៉ឹបតែម្ដង។

១- សិចជាការហាត់ប្រាណ?

ចម្លើយ គឺមែន! ដាក់កាលវិភាគ ហើយចាត់ចែងការងារលើសគ្រែទៀងទាត់ ប្រៀបដូចហាត់ប្រាណបែបស្រាលៗ ទៅមធ្យម អ៊ីចឹង។ បើយើងអាចដើរបានរហ័សរហួន ឬក៏អាចឡើងជណ្តើរជើងបាន ២ ជាន់ ដោយគ្មានចេញសញ្ញា ដូចជា ឈឺទ្រូងទេ នោះយើងពិតជាអាចរួមភេទបានធម្មតាដូចគេដូចឯង។

សិចមិនអាចដុតកាឡូរីប្រចាំថ្ងៃរបស់យើងទេ។ ប៉ុន្តែ ជាទូទៅ ការរួមភេទពី ៥-១៥ នាទី ស្មើយើងដើរ ២០ នាទី។

រួមភេទ

២- សិចល្អចំពោះបេះដូងអត់?

ការសិក្សាបង្ហាញថា ប្រុសៗរួមសិចតែម្តង ឬអត់សោះ ក្នុងមួយខែ អាចមានជំងឺបេះដូងជាងប្រុសៗ រួមភេទ ២ ដង ឬច្រើនជាងនេះក្នុងមួយសប្តាហ៍។ យ៉ាងណា ការសិក្សានេះមិនបានបញ្ជាក់ថា ការរួមភេទអាចបង្ការជំងឺសរសៃឈាមបេះដូងបាននោះឡើយ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

៣- ទំនាក់ទំនងរវាងសិចនិងជំងឺបេះដូង

ឲ្យតែឈឺ (អីក៏ដោយ) មិនដែលស្រណុកសុខស្រួលទេ ប៉ុន្តែចំពោះជំងឺបេះដូង បើកើតក្នុងខ្លួនយើងហើយ គួរយកចិត្តទុកដាក់រឿងខាងក្រោម៖

– ពិគ្រោះជាមួយគ្រូពេទ្យ មុនមានគម្រោងចង់រួមសិច

– បើធ្លាប់ខ្សោយបេះដូង ឬគាំងបេះដូងពីមុន ការសម្រួលបេះដូងឲ្យមានសុខភាពល្អដោយហាត់ប្រាណទៀងទាត់ អាចកាត់បន្ថយផលវិបាកកើតឡើងដោយសាររួមសិច

– បើមានបញ្ហារំខានពេលរួមដំណេក សូមជួបគ្រូពេទ្យដើម្បីដឹងថា វាបណ្តាលមកពីជំងឺបេះដូង ឬកត្តាអ្វីផ្សេង។

៤- ពេលណាទើបអាចចាប់ផ្ដើមប្រតិបត្តិការវិញបាន?

ចាំបាច់ត្រូវពិគ្រោះជាមួយពេទ្យជាមុនសិន បើយើងមានជំងឺគាំងបេះដូង ឬធ្លាប់វះកាត់បេះដូងពីមុនមក។ ករណីខ្លះ ត្រូវចៀសវាងរួមសិចមួយរយៈ ជាពិសេសបើមានរោគសញ្ញា ដូចជា ឈឺទ្រូងពេលធ្វើសកម្មភាពរាងកាយ ជាដើម។ កុំទាន់រួមភេទ ចាំដល់រោគសញ្ញាបានជាទាំងស្រុងសិន។ ឯគ្នាយើងធ្លាប់វះកាត់បេះដូងវិញ ក៏ត្រូវចាំរហូតដល់ស្នាមរបួសវះកាត់ជាសះស្បើយសិនដែរ។

៥- បញ្ហាផ្លូវភេទ

ជំងឺបេះដូងអាចប៉ះពាល់ដល់រាងកាយខ្លះ ដែលរំខានដល់ការរួមសិច។ អ្នកខ្លះវិញក៏គ្មានចំណង់រួមភេទទៅទៀត។ ប្រុសៗអាចមានបញ្ហាអាអូនតូចមិនឡើងរឹង ឯស្រីៗវិញជួបបញ្ហាស្ងួតប្រដាប់ភេទ ជាដើម។ ករណីនេះ គួរជួបពេទ្យដើម្បីទទួលការព្យាបាលត្រឹមត្រូវ។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Leng Pechsovatey · កែ 02/06/2022

មាន​បញ្ហា​បេះដូង ត្រូវប្រយ័ត្ន​បំផុត​ពេលប្រតិបត្តិការ​លើ​គ្រែ