home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

មកស្គាល់​ប្រ​ភេទខ្លាញ់មាន​ក្នុង​អាហារទាំងនេះ ល្អ​សម្រាប់​សុខភាព​

មកស្គាល់​ប្រ​ភេទខ្លាញ់មាន​ក្នុង​អាហារទាំងនេះ ល្អ​សម្រាប់​សុខភាព​

គ្នា​យើង​​ប្រហែលជាធ្លាប់​គិត​ថា​ខ្លាញ់​ទាំង​អស់ គឺ​សុទ្ធ​តែ​មិន​ល្អ​ដល់​សុខ​ភាព ខ្លាញ់​ទាំង​អស់​នោះ​នឹង​ធ្វើ​ឲ្យ​យើង​​ធាត់ ធ្វើ​ឲ្យ​អ្នក​ប្រឈម​មុខ​ជាមួយ​ជំងឺ​បេះ​ដូង។ យើង​​ប្រហែល​ជា​ចង់​កាត់​បន្ថយ​ការ​ញ៉ាំ​ខ្លាញ់​ទាំង​អស់​នោះ​តាម​ដែលយើង​អាច​ធ្វើ​បាន ប៉ុន្តែ​យើង​ត្រូវ​ដឹង​ថា ខ្លាញ់​គឺ​មាន​ប្រភេទ​ខ្លាញ់​ល្អ និង​ខ្លាញ់​មិន​ល្អ។ ខ្លាញ់​មិន​ល្អ គឺ​អាច​មាន​គ្រោះ​ថ្នាក់ ប៉ុន្តែ​ខ្លាញ់​ល្អ គឺ​ជា​ខ្លាញ់​ដែល​ខ្លួន​អ្នក​ចាំ​បាច់​ត្រូវ​ការ។ ដើម្បី​ញ៉ាំ​ខ្លាញ់​ឲ្យ​បាន​ត្រឹម​ត្រូវ តោះ​មក​ស្ដាប់​ការ​ណែ​នាំ​រ​បស់ Hello គ្រូពេទ្យ ទាំង​អស់​គ្នា។

១- ខ្លាញ់ Monounsaturated

ខ្លាញ់​មិន​ឆ្អែត គឺ​ជា​ប្រភេទ​ខ្លាញ់​រាវ​ស្ថិត​ក្នុង​បន្ទប់​មាន​សីតុណ្ហភាព​គ្រប់​គ្រាន់។ នៅ​ពេល​អ្នក​ប្ដូរ​ពី​ការ​ទទួល​ទាន​ខ្លាញ់​ឆ្អែត មក​ប្រើ​ខ្លាញ់​មិន​ឆ្អែត​វិញ នោះ​វា​នឹង​ជួយ​កាត់​បន្ថយ​កម្រិត​កូលេស្តេរ៉ូល និង​ជួយ​កាត់​បន្ថយ​ពី​ការ​កើត​ជំងឺ​បេះ​ដូង​បាន​ថែម​ទៀត​ផង។ ខ្លាញ់​មិន​ឆ្អែត​អាច​ឃើញ​មាន​នៅ​ក្នុង​ត្រី គ្រាប់​សណ្ដែក គ្រាប់​រុក្ខជាតិ និង​បន្លែ។

ខ្លាញ់ Monounsaturated គឺ​មាន​ចំណង​កាបូន​ចំនួន​មួយ​នៅ​ក្នុង​ម៉ូលេគុល​រ​បស់​វា។ ចំណង​មួយ​នេះ​នឹង​ជួយ​ការ​ពារ​កុំ​ឲ្យ​ខ្លាញ់​កក​ក្នុង​កន្លែង​មាន​សីតុណ្ហភាព​ធម្មតា។ ប៉ុន្តែ​នៅ​ពេល​វា​ត្រជាក់​ វា​នឹង​ប្រែ​ក្លាយ​ទៅ​ជា​កក​រឹង។ អាហារ​​សម្បូរ​​ដោយ​ខ្លាញ់ Monounsaturated មាន​ដូច​ជា​​ប្រេង​អូលីវ ប្រេង​រុក្ខជាតិ ប្រេង​សណ្ដែក ផ្លែ​ប៊័រ ប្រេង​ផ្កា​ឈូក​រ័ត្ន ប្រេង​ល្ង គ្រាប់​សណ្ដែក គ្រាប់​ធញ្ញជាតិ និង​គ្រាប់​ផ្លែ​ឈើ (គ្រាប់​ល្ពៅ និង​គ្រាប់​ល្ង​ជា​ដើម)។

ខ្លាញ់ Monounsaturated គឺ​ល្អ​សម្រាប់​សុខភាព​របស់​យើង​ ប្រសិន​បើ​អ្នកទទួល​ទាន​វា​ក្នុង​កម្រិត​ល្មម។ វា​ជួយ​កាត់​បន្ថយ​កម្រិត​កូលេស្តេរ៉ូល LDL (ជា​កូឡេស្តេរ៉ុល​មិន​ល្អ) ជួយ​កាត់​បន្ថយ​អត្រា​កើត​ជំងឺ​​ដាច់​សរសៃ​ឈាម​ខួរ​ក្បាល និង​ជំងឺ​បេះ​ដូង ដោយសារ​វា​ការ​ពារ​មិន​ឲ្យ​កើត​មាន​ដុំ​កក​ក្នុង​សរសៃ​ឈាម ដែល​ជា​អ្នក​ធ្វើ​ឲ្យ​ស្ទះ​សរសៃ​ឈាម។ ខ្លាញ់ Monounsaturated ក៏​អាច​ជួយ​គ្រប់​គ្រង​ជាតិ​ស្ករ​សម្រាប់​អ្នក​កើត​ជំងឺ​ទឹក​នោម​ផ្អែម​បាន​ថែម​ទៀត​ផង។

អត្ថបទពាក់ព័ន្ធ៖ ហាត់ប្រាណបែបណា ទើបខ្លាញ់​កូលេស្ដេរ៉ុលថយចុះ?

២- ខ្លាញ់ Polyunsaturated

ខ្លាញ់ Polyunsaturated គឺ​ជា​ខ្លាញ់​ល្អ​យើង​ហូប​ក្នុង​អាហារ ហើយ​វា​មាន​ផ្ទុក​ចំណង​កាបូន​ច្រើន​ជាង​ខ្លាញ់ unsaturated។ ខ្លាញ់ Polyunsaturated គឺ​ជា​ខ្លាញ់​រាវ ពេល​ទុក​ក្នុង​កន្លែង​មាន​សីតុណ្ហភាព​គ្រប់​គ្រាន់។ ខ្លួន​របស់​យើង​ត្រូវ​ការ​ខ្លាញ់​ប្រភេទ​នេះ ប៉ុន្តែ​យើង​មិន​អាច​ផលិត​វា​បាន​ឡើយ។ ដូច​នេះ​យើង​អាច​នាំ​ចូល​វា​បាន​តាម​រយៈ​អាហារ​ដែល​យើង​ញ៉ាំ​ចូល។

ខ្លាញ់ Polyunsaturated គឺ​ត្រូវ​ការ​សម្រាប់​សំបក​កោសិកា និង​ស្រទាប់​សរសៃ​ប្រសាទ​សម្រាប់​លូត​លាស់ សម្រាប់​ចលនា​សាច់​ដុំ និង​កំណក​ឈាម។ ខ្លាញ់Polyunsaturated មាន​ពីរ​ប្រភេទ គឺអាស៊ីត​​ខ្លាញ់​អូម៉េហ្កា៣ និង​អាស៊ីត​ខ្លាញ់​អូម៉េហ្កា​៦។
អាស៊ីត​ខ្លាញ់​អូម៉េហ្កា​៣ ឃើញ​មាន​នៅ​ក្នុង​ត្រី​សមុទ្រ ត្រី​សាល់ម៉ុន ត្រី​សាឌីន ប្រេង​សណ្ដែក ប្រេងផ្កា Canola គ្រាប់​ធញ្ញជាតិ និង​គ្រាប់​ផ្កា Flax។

អាស៊ីត​ខ្លាញ់​អូម៉េហ្កា​៣ អាច​ជួយ​បញ្ចុះ​សម្ពាធ​ឈាម បញ្ចុះ​ទ្រី​គ្លីសេរីដ បង្កើន​កូលេស្តេរ៉ូល HDL (កូលេស្តេរ៉ូល​ល្អ) និង​ការ​ពារ​កុំ​ឲ្យ​មាន​បញ្ហា​ចង្វាក់​បេះ​ដូង​មិន​ទៀង។ លើស​ពី​នេះ​ថែម​ទៀត​អាស៊ីត​ខ្លាញ់​អូម៉េហ្កា​៣ ក៏​អាច​ការ​ពារ​ជំងឺ​ដាច់​សរសៃ​ឈាម​ខួរ​ក្បាល និង​ជំងឺ​បេះ​ដូង។ អាស៊ីត​ខ្លាញ់​អូម៉េហ្កា​៣ ក៏​អាច​ដើរ​តួ​ជា​អ្នក​ប្រឆាំង​ជា​មួយ​ការ​រលាក​បាន​ផង​ដែរ។

គេ​ឃើញ​អាស៊ីត​ខ្លាញ់​អូម៉េហ្កា​៦​មា​ន​នៅ​ក្នុង​ប្រេង​ពោត ប្រេង​ផ្កា​ សណ្ដែក​ដី ផ្កា​ឈូក​រ័ត្ន និង​នៅ​ក្នុង​គ្រាប់​ធញ្ញជាតិ។ អាស៊ីត​ខ្លាញ់​អូម៉េហ្កា​៦ អាច​ជួយ​ការ​ពារយើង​​ពី​ជំងឺ​បេះ​ដូង គ្រប់​គ្រង​ជាតិ​ស្ករ បញ្ចុះ​សម្ពាធ​ឈាម និង​កាត់​បន្ថយ​អត្រា​កើត​ជំងឺ​ទឹក​នោម​ផ្អែម។

ខ្លាញ់​ផ្ដល់​ថាម​ពល​ដល់​ខ្លួន​របស់​អ្នក ជួយ​ឲ្យ​ខ្លួន​អ្នក​ស្រូប​វីតាមីន​បាន​កាន់​តែ​ច្រើន គ្រប់​គ្រង​ការ​លូត​លាស់​រាង​កាយ និង​ជួយ​ឲ្យ​យើង​មាន​សុខភាព​ល្អ។ ប៉ុន្តែ​សម្រាប់​ពពួក​ខ្លាញ់​មិន​ល្អ​វិញ វា​នឹង​ធ្វើ​ឲ្យ​យើង​​ធាត់​លើស​គីឡូ លើស​សម្ពាធ​ឈាម ឬ​កើត​ជំងឺ​បេះ​ដូង។ ដើម្បី​រស់​នៅ​មាន​សុខភាព​ល្អ យើង​​ត្រូវ​កាត់​បន្ថយ​ខ្លាញ់សប្បនិម្មិត និង​ពពួក​ខ្លាញ់​ឆ្អែត ហើយ​ទទួល​អាហារ​មាន​ខ្លាញ់​មិន​ឆ្អែត​ជំនួស​វិញ។

អត្ថបទពាក់ព័ន្ធ៖ អាច​កើត​ម្ដង៣! ទឹក​នោម​ផ្អែម​ផង លើស​ឈាម​ផង ជំងឺ​សរសៃ​ឈាម​បេះដូង​នៅ​ជិត​បង្កើយ

ក្នុង​ករណី​មាន​សំនួរ​ឬ​មន្ទិល​​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត​​សូម​ពិគ្រោះ​​ និង​ប្រឹក្សា​យោបល​ផ្ទាល់​ជាមួយ​គ្រូពេទ្យ​ជំនាញ​។ ​Hello Health Group មិន​ចេញ​វេជ្ជ​បញ្ជា ធ្វើ​រោគ​វិនិច្ឆ័យ​ឬ ធ្វើ​ការ​ព្យាបាល​ជូន​ទេ៕

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

The truth about fats: the good, the bad, and the in-between. http://www.health.harvard.edu/staying-healthy/the-truth-about-fats-bad-and-good. Accessed May 28, 2017.

Types of Fat. https://www.hsph.harvard.edu/nutritionsource/types-of-fat/. Accessed May 28, 2017.

Facts about monounsaturated fats. https://medlineplus.gov/ency/patientinstructions/000785.htm. Accessed May 28, 2017.

Facts about polyunsaturated fats. https://medlineplus.gov/ency/patientinstructions/000747.htm. Accessed May 28, 2017.

Monounsaturated Fats. https://healthyforgood.heart.org/Eat-smart/Articles/Monounsaturated-Fats. Accessed May 28, 2017.

Polyunsaturated Fats. https://healthyforgood.heart.org/Eat-smart/Articles/Polyunsaturated-Fats. Accessed May 28, 2017.

រូបថត​របស់​អ្នក​និពន្ធbadge
ដោយ ណៃ ទូច កែសម្រួល​ចុងក្រោយ 21/01/2020
ត្រួតពិនិត្យដោយ គឹម កាណែល
x