បញ្ហាប្លោកនោម

បញ្ហា​ប្លោក​នោម - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​បញ្ហា​ ឬ​ជា​ជំងឺ​​ប្លោក​នោម​​ ​ផលវិបាក ​ការការពារ​ និង​ការ​ព្យាបាល

ចំណេះដឹងទូទៅ

បញ្ហាប្លោកនោម

វិធីសាស្រ្តការពារការ​រលាកប្លោកនោម ស្រីៗគួរដឹង

រលាកប្លោកនោមអាចផ្តល់ការរំខាន ធ្វើឱ្យយើងឈឺចាប់ និងធ្វើឱ្យប៉ះពាល់ដល់សុខភាព ប្រសិន​បើ​មេរោគឆ្លងរាលដាលដល់តម្រងនោម។ តើយើងគួរធ្វើបែបណា​ដើម្បី​ការពារខ្លួន​ពីការរលាក​ប្លោក​នោម? រលាកប្លោកនោមកើតឡើងដោយសារការឆ្លងបាក់តេរីតាមទ្វារមាស លិង្គ ឬរន្ធគូទ ចូលទៅក្នុង​បង្ហួរ​នោម និងចូលទៅក្នុងប្លោកនោម ហើយច្រើនកើតលើស្រ្តី។ យើងអាចសាកល្បងវិធីសាស្រ្តមួយចំនួនដូចខាងក្រោមដើម្បីការពារខ្លួនពីការរលាកប្លោកនោម៖ ១. ញុំាទឹកឱ្យបានច្រើន ការញុំាទឹក ២ លីត្រក្នុង ១ ថ្ងៃអាចជួយយើងកម្ចាត់បាក់តេរីចេញពីប្លោក​នោម​តាមរយៈទឹកនោម។ ២. កុំទប់នោម យើងត្រូវទៅបន្ទប់ទឹករាល់ពេលមានអារម្មណ៍ចង់បត់ជើងតូច ព្រោះបើមិន​ដូចនោះទេ ​បាក់តេរី​នឹង​ក​កើត​ក្នុង​ប្លោកនោម និងបណ្តាលឱ្យរលាក។ ៣. ជូតគូទពីមុខទៅខាងក្រោយ ការជូតគូទពីមុខទៅខាងក្រោយអាចរារាំងការឆ្លងបាក់តេរីពីតំបន់រន្ធគូទចូលតាមទ្វារមាស និង​ចូល​ទៅ​ក្នុងបង្ហួរនោម។ ៤. ចៀងវាងងូតទឹកក្នុងអាង ការងូតទឹកក្នុងអាងងូតទឹកងាយធ្វើឱ្យយើងឆ្លងមេរោគ។ ចង់គណនា BMI ចុចទីនេះ! ៥. រក្សាអនាម័យ យើងត្រូវសម្អាតស្បែកជុំវិញទ្វារមាស លិង្គ និងរន្ធគូទថ្នមៗជារៀងរាល់ថ្ងៃដោយប្រើ​សាប៊ូ​ដែល​មាន​កម្រិតខ្សោយៗ ព្រោះស្បែកជុំវិញតំបន់ទាំងនេះមានសភាពខ្សោយ និងងាយរលាក។ ៦. នោមភ្លាមបន្ទាប់ពីរួមភេទរួច ការធ្វើបែបនេះ​​អាច​ជួយ​បណ្តេញ​បាក់តេរី​ចេញ​ពី​បង្ហួរ​នោម និងបង្ការ​ការ​ឆ្លង​មេរោគ​​ផ្លូវ​ទឹកនោម។ ៧. ចៀសវាងការប្រើស្ព្រាយបាញ់បំបាត់ក្លិន ឬទឹកអនាម័យនៅតំបន់ប្រដាប់ភេទ ការប្រើផលិតផលទាំងនេះអាចធ្វើឱ្យរលាកបង្ហួរនោម និងប្លោកនោម។ ៨. ជ្រើសរើសខោក្នុងធ្វើពីកប្បាស ខោក្នុងសាច់កប្បាសអាចស្រូបសំណើម និងអនុញ្ញាតឱ្យខ្យល់​ចេញចូល​បានល្អ​ដែលអាច​ការពារការឆ្លងមេរោគផ្សិត។ ខាងក្រោមនេះជារោគសញ្ញានៃការរលាកប្លោកនោម៖ នោមញឹក មានការឈឺចាប់ពេលនោម ទឹកនោមមានក្លិន ឬមានពណ៌ស្រអាប់ ឬក្រមៅ មានឈាមក្នុងទឹកនោម ឈឺផ្នែកខាងក្រោមពោះ ក្តៅខ្លួនតិចតួច រលាកប្លោកនោមអាចប៉ះពាល់ដល់ស្រ្តីប្រហែល ៦០% ។ ម្យ៉ាងទៀតស្រ្តីអាច​រលាកប្លោកនោម​ម្តង​ហើយ​ម្តងទៀត ប្រសិនមិនបានការពារខ្លួនត្រឹមត្រូវ។

អត្ថបទផ្សេងទៀតពី បញ្ហាប្លោកនោម

បញ្ហាប្លោកនោម

នោម​ញឹកញាប់​ អាច​​បណ្ដាល​មក​ពី​​ផឹក​ភេសជ្ជៈ​មានធាតុទាំងនេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ការ​នោម​ញឹកញាប់​ អាច​ជា​​បញ្ហា​បណ្ដោះអាសន្ន​ ឬ​​​មាន​លក្ខណៈ​រ៉ាំរ៉ៃ។​ ជាក់​ស្ដែង​ ការ​នោម​ញឹកញាប់​នេះ​ អាច​អម​​មក​ជាមួយ​នឹង​​អារម្មណ៍​រាន់​នោម​ ដែល​អាច​ធ្វើ​ឲ្យ​យើង​មាន​​ការ​ថប់​បារម្ភ​ និង​អៀនខ្មាស់​​​។​ បន្ថែម​ពី​នេះ​ យើង​ក៏​អាច​ប្រឈម​នឹង​អាការៈ​ឈឺ​ចាប់​ នៅ​ពេល​មាន​ការ​កើន​ឡើង​នៃ​ទឹក​នោម​ ដែល​ពាក់ព័ន្ធ​នឹង​ស្ថានភាព​សុខភាព​​មួយ​ ​ហៅ​ថា​​ការ​ឈឺ​ក្នុង​ប្លោក​នោម បណ្ដាល​មក​ពីមុខ​ងារ​របស់​អាង​ត្រគាក​​ធ្វើ​ការ​មិន​ល្អ ។​ ​យ៉ាង​ណា​មិញ​ ការ​ញ៉ាំ​​ភេសជ្ជៈ​ដែល​មាន​ជាតិ​​កាហ្វេអ៊ីន​ក៏​អាច​ជា​មូលហេតុ​​នាំ​ឲ្យ​យើង​នោម​ញឹកញាប់​ផង​ដែរ​។ ​បរិមាណ​ ពិត​ណាស់​ ​ការ​ញ៉ាំ​ភេសជ្ជៈ​ច្រើន​ពេក​ រួម​ទាំង​ភេសជ្ជៈ​ដែល​មាន​ជាតិ​កាហ្វេអ៊ីន​ ក៏​អាច​បណ្ដាល​ឲ្យ​យើង​នោម​ញឹកញាប់​។​ ប្លោក​នោម​របស់​យើងរីកធំ​នៅ​ពេល​ដែល​ពេញ​ដោយ​ទឹកនោម ប៉ុន្តែ​វា​មាន​​កម្រិត​ខ្ពស់​​នៃ​ចំនួន​ថង់​ដែល​អាច​ផ្ទុក​ទឹក​នោម​បាន​។​ នៅ​ពេល​ដែល​យើង​ញ៉ាំ​ច្រើន​ជាង​បរិមាណ​ធម្មតា​​នៃ​សារធាតុ​រាវ​ក្នុង​រយៈពេល​ខ្លី​មួយ​ ប្លោក​នោម​មិន​អាច​ទប់​នឹង​សម្ពាធ​លើស​បាន​ទេ។​ ​ជា​លទ្ធផល​​ យើង​នឹង​​នោម​ញឹកញាប់​ ហើយ​ក្នុង​ករណី​ខ្លះ​ វា​អាច​បង្ក​ជា​ការ​នោម​ទាស់។​ ​ ដើម្បី​ដោះស្រាយ​មូលហេតុ​ដែល​បណ្ដាល​ឲ្យ​នោម​ញឹកញាប់​ ​គ្នា​យើង​គប្បី​ញ៉ាំ​ភេសជ្ជៈ​ដែល​មាន​ជាតិ​កាហ្វេអ៊ីន​ម្ដង​បន្តិច​ៗ​ ជំនួស​ឲ្យ​ការ​ញ៉ាំ​ម្ដង​ទាំង​អស់​។ ​ម្យ៉ាង​វិញ​ទៀត ចូរ​បញ្ឈប់​ការ​ញ៉ាំ​ភេសជ្ជៈ​ពីរ​បី​ម៉ោង​មុន​ពេល​ដែល​យើង​ចូល​គេង​ ដើម្បី​ជៀសវាង​ការ​រំខាន​ដល់​ការ​នោម​​ញឹកញាប់​ ដែល​កើត​ឡើង​នៅ​ពេល​យប់​។ កាហ្វេអ៊ីន​ ជាមួយ​គ្នា​នេះ​ដែរ​ ​យើង​អាច​នឹង​នោម​ញឹកញាប់​ ប្រសិនបើ​ភេសជ្ជៈ​ដែល​យើង​ញ៉ាំ​មាន​ជាតិ​កាហ្វេអ៊ីន​ ពីព្រោះ​វា​អាច​បង្កើត​ជា​ការ​រំញោច​ ដែល​អាច​ធ្វើ​ឲ្យ​ប្លោក​នោម​រលាក​។​ ប្រសិនបើ​ប្លោក​នោម​ក្លាយ​ទៅ​ជា​រលាក​ វា​នឹង​ផ្ដល់​សញ្ញា​ឲ្យ​យើង​បញ្ចេញ​ទឹក​នោម​ឲ្យ​អស់​។​ ​យើង​អាច​នឹង​ជួប​ប្រទះ​ការ​ជំរុញ​ឲ្យ​នោម​ញឹកញាប់ បើ​ទោះ​បី​ជា​យើង​នោម​មិន​ច្រើន​ក៏​ដោយ​។​ ដូច្នេះ​ហើយ​ យើង​គប្បី​គ្រប់គ្រង​ការ​នោម​ញឹកញាប់​ ដែល​​បង្ក​ឡើង​ដោយ​ជាតិ​កាហ្វេអ៊ីន​ និង​ញ៉ាំ​​ភេសជ្ជៈ​ដែល​​គ្មាន​ជាតិ​កាហ្វេអ៊ីន​ជំនួស​វិញ​។ លើស​ពី​នេះ​ ចូរ​ជៀសវាង​ការ​ញ៉ាំ​សូកូឡា​ ប្រសិនបើ​សារធាតុ​កាហ្វេអ៊ីន​រំខាន​ដល់​ប្លោក​នោម​របស់​យើង​។ ស្ករ​សិប្បនិម្មិត​ ​​​​​​​​​​​​​​​ស្ករ​សិប្បនិម្មិត​​មាន​នៅ​ក្នុង​​ភេសជ្ជៈ​ដែល​មាន​ជាតិ​កាហ្វេអ៊ីន​ អាច​ជា​ភ្នាក់ងារ​បង្ក​ឲ្យ​មាន​ការ​បញ្ហា​នោម​ញឹកញាប់។​ សមាគមការរលាកប្លោកនោមបាន​ពន្យល់​ថា​ មនុស្ស​មួយ​ចំនួន​មាន​អារម្មណ៍​ឈឺ​ចាប់​ និង​នោម​ញឹកញាប់​ […]

បញ្ហាប្លោកនោម

តិចនិក៥យ៉ាង ជួយប្លោកនោមមានសុខភាពល្អ

ពេល​វ័យ​យើង​កាន់​តែ​ច្រើន​​ប្លោក​នោម​របស់​យើង​ក៏​ប្រែ​ប្រួល​ដែរ ដោយ​អាច​ងាយ​ឆ្លង​រោគ​នៅ​ប្លោក​នោម លេច​នោម​ដោយ​មិន​ដឹង​ខ្លួន និង​ឆ្លង​រោគ​នៅ​បង្ហួរ​នោម​។ ថ្វី​បើ​យើង​មិន​អាច​គ្រប់​គ្រង​បញ្ហា​​ឆ្លងរោគ​មួយ​ចំនួន​បាន ប៉ុន្តែ​យើង​អាច​មាន​វិធី​មួយ​ចំនួន​ជួយ​ផ្លោក​នោម​មាន​សុខ​ភាព​ល្អ​បាន​។ ១. ផឹកទឹក​គ្រប់​គ្រាន់​ ​ទឹក​មាន​សារ​សំខាន់​ណាស់​សម្រាប់​សុខ​ភាព​រាង​កាយ​របស់​​យើង​ ហើយក៏​សំខាន់​ចំពោះ​ប្លោក​នោម​ដែរ​។ គ្នា​យើង​មាន​សុខ​ភាព​ល្អ​ធម្មតា​គួរ​ញ៉ាំ​ទឹក​ឲ្យ​បាន​ពី​៦​ទៅ​៨​កែវ​ក្នុង​មួយ​ថ្ងៃ ដើម្បី​ជួយ​ដល់​សុខ​ភាព​ទូទៅ​ផង និង​សុខភាព​ប្លោក​នោម​ផង​។ សម្រាប់​អ្នក​មាន​បញ្ហា​សុខភាព​មួយ​ចំនួន​ដូច​ជា​ខ្សោយ​តម្រង​នោម ឬ​ជំងឺ​បេះ​ដូង អាច​ថា​ត្រូវ​ញ៉ាំទឹក​តិច​ជា​ងការ​ណែ​នាំ​ខាង​លើ ដូច​នេះ​ គួរ​ពិភាក្សា​ជាមួយ​គ្រូពេទ្យ​ដើម្បី​ដឹង​ថា​បរិមាណ​ទឹក​ប៉ុន​ណា​ល្អ​សម្រាប់​សុខ​ភាព​។ ២. កម្រិត​ការ​ផឹក​គ្រឿង​ស្រវឹង និង​ជាតិ​កា​ហ្វេអ៊ីន​ ការ​កាត់​បន្ថយ​ការ​ផឹក​គ្រឿង​ស្រវឹង​មាន​ប្រយោជន៍​ដល់​សុខភាព​ប្លោក​នោម។ គ្រឿងស្រវឹង​អាច​បង្កើន​ការ​ផលិត​ទឹក​នោម និង​ធ្វើ​ឲ្យ​យើង​ចង់​ទៅ​បន្ទប់​ទឹក​ញឹក​ញាប់។​ មួយ​វិញ​ទៀត គ្រឿង​ស្រវឹង ក៏​បាន​បង្ក​ការ​រំខាន​ដល់​ប្លោក​នោម ដែល​អាច​ធ្វើ​ឲ្យ​រោគ​សញ្ញា​​ប្លោក​នោម​ធ្វើ​ការ​លើស​កម្រិត​កាន់​តែ​មាន​សភាព​អាក្រក់​។ ដូច​គ្នា​ដែរ ជាតិ​កាហ្វេ​អ៊ីន​ក៏​អាច​រំខាន​ដល់​ប្លោក​នោម​ដែរ ដែល​នេះ​គ្នា​យើង​គួរ​កម្រិត​ការ​ផឹក​កាហ្វេ តែ កម្រិត​ការ​ញ៉ាំ​សូកូឡា និង​កាត់​បន្ថយ​ការ​ផឹក​ភេសជ្ជៈ​កំប៉ុង​ជាដើម​។​​​ ៣. កុំ​ទប់​នោម​ គ្នា​យើង​គួរ​ទៅ​បន្ទប់​ទឹក​ពេល​មាន​អារម្មណ៍​ថា​ចង់​បត់​ជើង​តូច។ ​គ្នា​យើង​ខ្លះ​មិន​សូវ​នោម​ទេ តែ​យ៉ាង​ហោច​ណាស់​យើង​គួរ​ទៅ​នោម​ម្ដង​ក្នុង​រវាង​៣​ទៅ​៤​ម៉ោង​។ ការ​ទប់​នោម​យូរ អាច​ធ្វើ​ឲ្យ​សាច់​ដុំ​ប្លោក​នោម​ចុះ​ខ្សោយ​និង​អាច​ធ្វើ​ឲ្យ​ប្លោក​នោម​ឆ្លង​រោគ​ផង​ដែរ​។ ៤. កុំ​នោម​ដោយ​ប្រញាប់ ការ​នោម​ប្រញាប់​ប្រញាល់​ពេក​ អាច​ធ្វើ​ឲ្យ​យើង​បញ្ចេញ​ទឹក​នោម​មិន​អស់​ពី​ប្លោក​នោម​។ បើ​សិន​ជា​ទឹក​នោម​បន្ត​នៅ​ក្នុង​ប្លោក​នោម​យូរ អាច​បង្ក​ឲ្យ​ប្លោក​នោម​ឆ្លង​រោគ ដូច​យើង​ទប់​នោម​យូរ​ម៉ោង​ដែរ​។​ ៥. បត់​ជើង​តូច​បន្ទាប់ពី​រួម​ភេទ​រួច​ គ្នា​យើង​មិនថា​​​​ស្រី​ ឬ​​ប្រុស ក្រោយ​រួម​ភេទ​ហើយ​គួរ​ប្រញាប់​នៅ​នោម​ចេញ​ផង​ដែរ​។ ការ​​ទៅ​នោម​ក្រោយ​រួម​ភាព​រួច​ភ្លាម​ៗ ជួយ​កម្ចាត់​បាក់តេរី ដែល​អាច​ចូល​ទៅ​ក្នុង​ផ្លូវ​ទឹក​នោម​ពេល​យើង​កំពុង​រួមភេទ ចេញ​មក​ក្រៅ​វិញ​បាន​។ ការ​ធ្វើ​បែប​នេះ នឹង​ជួយ​យើង​កាត់​បន្ថយ​ហានិភ័យ​ឆ្លង​មេរោគ​ក្នុង​ផ្លូវ​បង្ហួរ​នោម​។

បញ្ហាប្លោកនោម

Bladder Cancer (ជំងឺមហារីកប្លោកនោម)

និយមន័យ១- អ្វីជាការជំងឺមហារីកប្លោកនោម? ជំងឺមហារីក​ប្លោក​នោម​គឺ​ជា​ប្រភេទ​ជំងឺ​មហារីក​ដែល​កើត​លើ​សរីរាង្គ​រាង​ពង​ក្រពើ​សំរាប់​ផ្ទុក​ទឹក​នោម​ដែល​ស្ថិត​នៅ​ក្នុង​អាង​ត្រគាក។ មហារីក​ប្លោក​នោម​ចាប់​ផ្តើម​កើត​នៅ​ក្នុង​កោសិកា​ខាង​ក្នុង​​ប្លោក​នោម ភាគ​ច្រើនបើ​​ធ្វើ​រោគ​វិនិច្ឆ័យ​ឃើញ​នៅ​ដំណាក់​កាល​ដំបូង​ៗ​គឺ​អាច​ព្យា​បាល​ជា​ក្នុង​​អត្រា​​ខ្ពស់ តែ​ក៏​អាច​កើត​ឡើង​វិញ​ដែរ​។ ដូច​នេះ​ហើយ ជំងឺ​មហារីក​ប្លោក​នោម​ត្រូវ​ធ្វើ​ការ​តាម​ដាន​ច្រើន​ឆ្នាំ​បន្ទាប់​ពី​ព្យា​បាល ​ដើម្បី​រក​មើល​​ការ​​កើត​ឡើង​វិញ​នៃ​ជំងឺនេះ​។ ២- តើជំងឺមហារីក​ប្លោកនោមកើតច្រើនដែរឬទេ? ជំងឺ​មហារីក​ប្លោក​នោម​ធម្មតា​ប៉ះ​ពាល់​ដល់​មនុស្ស​​វ័យ​ចំណាស់​ ទោះ​ជា​ជំងឺនេះ​អាច​កើត​លើ​មនុស្ស​គ្រប់​វ័យ​ក៏​ដោយ។ យោង​តាម​វិទ្យាស្ថាន​សុខា​ភិបាល​ជាតិ (National Institutes of Health) របស់អាមេរិក​ បាន​ឱ្យ​ដឹង​ថា​ក្នុង​មួយ​ឆ្នាំ​គេ​ធ្វើ​រោគ​វិនិច្ឆ័យ​ឃើញ​មាន​ជំងឺ​នេះ​លើ​បុរស​ប្រមាណ ៤៥ ០០០ នាក់​និង​ស្ត្រី ១៧ ០០០ នាក់​នៅ​ប្រទេស​នេះ​។ ទោះ​ជា​យ៉ាង​ណា​ជំងឺនេះ​យើង​​អាច​​គ្រប់​គ្រង​ និង​កាត់​បន្ថយ​កត្តា​ហានិភ័យ​បាន។ សូម​ធ្វើ​ការ​ពិភាក្សា​ជា​មួយ​វេជ្ជបណ្ឌិត​សម្រាប់​ព័ត៌មាន​បន្ថែម។ រោគ​សញ្ញា​១- រោគសញ្ញាជំងឺមហារីកប្លោកនោម មនុស្ស​ភាគ​ច្រើន​ដែល​មាន​ជំងឺ​មហារីក​ប្លោក​នោម​អាច​មាន​ឈាម​នៅ​ក្នុង​ទឹក​នោម ប៉ុន្តែ​មិន​មាន​ការ​ឈឺ​ចាប់​ពេល​កំពុង​បត់​ជើង​នោះ​ទេ។ រោគសញ្ញា​មួយ​ចំនួន​ដែល​អាច​បង្ហាញ​ថា​មាន​ជំងឺ​មហារីក​ប្លោក​នោម​មាន​ដូច​ជា ការ​អស់​កម្លាំង ការ​ស្រកទម្ងន់ និង​ឈឺ​ឆ្អឹង ជាដើម។ យើង​​គួរ​តែ​យក​ចិត្ត​ទុក​ដាក់​លើ​រោគសញ្ញា​ដូច​ខាង​ក្រោម៖ – មាន​ឈាម​នៅ​ក្នុង​ទឹក​នោម – នោម​ឈឺ – នោម​ញឹក – នោម​បន្ទាន់ – នោម​ទាស់ – ឈឺ​នៅ​តំបន់​ពោះ – ឈឺ​នៅ​ខាង​ក្រោយ​ខ្នង ២- ពេលណាដែលយើង​ត្រូវទៅជួបគ្រូពេទ្យ? ការ​ធ្វើ​រោគវិនិច្ឆ័យ ​និង​ព្យាបាល​នៅ​ដំណាក់​កាល​ដំបូងៗ​​បាន​ទាន់​ពេល​អាច​បញ្ឈប់ និង​បង្ការ​ស្ថាន​ភាព​ជំងឺ​ឲ្យ​កាន់​តែ​អាក្រក់​បាន ដូច្នេះ​សូម​ពិគ្រោះ​ជា​មួយ​វេជ្ជបណ្ឌិត​​ឱ្យ​បាន​ឆាប់​ដើម្បី​ការពារ​ស្ថាន​ភាព​ធ្ងន់​ធ្ងរ។ ប្រសិន​បើ​យើង​មាន​រោគ​សញ្ញា​ដែល​បាន​រៀប​រាប់​ខាង​លើ សូម​រ​ពិគ្រោះ​ជាមួយ​វេជ្ជបណ្ឌិត។ ដោយ​សារ​តែ​រាង​កាយ​របស់​មនុស្ស​យើង​គ្រប់​រូប​ធ្វើ​ការ​ខុស​ៗ​គ្នា វា​ល្អ​បំផុត​ក្នុង​ការ​ពិភាក្សា​ជា​មួយ​វេជ្ជបណ្ឌិត​ពី​ស្ថាន​ភាពរបស់​យើង​។ មូល​ហេតុ១- មូលហេតុជំងឺមហារីកប្លោកនោម រហូត​មក​ដល់​ពេល​នេះ​មូល​ហេតុ​ពិត​ប្រាកដ​នៃ​ជំងឺ​មហារីក​ផ្លោក​នោម​នៅ​មិន​ទាន់​ដឹង​ច្បាស់​នៅ​ឡើយ​ទេ។ ជំងឺ​នេះ​​កើត​ឡើង​នៅ​ពេល​ដែល​កោសិកា​មិន​ធម្មតា​បាន​រីក​ធំ​ធាត់ ហើយ​កើន​ឡើង​ឆាប់​រហ័ស​មិន​អាច​គ្រប់​គ្រង​បាន និង​អាច​រាល​ដាល​ទៅ​ជាលិកា​ដទៃ​ទៀត។ គេ​ចែក​ជំងឺ​មហារីក​ប្លោក​នោម​ជា ៣ ប្រភេទ​មាន៖ – កោសិកា​មហារីក Transitional cell […]

បញ្ហាប្លោកនោម

ផឹកទឹកច្រើន នោមញឹកមានបញ្ហាដល់សុខភាពអត់?

នៅ​ពេល​យើង​ចាប់ផ្ដើម​ផឹក​ទឹក​បន្ថែម យើង​ត្រូវ​ទៅ​បន្ទប់​ទឹក​ញឹកញាប់​ហើយ​នេះ​អាច​បង្ក​ជា​ការ​រំខាន​ដល់​យើង​បាន ប៉ុន្តែ​នេះ​ជា​រឿង​ធម្មតា​មិន​បង្ក​ជា​បញ្ហា​ទេ។ រាងកាយ​របស់​យើង​ផលិត​ទឹក​នោម​ដើម្បី​កម្ចាត់​កាកសំណល់ និង​ទឹក​ដែល​រាងកាយ​មិន​ត្រូវការ។ សរីរាង្គ​ដែល​ផលិត​ទឹកនោម​គឺ​តម្រង​នោម ប្លោកនោម និង​រន្ធ​បង្ហួរនោម។ តម្រងនោម​មាន​តួនាទី​ច្រោះ​កាកសំណល់​ពី​ក្នុង​ឈាម​ដែល​កាកសំណល់​បាន​មក​​ពី​ការ​រំលាយអាហារ​។ តម្រង​នោម​ក៏​ទាញ​ជាតិ​ទឹក​ដែល​លើស​ចេញ​ពី​ក្នុង​ឈាម​ដែរ​ដើម្បី​រក្សា​តុល្យភាព​អេឡិចត្រូលីត។ បរិមាណ​​ទឹក​​ដែល​យើង​ផឹក​គឺ​សមាមាត្រ​នឹង​​បរិមាណ​ទឹក​នោម​ដែល​រាងកាយ​យើង​ផលិត។ ហេតុ​នេះ​ហើយ​ការ​ផឹក​ទឹក​ច្រើន ហើយ​​ចូល​បន្ទប់​ទឹក​ច្រើន​​ដងគឺ​ជា​រឿង​ធម្មតា។ មនុស្ស​ពេញ​វ័យ​ហើយ​មាន​សុខភាព​ល្អ​អាច​នឹង​ផលិត​ទឹកនោម​បាន​ចន្លោះ ៨០០-២០០០​មិល្លីលីត្រ​ ប្រសិនជា​ផឹក​ទឹក​២​លីត្រ​ក្នុង​មួយ​ថ្ងៃ។ គ្នាយើង​មួយ​ចំនួន​អាច​នឹង​មាន​ចម្ងល់​ថា​តើ​បត់ជើងតូច​ប៉ុន្មាន​ដង​ទើប​ចាត់​ទុក​ថា​ញឹកញាប់។ យោង​តាម​សមាគម​ផ្នែក​ប្លោក​នោម និង​ពោះវៀន​របស់​ប្រទេស​អង់គ្លេស​ គឺ​មិន​មាន​ចម្លើយ​ច្បាស់​លាស់​ទៅ​លើ​សំណួរ​នេះ​ទេ។ មនុស្ស​ភាគច្រើន​អាច​នោម​ ៦-៧​ដង​ក្នុង​មួយ​ថ្ងៃ ឬ​ពេល​ខ្លះ​អាច​ស្ថិត​នៅ​ចន្លោះ ៤-១០​ដង​ដែល​នេះ​ក៏​ចាត់​ទុក​ថា​ជា​រឿង​ធម្មតា​ដែរ។​ ដោយឡែក​បើ​យើង​ត្រូវ​ទៅ​បន្ទប់​ទឹក​រហូត​ដោយ​មិន​អាច​សម្គាល់​ដឹង​ពី​មូលហេតុ យើង​គួរ​ទៅ​ពិគ្រោះ​ជាមួយ​គ្រូពេទ្យ។ អាការៈ​ធ្ងន់ធ្ងរ​មួយ​ចំនួន​ដែល​ធ្វើ​ឲ្យ​បត់​ជើង​តូច​ច្រើន​មាន​ដូចជា៖ ជំងឺ​ទឹកនោមផ្អែម ជំងឺ​រលាក​ប្លោកនោម បញ្ហា​ក្រពេញ​ប្រូស្តាត ជំងឺ​បេះដូង ឈឺ​ក្នុង​ប្លោក​នោម បណ្ដាល​មក​ពីមុខ​ងារ​របស់​អាង​ត្រគៀក​ធ្វើ​ការ​មិន​ល្អ (Interstitial cystitis) ក្រួស​ក្នុង​ប្លោកនោម (Bladder stones) អាការៈ​ថប់​បារម្ភ។ ការ​បត់ជើងតូច​ញឹក​ក៏​អាច​ជា​សញ្ញា​នៃ​បញ្ហា​ប្លោកនោម​សកម្ម​ខ្លាំង។ ក្នុង​​ករណី​នេះ​​យើង​​អាច​​នឹង​​មាន​អារម្មណ៍​​ថា​ចង់​បត់ជើង​តូច​​គ្រប់​​ពេល​ទោះ​យើង​មិន​បាន​ផឹក​ទឹក​ច្រើន​ក៏​ដោយ។ ម៉្យាងទៀត យើង​ពិបាក​ក្នុង​ការ​ទប់​ និង​ពេល​ខ្លះ​លេច​នោម​តែម្ដង​ប្រសិន​ជា​យើង​​មិន​ទៅ​បន្ទប់ទឹកទាន់​ពេល​។ មួយ​វិញ​ទៀត ប្រសិន​ជា​យើង​ផឹក​ទឹក​ច្រើន​ ប៉ុន្តែ​មិន​ទៅ​បន្ទប់​ទឹក​នេះ​ក៏​អាច​ជា​បញ្ហា​គួរ​ឲ្យ​បារម្ភ​ដែរ។ ​បញ្ហា​នេះ​អាច​បង្ក​ដោយ​កត្តា​ផ្សេងៗ​ដូចជា៖ ទល់នោម ការ​រីក​នៃ​ក្រពេញ​ប្រូស្តាត បាត់បង់​ឈាម ជំងឺ​តម្រងនោម ឬ​ខ្សោយ​តម្រងនោម។ សម្រាប់គ្នាយើង​ដែល​ផឹកទឹកច្រើន ហើយ​នោម​តិច ឬ​នោមញឹកតែ​មិន​បាន​ផឹក​ច្រើន យកល្អ​គួរ​ទៅ​ពិគ្រោះ​ជាមួយ​គ្រូពេទ្យ។

បញ្ហាប្លោកនោម

Urethral Stricture (ត្បៀតបំពង់បង្ហូរទឹកនោម)

និយមន័យ១- អ្វីជាការ​ត្បៀតបំពង់បង្ហូរទឹកនោម? បំពង់​បង្ហូរ​ទឹកនោម ​គឺ​ជា​បំពង់​​នាំ​ទឹក​នោម​ចេញ​ពី​ប្លោក​នោម​ទៅ​ក្រៅ​រាង​កាយ។ ធម្មតា​បំពង់​បង្ហូរ​ទឹក​នោម​ មាន​ទំហំ​ល្មម​គ្រប់​គ្រាន់​សម្រាប់​ឲ្យ​ទឹក​នោម​ហូរ​ដោយ​សេរី។ នៅ​ពេល​​បំពង់​រួម​តូច​ នឹង​ត្បៀត​ដល់​លំហូរ​​ទឹក​នោម ហើយ​​ត្រូវ​គេ​ស្គាល់​ថា​ជាបញ្ហា​ត្បៀត​បំពង់​បង្ហូរ​ទឹក​នោម ​ដែល​ភាសា​បច្ចេក​ទេស​ហៅ​ថា Urethral Stricture។ ២- ត្បៀត​បំពង់​បង្ហូរ​ទឹកនោម​កើត​ឡើង​ញឹក​ញាប់​ដែរ​ទេ? ត្បៀត​បំពង់​បង្ហូរ​ទឹក​នោម  ឬ Urethral Stricture ​ជា​ស្ថាន​ភាព​ជំងឺ​​ច្រើន​កើត​លើ​ប្រុសៗ ហើយ​ការ​ត្បៀត​ អាច​កើត​មាន​កម្រ​ពី​កំណើត (Congenital) និង​លើ​ស្រីៗ។ បើ​មាន​សំ​ណួរ​ពាក់​ព័ន្ធ​បញ្ហា​នេះ ​គួរពិភាក្សា​ជា​មួយ​គ្រូ​ពេទ្យ​ជំ​នាញ។ រោគ​សញ្ញា​៣- រោគសញ្ញាត្បៀត​បំពង់​បង្ហូរ​ទឹក​នោម រោគ​សញ្ញា​ជា​ទូ​ទៅ​ពាក់​ព័ន្ធ​បញ្ហា​ត្បៀត​បំពង់​បង្ហូរ​ទឹក​នោម មាន​ដូច​ជា៖ – មាន​ឈាម​នៅ​ក្នុង​ទឹក​កាម – មាន​ទឹក​ហូរ​ចេញ​ពី​បំពង់​បង្ហួរ​ទឹក​នោម – ទឹក​នោម​មាន​ឈាម ឬ​ពណ៌​ខ្មៅ – រាន់​នោម​ខ្លាំង និង​ឈឺ​នោម​ញឹក​ញាប់ – មិន​អាច​នោម​ឲ្យ​អស់​បាន (ស្ទះ​ទឹក​នោម) – នោម​ឈឺ ឬ​ពិបាក​នោម – បាត់​បង់​ការ​គ្រប់​គ្រង​ប្លោក​នោម – នោម​កាន់​តែ​ញឹក​ញាប់ ឬ​បន្ទាន់​ខ្លាំង – ឈឺ​នៅ​ផ្នែក​ខាង​ក្រោម​ពោះ និង​នៅ​តំបន់​អាង​ត្រគាក – ទឹក​នោម​ចេញ​យឺត​ៗ (អាច​កើត​ឡើង​ភ្លាម​ៗ ឬ​បន្តិច​ម្តង​ៗ) ឬ​ការ​បាញ់​នៃ​ទឹក​នោម – ហើម​លិង្គ។ នៅ​មាន​រោគ​សញ្ញា​ផ្សេង​ៗ​ទៀត​មិន​បាន​រៀប​រាប់​ខាង​លើ។ បើ​មាន​សំ​ណួរ​រ​ទាក់​ទង​នឹង​រោគ​សញ្ញា​ខាង​លើ ​សូម​ពិគ្រោះ​ជា​មួយ​គ្រូ​ពេទ្យ​ជំ​នាញ។ មូល​ហេតុបង្ក៤- មូលហេតុបង្ក​ត្បៀត​បំពង់​បង្ហូរ​ទឹក​នោម​មាន​អ្វី​ខ្លះ? ត្បៀត​បំពង់​បង្ហូរ​ទឹក​នោម ​ជា​ការស្ទះ​នៃ​បំពង់​បង្ហូរ​ទឹក​នោម ធម្មតា​កើត​ដោយ​សារ​ការ​រលាក​ ឬ​មាន​ស្នាម​សន្លាក់​នៃ​ជាលិកា បង្ក​ដោយ​​កត្តា​ជា​ច្រើន។ ក្មេង​ប្រុស​ធ្លាប់​​​វះ​កាត់កែ​សម្រួល​បំពង់​បង្ហូរ​ទឹក​នោម​ដែល​លូត​លាស់​មិន​​ល្អ ( Hypospadias) និងប្រុសៗ​ធ្លាប់​ទទួល​ការ​ផ្សាំ​លិង្គ​ […]

បញ្ហាប្លោកនោម

Urinary Retention (ទល់នោម)

និយមន័យ១- អ្វីជាជំងឺទល់នោម? ការ​ទល់​នោម​ ជា​ជំងឺ​ម្យ៉ាង​កើត​ដោយ​សារ​អសមត្ថភាព​បញ្ចេញ​ទឹក​នោមឲ្យអស់​ពី​ប្លោក​នោម ដោយ​ជំងឺ​នេះ​បែង​ចែក​ជា​ ២​ប្រភេទ​ គឺ​ស្រួច​ស្រាវ​ និង​រ៉ាំរ៉ៃ។ ២- កើតឡើងញឺកញាប់ដែរទេ? ការ​សិក្សា​បាន​បញ្ជាក់​ថា ប្រុសៗ​គឺ​មាន​អត្រា​ប្រឈម​ករណី​ទល់​នោម​ច្រើន​ជាង​ស្រីៗ ពិសេស​ពេល​អាយុ​កាន់​តែ​ចាស់​តែ​ម្ដង​ ចន្លោះ​វ័យ ៤០-៨០ ​ឆ្នាំ។ រោគសញ្ញា៣- រោគ​សញ្ញា​មាន​អ្វី​ខ្លះ? ទល់នោម​ស្រួច​ស្រាវ​ អាច​ប៉ះពាល់​ដល់​អាយុ​ជីវិត ​បើ​មិន​ស្វែងរក​ការ​ព្យាបាល​ឲ្យ​ទាន់​ពេលវេលា​ទេ​នោះ។ យើង​អាច​មាន​អារម្មណ៍​ថា​រាន់​នោម​ខ្លាំង ​ប៉ុន្តែ​មិន​អាច​នោម​ចេញ​សូម្បី​តែ​មួយ​តំណក់។ ករណី​ទល់​នោម​រ៉ាំរ៉ៃ​ អាច​បង្ក​ផល​វិបាក​ជា​ច្រើន​ដោយសារ​តែ​ប្រុសៗ​មាន​ជំងឺ​ភាគ​ច្រើន មិន​ដឹង​ថា​ខ្លួន​ឯង​កំពុង​ជួប​វិបត្តិ​នេះ​ឡើយ ព្រោះ​ទល់​នោម​រ៉ាំរ៉ៃ​នៅ​តែ​អាច​នោម​បាន​ធម្មតា គ្រាន់​តែ​បញ្ចេញ​បរិមាណ​ទឹក​នោម​មិន​អស់​ពី​ក្នុង​ប្លោក​នោម​ប៉ុណ្ណោះ។ រោគ​សញ្ញា និង​អាការៈ​គួរ​តែ​ប្រញាប់​ទៅ​ជួយគ្រូ​​ពេទ្យ ដូចជា៖ – នោម​ញឹក​លើស​ពី ៨ ដង​ក្នុង​មួយ​ថ្ងៃ – ពិបាក​នោម​ – នោម​បាញ់​មិន​បាន​ឆ្ងាយ ​អាក់​ៗ​ – នៅ​តែ​រាន់​នោម​ ទោះ​ទើប​តែ​នោម​ហើយ​ក៏​ដោយ – នោម​យប់​ញឹក​ញាប់ – លេច​នោម​ភ្លាមៗទាំងមិនដឹងខ្លួន – អសមត្ថភាព​ក្នុង​ការ​ទប់​នោម​ – មិន​អាច​កំណត់​បាន​ថា​ពេល​ណា​ឈឺ​នោម – ឈឺ​ចាប់​ពិបាក​ទ្រាំ​នៅ​ម្ដុំ​ពោះ​ និង​លើ​ថ្ងាស ៤- ពេលណាគួរទៅជួបពេទ្យ? បើសិនយើងប្រទះឃើញរោគសញ្ញាដូចខាងលើ ឬរោគសញ្ញាណាមួយគួរឲ្យសង្ស័យ ត្រូវពិភាក្សាជាមួយគ្រូពេទ្យជំនាញ ព្រោះរាងកាយមនុស្សម្នាក់ៗមានភាពខុសគ្នា រោគសញ្ញាក៏ខុសគ្នាដែរ។     មូលហេតុបង្ក៥- មូលហេតុបង្កមានអ្វីខ្លះ? ចលនា​បន្ទោបង់ ប្រព្រឹត្ត​ទៅ​បានអាស្រ័យ​លើ​ការ​បញ្ជា​នៃ​ខួរក្បាល​មក​លើ​សាច់​ដុំ​ខ្ជឹប​របស់​ប្លោក​នោម ​ឲ្យ​រលា​ដើម្បី​អាច​បញ្ចេញ​ទឹកនោម​ចេញ​មក​ក្រៅ​តាម​រន្ធ​បង្ហួរ​នោម។​ ​បាតុភូត​នេះ​ ​បើ​មាន​ការ​រំខាន​ក្នុង​ដំណាក់​កាល​ណាមួយ​ ​ទឹក​នោម​នឹង​មិន​អាច​បញ្ចេញ​មក​ខាង​ក្រៅ​បាន​ឡើយ។ ​ មូលហេតុ​​មិន​មែន​មាន​តែ​មួយ​មុខ​ទេ​ ថ្នាំ​មួយ​ចំនួន​អាច​ធ្វើ​ឲ្យ​មាន​ការ​ប៉ះពាល់​លើ​ដំណើរ​ការ​សាច់​ដុំ​ប្លោក​នោម ​ដូចជា​ ថ្នាំ​អាលែកហ្ស៊ី  ថ្នាំ​រលា​សាច់ដុំ​ និង​ថ្នាំ​បាក់​ទឹកចិត្ត​ប្រភេទ​ […]