បញ្ហាប្លោកនោម

ផឹកទឹកច្រើន នោមញឹកមានបញ្ហាដល់សុខភាពអត់?

នៅពេលយើងចាប់ផ្ដើមផឹកទឹកបន្ថែម យើងត្រូវទៅបន្ទប់ទឹកញឹកញាប់ហើយនេះអាចបង្កជាការរំខានដល់យើងបាន ប៉ុន្តែនេះជារឿងធម្មតាមិនបង្កជាបញ្ហាទេ។ រាងកាយរបស់យើងផលិតទឹកនោមដើម្បីកម្ចាត់កាកសំណល់ និងទឹកដែលរាងកាយមិនត្រូវការ។ សរីរាង្គដែលផលិតទឹកនោមគឺតម្រងនោម ប្លោកនោម និងរន្ធបង្ហួរនោម។ តម្រងនោមមានតួនាទីច្រោះកាកសំណល់ពីក្នុងឈាមដែលកាកសំណល់បានមកពីការរំលាយអាហារ។ តម្រងនោមក៏ទាញជាតិទឹកដែលលើសចេញពីក្នុងឈាមដែរដើម្បីរក្សាតុល្យភាពអេឡិចត្រូលីត។ បរិមាណទឹកដែលយើងផឹកគឺសមាមាត្រនឹងបរិមាណទឹកនោមដែលរាងកាយយើងផលិត។ ហេតុនេះហើយការផឹកទឹកច្រើន ហើយចូលបន្ទប់ទឹកច្រើនដងគឺជារឿងធម្មតា។ មនុស្សពេញវ័យហើយមានសុខភាពល្អអាចនឹងផលិតទឹកនោមបានចន្លោះ ៨០០-២០០០មិល្លីលីត្រ ប្រសិនជាផឹកទឹក២លីត្រក្នុងមួយថ្ងៃ។ គ្នាយើងមួយចំនួនអាចនឹងមានចម្ងល់ថាតើបត់ជើងតូចប៉ុន្មានដងទើបចាត់ទុកថាញឹកញាប់។ យោងតាមសមាគមផ្នែកប្លោកនោម និងពោះវៀនរបស់ប្រទេសអង់គ្លេស គឺមិនមានចម្លើយច្បាស់លាស់ទៅលើសំណួរនេះទេ។ មនុស្សភាគច្រើនអាចនោម ៦-៧ដងក្នុងមួយថ្ងៃ ឬពេលខ្លះអាចស្ថិតនៅចន្លោះ ៤-១០ដងដែលនេះក៏ចាត់ទុកថាជារឿងធម្មតាដែរ។ ដោយឡែកបើយើងត្រូវទៅបន្ទប់ទឹករហូតដោយមិនអាចសម្គាល់ដឹងពីមូលហេតុ យើងគួរទៅពិគ្រោះជាមួយគ្រូពេទ្យ។ អាការៈធ្ងន់ធ្ងរមួយចំនួនដែលធ្វើឲ្យបត់ជើងតូចច្រើនមានដូចជា៖ ជំងឺទឹកនោមផ្អែម ជំងឺរលាកប្លោកនោម បញ្ហាក្រពេញប្រូស្តាត ជំងឺបេះដូង ឈឺក្នុងប្លោកនោម បណ្ដាលមកពីមុខងាររបស់អាងត្រគៀកធ្វើការមិនល្អ (Interstitial cystitis) ក្រួសក្នុងប្លោកនោម (Bladder stones) អាការៈថប់បារម្ភ។ ការបត់ជើងតូចញឹកក៏អាចជាសញ្ញានៃបញ្ហាប្លោកនោមសកម្មខ្លាំង។ ក្នុងករណីនេះយើងអាចនឹងមានអារម្មណ៍ថាចង់បត់ជើងតូចគ្រប់ពេលទោះយើងមិនបានផឹកទឹកច្រើនក៏ដោយ។ ម៉្យាងទៀត យើងពិបាកក្នុងការទប់ និងពេលខ្លះលេចនោមតែម្ដងប្រសិនជាយើងមិនទៅបន្ទប់ទឹកទាន់ពេល។ មួយវិញទៀត ប្រសិនជាយើងផឹកទឹកច្រើន ប៉ុន្តែមិនទៅបន្ទប់ទឹកនេះក៏អាចជាបញ្ហាគួរឲ្យបារម្ភដែរ។ បញ្ហានេះអាចបង្កដោយកត្តាផ្សេងៗដូចជា៖ ទល់នោម ការរីកនៃក្រពេញប្រូស្តាត បាត់បង់ឈាម ជំងឺតម្រងនោម ឬខ្សោយតម្រងនោម។ សម្រាប់គ្នាយើងដែលផឹកទឹកច្រើន ហើយនោមតិច ឬនោមញឹកតែមិនបានផឹកច្រើន យកល្អគួរទៅពិគ្រោះជាមួយគ្រូពេទ្យ។

សូមស្វាគមន៍ !

មានអ្វីថ្មី?

មាតិកា

ហានិភ័យសុខភាព

លំហាត់ប្រាណ

ការពពោះ & ការចិញ្ចឹមកូន

ចំណេះដឹងទូទៅ

ក្រួសប្លោកនោមកើតឡើងដោយសារអ្វី? មានរោគសញ្ញាអ្វីខ្លះ?

មូលហេតុទូទៅទាំងនេះ អាចនាំឲ្យស្រីៗមានបញ្ហាប្លោកនោម

តិចនិកទាំង៥ ជួយថែទាំប្លោកនោមឲ្យមានសុខភាពល្អ

ទប់នោម មានគ្រោះថ្នាក់ដល់សុខភាពម៉េចខ្លះ?

នោមញឹកញាប់ អាចបណ្ដាលមកពីផឹកភេសជ្ជៈមានធាតុទាំងនេះ

តិចនិក៥យ៉ាង ជួយប្លោកនោមមានសុខភាពល្អ

Bladder Cancer (ជំងឺមហារីកប្លោកនោម)

ផឹកទឹកច្រើន នោមញឹកមានបញ្ហាដល់សុខភាពអត់?

Urethral Stricture (ត្បៀតបំពង់បង្ហូរទឹកនោម)

Vaginal Prolapse (ស្រុតស្បូន)

Urinary Retention (ទល់នោម)

គ្រូពេទ្យឯកទេសផ្នែក បញ្ហាប្លោកនោម របស់យើង

មើលបន្ថែមពីគ្រូពេទ្យឯកទេស

វេជ្ជបណ្ឌិត ចាន់ ស៊ីណេត

វេជ្ជ. ចាន់ ស៊ីណេត

ចង់ចាកចេញពី Hellokrupet?