ក្រួស​ប្លោក​នោម​កើត​ឡើង​ដោយ​សារ​អ្វី​? មាន​រោគ​សញ្ញា​អ្វី​ខ្លះ​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រួស​ប្លោក​នោម​ ជា​គ្រីស្តាល់​តូច​ៗ​ដែល​​កកើត​ឡើង​នៅ​ក្នុង​ទឹក​នោម​ ហើយ​វា​មាន​សភាព​រឹង និង​ជាប់​នៅ​ក្នុង​ប្លោក​នោម​។ ជា​ទូ​ទៅ ក្រួស​ប្លោក​នោម​មាន​​ទម្រង់​ និង​ទំហំ​ផ្សេង​ៗ​ និង​ច្រើន​តែ​កើត​ឡើង​លើ​បុរស​។

រោគសញ្ញា​នៃ​ក្រួស​ប្លោក​នោម​

• ឈឺ​ពោះ ឬ​តឹងពោះ​
• ទឹក​នោម​ល្អក់ ឬ​មាន​ពណ៌​ស្រអាប់
• នោម​ឈាម​
• នោម​ញឹកញាប់​ ឬ​នោម​ឈឺ
• ពិបាក​នោម​ ហៀរ​ទឹក​នោម​
• ឈឺ​ប្រដាប់​ភេទ​
• សញ្ញា​នៃ​ការ​​បង្ក​រោគ​លើ​ផ្លូវ​ទឹក​នោម​ ដែល​រួម​មាន​គ្រុន​ក្ដៅ នោម​ឈឺ និង​នោម​ញឹកញាប់​។

ក្រួស​ប្លោក​នោម​បណ្ដាល​មក​ពី​អ្វី​?

​ក្រួស​ប្លោក​នោម​កកើត​ឡើង​ដោយ​សារ​ជាតិ​រ៉ែ​នៅ​​ក្នុង​ទឹក​នោម​។ បញ្ហា​ទូទៅ​​​ដែល​នាំ​ឲ្យ​កើត​ក្រួស​ប្លោក​នោម​ រួម​មាន​៖

• ក្រពេញ​ប្រូស្តាត​រីក​ធំ​
• ស្ទះ​នៅ​បាត​ប្លោក​នោម​
• ការ​​បង្ក​រោគ​​លើ​ផ្លូវ​ទឹក​នោម​
• ការ​ខូច​សរសៃ​ប្រសាទ
• ថ្នក់​នៅ​ប្លោក​នោម
• ​ការ​វះ​កាត់​ប្លោក​នោម​
• ជំងឺ​Cystocele
• ទប់​នោម​

ក្រួស​តម្រង​នោម​មិន​ដូច​ក្រួស​ក្នុង​ប្លោក​នោម​ទេ ដោយ​​សារមាន​ការវិវត្តន៍​ខុស​ៗ​គ្នា។ យ៉ាង​ណា​មិញ ក្រួស​តូច​ៗ​នៅ​ក្នុង​តម្រង​នោម​អាច​ផ្លាស់ទី​តាម​បង្ហួរ​នោម​ទៅ​ក្នុង​ប្លោក​នោម ហើយ​អាច​ក្លាយ​ជា​ក្រួស​ក្នុង​ប្លោក​នោម​​ជំនួស​វិញ​។

គន្លឹះ​​បង្ការ​ក្រួស​ប្លោក​នោម

ដើម្បី​បញ្ចៀស​ ក៏​ដូចជា​បង្ការ​ក្រួស​ប្លោក​នោម​ គ្នា​យើង​គប្បី​អនុវត្ត​តាម​វិធីសាស្ត្រ​ខាង​ក្រោម​នេះ​៖

• ព្យាបាល​ការ​​បង្ក​រោគ​លើ​ផ្លូវ​ទឹក​នោម​ឲ្យ​បាន​ទាន់​ពេលវេលា​
• ​ញ៉ាំ​ទឹក​ឲ្យ​បាន​គ្រប់គ្រាន់​
• ជៀសវាង​ញ៉ាំ​អាហារ​ដែល​មាន​ជាតិ​ខ្លាញ់​​ច្រើន​ ប្រៃ​ និង​ផ្អែម​ពេក​
• ជៀសវាង​ការ​ជក់បារី និង​ប្រើប្រាស់​​គ្រឿង​ញៀន​។