ពាក្យ លាងឈាម យើងប្រហែលជាបានឮញឹកញាប់ តែប្រហែលជាមិនបានដឹងថា អ្វីទៅជាការលាងឈាមនោះទេ? ហេតុអ្វីចាំបាច់ត្រូវលាងឈាម? ថ្ងៃនេះយើងមកដឹងទាំងអស់គ្នា អំពីដំណើរនៃការលាងឈាម និងមូលហេតុចាំបាច់ដែលយើងត្រូវលាងឈាម?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពាក្យ លាងឈាម យើងប្រហែលជាបានឮញឹកញាប់ តែប្រហែលជាមិនបានដឹងថា អ្វីទៅជាការលាងឈាមនោះទេ? ហេតុអ្វីចាំបាច់ត្រូវលាងឈាម? ថ្ងៃនេះយើងមកដឹងទាំងអស់គ្នា អំពីដំណើរនៃការលាងឈាម និងមូលហេតុចាំបាច់ដែលយើងត្រូវលាងឈាម?
តាមការផ្សព្វផ្សាយរបស់មន្ទីរពេទ្យកាល់ម៉ែត ការលាងឈាម ជាការព្យាបាលបណ្តោះអាសន្នសម្រាប់អ្នកជំងឺខ្សោយតម្រងនោមស្រួចស្រាល់ និងការព្យាបាលជានិរន្តរ៍ សម្រាប់អ្នកជំងឺដែលខ្សោយតម្រងនោមរ៉ាំរ៉ៃ ក្នុងដំណាក់កាលចុងក្រោយ។
ការលាងឈាម មានច្រើនវិធីដូចជា៖
– លាងប្រព័ន្ធឈាម (Hemodialysis)៖ ឈាមច្រោះតាមប្រព័ន្ធច្រោះ និងម៉ាស៊ីនច្រោះឈាម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
មនុស្សយើងមានតម្រងនោម ចំនួន២ ខាងឆ្វេង១ និងខាងស្តាំ១។ តម្រងនោមទាំង២មានមុខងារច្រោះទឹក និងកាកសំណល់ពុលមួយចំនួនចេញពីក្នុងឈាម ដូចជាជាតិអ៊ុយរ៉េ និងសម្របសម្រួលសារជាតិអ៊ីយ៉ុងមួយចំនួន។ នៅពេលដែលតម្រងនោមឈប់ដំណើរការ ទឹក និងសារជាតិពុលទាំងនោះនឹងកើនឡើង ដែលធ្វើឲ្យអ្នកជំងឺស្ថិតក្នុងស្ថានភាពគ្រោះថ្នាក់ ដូចជាហើមសួត ជាដើម។ លាងឈាម គឺជាបច្ចេកទេសសម្អាត កាកសំណល់ពុលចេញពីក្នុងឈាមអ្នកជំងឺនៅពេលដែលតម្រងនោមឈប់ដំណើរការស្ទើរទាំងស្រុង។
យើងអាចកត់សម្គាល់រោគសញ្ញាខូចតម្រងនោម (កើនជាតិពុលក្នុងឈាម) ដូចជា ចង់ក្អួត ក្អួត ហើម និងអស់កម្លាំង។ គ្រូពេទ្យនឹងប្រើអត្រាកម្រិតច្រោះឈាម (eGFR) ដើម្បីវាស់ពីមុខងារតម្រងនោម ហើយអត្រាកម្រិតច្រោះឈាម (eGFR) គឺអាចគណនា លទ្ធផលក្រេអាទីនីន (Creatinine) នៅក្នុងឈាម តាមរយៈកត្តា ភេទ អាយុ និងកត្តាផ្សេងៗ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕