ដំណាក់កាលជំងឺមហារីកថ្លើម ធ្វើម៉េចដឹងថាយើងស្ថិតក្នុងដំណាក់កាលណា?

នៅ​ពេល​ដែល​យើង​កំណត់​បាន​ពី​ដំណាក់កាល​នៃ​ជំងឺ​មហារីក​ថ្លើម យើង​អាច​នឹង​យល់​ដឹង​បន្ថែម​ពី​ការ​រីក​រាលដាល​ ក៏​ដូចជា​លទ្ធផល​ក្នុង​ការ​ព្យាបាល​កាន់​តែ​ប្រសើរ​ជាង​មុន​។ ជាក់ស្ដែង​ ជំងឺ​មហារីក​ថ្លើម​មាន​៤​ដំណាក់កាល​ និង​​អាច​កំណត់​ពី​ដំណាក់កាល​នីមួយៗបាន​។​

វិធីសាស្ត្រ​កំណត់​ដំណាក់កាល​នៃ​ជំងឺ​មហារីក​ថ្លើម​

ពិត​ណាស់​ មាន​វិធីសាស្ត្រ​​ជា​ច្រើន​ក្នុង​ការ​កំណត់​ដំណាក់កាល​នៃ​​ជំងឺ​មហារីក​ថ្លើម​ ហើយ​វិធីសាស្ត្រ​ខាង​ក្រោម​នេះ​ ​អាច​កំណត់​ជំងឺ​មហារីក​ថ្លើម​បាន​យ៉ាង​ជាក់លាក់​ដោយ​គ្រូពេទ្យ​ជំនាញ​។

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

ការ​កំណត់​ដំណាក់កាលTNM (Tumor Nodes Metastasis) ​នៃ​ជំងឺ​មហារីក​ថ្លើម

• ដំណាក់កាល​ទី​១៖ ដំណាក់កាល​ដំបូង​ បង្ហាញ​ថា​មាន​ដុំ​សាច់​តូច​មួយ​នៅ​ក្នុង​ថ្លើម​ និង​មិន​ទាន់​លូតលាស់ ឬ​រាលដាល​​ដល់​សរសៃ​ឈាម​ឡើយ​ ហើយ​ក៏​មិន​ប៉ះពាល់​ដល់​កូន​កណ្ដុរ​ ឬ​សរីរាង្គ​ក្បែរ​ៗ​ផង​ដែរ​។
• ដំណាក់កាល​ទី​២៖ ​​ដុំ​សាច់​តូច​មួយ​បាន​លុកលុយដល់​សរសៃ​ឈាម ឬ​មិន​មាន​ទំហំ​ធំ​ជាង​៥​សង់ទីម៉ែត្រ។
• ដំណាក់កាល​ទី​៣៖ ចូល​ដល់​ដំណាក់​កាល​ទី​៣ ដែល​ចែក​ចេញ​ជា​ដំណាក់កាល​រង​ចំនួន​បី​ទៀត​គឺ ដំណាក់កាល​ទី​៣ “A” អ្នក​ជំងឺ​មាន​ដុំ​សាច់​ច្រើន​ ហើយ​មាន​ទំហំ​ធំ​ជាង​៥​សង់ទីម៉ែត្រ។ ចំណែក​ដំណាក់កាល​ទី៣ “B” ដុំ​សាច់​​បាន​លុកលុយ​​ដល់​សរសៃ​វ៉ែន​ធំ​មួយ​នៅ​ក្នុង​ថ្លើម​ និង​ដំណាក់កាល​ទី៣​ “C” ​ដុំ​សាច់​បាន​​ប៉ះពាល់​ដល់​សរីរាង្គ​ក្បែរ​ៗ​ ឬ​រាលដាល​ដល់​ខាង​ក្រៅ​ស្រទាប់​ថ្លើម។
• ដំណាក់កាល​ទី​៤៖ ដូច​គ្នា​ទៅ​នឹង​ដំណាក់កាល​ទី​៣​ដែរ ដំណាក់កាល​ទី​៤​ចែក​ចេញ​ជា​២​ក្រុម​ទៀត​ គឺ​ដំណាក់កាល​ទី​៤ “A” ដុំ​សាច់​បាន​រាលដាល​ដល់​កូន​កណ្ដុរ​នៅ​ជិត​ៗ ប៉ុន្តែ​មិន​រាលដាល​ដល់​សរីរាង្គ​ផ្សេង​ទៀត​ឡើយ។ ក្នុង​ដំណាក់កាល​ទី​៤ “B” ដុំ​សាច់​មួយ​ ឬ​ច្រើន​អាច​ប៉ះពាល់​ដល់​កូន​កណ្ដុរ និង​ប៉ះពាល់​ដល់​សរីរាង្គ​នៅ​ឆ្ងាយ​ៗ​ ដូចជា​សួត ឬ​ឆ្អឹង​ជា​ដើម។​​​​​​​​​

អត្ថបទគួរអាន៖

• មូលហេតុសំខាន់ៗមួយចំនួន ធ្វើឲ្យថ្លើមរីកធំខុសធម្មតា
• លេចចេញអាការៈទាំងនេះ អាចថាមាន​ជំងឺ​ក្រិនថ្លើមហើយ
• សញ្ញា​ព្រមាន​ទាំង៦​ បញ្ជាក់​ថា​ថ្លើម​​​​​​ពោរពេញ​​ដោយ​ជាតិ​ពុល​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• ខំថែសុខភាពថ្លើម បើមិនចង់ឲ្យរាងកាយចុះខ្សោយទ្រុឌទ្រោម​
• ជំងឺខ្លាញ់រុំថ្លើម មានគ្រោះថ្នាក់កម្រិតណា? ដោះស្រាយម៉េច?
• Hepatitis A Virus Test (តេស្តពិនិត្យរកមើលមេរោគរលាកថ្លើមប្រភេទ A)

សារៈសំខាន់​ក្នុង​ការ​រក​ឃើញ​ជំងឺ​មហារីក​នៅ​ដំណាក់កាល​ដំបូង​

យ៉ាង​ណា​មិញ ការ​រក​ឃើញ​ជំងឺ​មហារីក​ក្នុង​ដំណាក់កាល​ដំបូង​មិន​មែន​ជា​រឿង​ងាយ​ស្រួល​ឡើយ​ ពីព្រោះ​ជា​ទូទៅ​​ ជំងឺ​មហារីក​ថ្លើម​ដំណាក់កាល​ដំបូង​​មិន​បង្ហាញ​រោគសញ្ញា​ឡើយ​។ លើស​ពី​នេះ​ទៅ​ទៀត គ្រូពេទ្យ​ពិបាក​ក្នុង​ការ​មើល​ឃើញ​ដុំ​សាច់​តូច​មួយ​ ពីព្រោះ​ឆ្អឹង​ជំនីរ​បាន​​គ្រប​ដណ្ដប់​ផ្នែក​មួយ​នៃ​ថ្លើម​។