៤. សម្រាកឲ្យបានគ្រប់គ្រាន់
នៅពេលដែលយើងគេងមិនគ្រប់គ្រាន់ វាអាចមានផលប៉ះពាល់ធ្ងន់ធ្ងរដល់សុខភាពពោះវៀនដូចគ្នា។ ហេតុនេះហើយ យើងគប្បីគេងឲ្យបានយ៉ាងហោចណាស់៧ទៅ៨ម៉ោងជារៀងរាល់ថ្ងៃ ទើបជាការប្រសើរ។ ចូរសាកល្បងញ៉ាំតែបំបាត់ការថប់បារម្ភ ដូចជាតែជីរអង្កាម ឬតែMatcha មុនពេលចូលគេង ដើម្បីជួយឲ្យយើងគេងលក់ស្រួល។

៥. ហាត់ប្រាណជាទៀងទាត់
លំហាត់ប្រាណជាទៀងទាត់អាចជួយឲ្យអាហារផ្លាស់ទីទៅប្រព័ន្ធរំលាយអាហារ ក៏ដូចជាកាត់បន្ថយការទល់លាមក។ លើសពីនេះ ការហាត់ប្រាណក៏អាចជួយឲ្យយើងរក្សាទម្ងន់ខ្លួនបានល្អ និងផ្ដល់គុណប្រយោជន៍ច្រើនដល់សុខភាពប្រព័ន្ធរំលាយអាហារ។
៦. គ្រប់គ្រងកម្រិតស្រ្តេស
ស្រ្តេស ឬការថប់បារម្ភច្រើនអាចធ្វើឲ្យប្រព័ន្ធរំលាយអាហាររបស់យើងធ្វើការហួសកម្រិត។ ដូចនេះ គ្នាយើងអាចកាត់បន្ថយស្រ្តេសតាមរយៈការធ្វើសកម្មភាពលំហែកាយមួយចំនួនដែលយើងចូលចិត្ត ដូចជាស្ដាប់ចម្រៀង អានសៀវភៅ ឬដើរកម្សាន្តជាដើម។
៧. ញ៉ាំអាហារសុខភាព និងសម្បូរជាតិសរសៃ
ទន្ទឹមនឹងនេះដែរ អាហារដែលមានជាតិសរសៃខ្ពស់អាចជួយការពារ ឬព្យាបាលបញ្ហារំលាយអាហារផ្សេងៗដូចជាជំងឺឫសដូងបាត ជំងឺរលាកពោះវៀនរ៉ាំរ៉ៃ និងជួយគ្រប់គ្រងទម្ងន់ខ្លួនបានល្អ។ ប៉ុន្តែ គ្នាយើងមិនគួរញ៉ាំអាហារដែលមានសំបូរទៅដោយជាតិសរសៃច្រើនពេកឡើយ។