ពោះវៀនមានតួនាទីចម្បងក្នុងការទ្រទ្រង់សុខភាពទាំងមូល ដោយជួយក្នុងការរំលាយអាហារ ជួយដល់មុខងារប្រព័ន្ធភាពស៊ាំ គ្រប់គ្រងអារម្មណ៍ និងមុខងារដទៃផ្សេងទៀត។ ដូច្នេះហើយ ដើម្បីថែទាំក្រពះពោះវៀនឲ្យមានសុខភាពល្អ យើងគួរតែអនុវត្តន៍ទម្លាប់ងាយៗទាំង៥នេះ នៅពេលដែលយើងភ្ញាក់ពីគេង។

១. ញ៉ាំទឹកមួយកែវ

មុនពេលដែលយើងញ៉ាំកាហ្វេ ឬភេសជ្ជៈផ្សេងទៀត គួរញ៉ាំទឹកមួយកែវជាមុនសិន។ ពិតណាស់ ការញ៉ាំទឹកជារៀងរាល់ព្រឹក អាចជួយឲ្យយើងទទួលបានជាតិទឹកគ្រប់គ្រាន់ក្នុងរាងកាយ និងកាត់បន្ថយឱកាសនៃបញ្ហាមួយចំនួន ដូចជាហើមពោះ មិនរំលាយអាហារ ទល់លាមក និងញ៉ាំច្រើនជ្រុល ។

២. ញ៉ាំអាហារពេលព្រឹកទៀងម៉ោង

ទន្ទឹមនឹងនេះដែរ ការភ្ញាក់ពីគេង និងញ៉ាំអាហារពេលព្រឹកទៀងទាត់ពេលវេលាអាចជួយឲ្យរាងកាយគ្រប់គ្រងការបញ្ចេញអ័រម៉ូនផ្សេងៗ ដូចជាអ័រម៉ូនគ្រប់គ្រងការបន្ទោបង់ជាដើម។ ទម្លាប់មួយនេះ កាន់តែមានអត្ថប្រយោជន៍ចំពោះអ្នកដែលទល់លាមក ឬព្យាយាមគ្រប់គ្រងជំងឺរលាកពោះវៀន (IBS)។

៣. ញ៉ាំអាហារពេលព្រឹកសម្បូរទៅដោយជាតិសរសៃ

ការញ៉ាំអាហារពេលព្រឹកដែលសម្បូរទៅដោយជាតិសរសៃ អាចជួយពង្រឹងសុខភាពក្រពះពោះវៀនយើងបានយ៉ាងល្អ ហើយរបបអាហារមួយប្រភេទនេះ ក៏ជាឱសថធម្មជាតិជួយបញ្ចៀសបញ្ហាទល់លាមក។ អាហារដែលសម្បូរទៅដោយជាតិសរសៃដែលយើងមិនគួររំលងមានដូចជា ផ្កាខាត់ណាខៀវ សណ្តែក ផ្លែបឺរ អាហារក្រៀម និងផ្លែប៉ោម។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

៤. ដើរហាត់ប្រាណ

ចំណែកឯការហាត់ប្រាណជាទៀងទាត់ អាចជួយបញ្ចៀសបញ្ហាផ្សេងៗ ដូចជាទល់លាមក និងហើមពោះបានយ៉ាងមានប្រសិទ្ធភាព។ នៅពេលដែលយើងធ្វើចលនា ប្រពន័្ធរំលាយអាហាររបស់យើងក៏ធ្វើចលនាដូចគ្នា ដែលកត្តានេះ អាចបញ្ចៀសបញ្ហាក្អួតផងដែរ។

ពោះវៀន២

៥. ជៀសវាងចំណាយពេលច្រើននៅក្នុងបន្ទប់ទឹក

ពិតណាស់ ការចំណាយពេលអង្គុយនៅក្នុងបង្គន់រយៈពេលយូរ ជាពិសេសលេងទូរស័ព្ទដៃផងនោះ អាចបង្កើនហានិភ័យនៃការកើតជំងឺឫសដូងបាត។ គ្នាយើងគួរចូលទៅបន្ទប់ទឹកតែនៅពេលដែលឈឺបត់ជើងខ្លាំង ហើយបើអង្គុយលើសពី៥នាទី គួរក្រោកទៅធ្វើអ្វីផ្សេងសិន រួចចាំមកម្តងទៀតនៅពេលក្រោយ។

អត្ថបទគួរអាន៖

ធ្វើរឿងរ៉ាវងាយៗទាំងនេះរាល់ព្រឹក ជួយឲ្យសុខភាពពោះវៀនប្រសើរឡើង​​​​​​​​​​​​​​​​​​​​​​​​​​​​​​​​​

១. ញ៉ាំ​ទឹក​មួយ​កែវ

២. ញ៉ាំ​អាហារ​ពេល​ព្រឹក​​ទៀង​ម៉ោង

៣. ញ៉ាំ​អាហារ​ពេល​ព្រឹក​សម្បូរ​ទៅ​ដោយ​ជាតិ​សរសៃ

៤. ដើរ​ហាត់​ប្រាណ

៥. ជៀសវាង​ចំណាយ​ពេល​ច្រើន​នៅ​ក្នុង​បន្ទប់​ទឹក

ធ្វើរឿងរ៉ាវងាយៗទាំងនេះរាល់ព្រឹក ជួយឲ្យសុខភាពពោះវៀនប្រសើរឡើង

១. ញ៉ាំទឹកមួយកែវ

២. ញ៉ាំអាហារពេលព្រឹកទៀងម៉ោង

៣. ញ៉ាំអាហារពេលព្រឹកសម្បូរទៅដោយជាតិសរសៃ

៤. ដើរហាត់ប្រាណ

៥. ជៀសវាងចំណាយពេលច្រើននៅក្នុងបន្ទប់ទឹក