home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ទម្លាប់ ៤ យ៉ាងនេះអាចបញ្ចប់ជីវិតអាពាហ៍ពិពាហ៍បាន

ទម្លាប់ ៤ យ៉ាងនេះអាចបញ្ចប់ជីវិតអាពាហ៍ពិពាហ៍បាន

ជីវិត​អាពាហ៍ពិពាហ៍​ដែល​អាចនៅ​គង់វង្ស​រយៈពេល​យូរ ឬ​ងាយ​នឹង​បញ្ចប់​គឺ​ដោយសារ​តែ​ភាគី​ទាំង​សងខាង​មាន​ទម្លាប់​ល្អ ឬ​ទម្លាប់​ដែល​អាច​​បំផ្លាញ​ជីវិតអាពាហ៍ពិពាហ៍​នោះ​​។ ចុះទម្លាប់​អ្វីខ្លះអាចនាំឲ្យ​ជីវិតអាពាហ៍ពិពាហ៍​ដើរដល់​ទីបញ្ចប់បាន?

១. ខ្វះ​ភាព​ស្មោះត្រង់

ក្នុង​ជីវិត​គូ​ភាព​ស្មោះត្រង់​គឺ​សំខាន់​ណាស់​។ ភាព​ស្មោះត្រង់​នេះ​មិន​មែន​សំដៅ​ទៅ​លើ​ការ​ឆ្លើយ​សំណួរ​របស់​ភាគី​ម្ខាង​ទៀត​តែ​ម៉្យាង​ទេ ប៉ុន្តែ​ភាព​ស្មោះត្រង់​ទាក់ទង​នឹង​ទម្លាប់​នៃ​ការ​ចំណាយ ទំនាក់ទំនង​ជាមួយ​នឹង​អ្នក​ដទៃ ឬ​ការ​ញៀន​គ្រឿងស្រវឹង​ក៏​អាច​ប៉ះពាល់​ជីវិត​អាពាហ៍ពិពាហ៍​ដែរ។ ការ​លាក់​ការ​សម្ងាត់​ជុំវិញ​បញ្ហា​ទាំង​នេះ​អាច​បង្កើត​ជីវិត​មួយ​ទៀត​ដែល​ធ្វើ​ឲ្យ​ដៃគូ​មាន​អារម្មណ៍​ថា​​ឃ្លាត​ឆ្ងាយ​ដែល​នេះ​តែង​ធ្វើ​ឲ្យ​មាន​ជន​ទី​៣​ចូល​មក​។

ក្រៅ​ពី​នេះ​នៅ​មាន​ភាព​មិន​ស្មោះត្រង់​ទៅ​លើ​ផ្លូវ​អារម្មណ៍​ដែល​រួម​មាន​ការ​បដិសេធ ឬ​កុហក​អំពី​អារម្មណ៍​របស់ខ្លួន​​ទៅ​លើ​ដៃ​គូ ជីវិត​អាពាហ៍ពិពាហ៍ ឬ​ខ្លួន​ឯង។ ប្រសិនជា​យើង​មាន​អារម្មណ៍​ខឹង ឬ​ខ្លាច​ យើង​គួរ​និយាយ​ដោយ​បើក​ចិត្ត​ជាមួយ​ដៃគូ​ និង​ស្វែង​រក​ដំណោះស្រាយ។ ការ​ស្មោះត្រង់​ទៅ​នឹង​អារម្មណ៍​របស់​យើង​គឺ​ជួយ​បង្កើត​ការ​យល់​ចិត្ត​គ្នា​ក្នុង​ជីវិត​គូ។

២. ខ្វះ​ភាព​ស្និទ្ធស្នាល

ភាព​ស្និទ្ធស្នាល​ទាំង​ផ្លូវ​អារម្មណ៍ និង​ផ្លូវកាយ​គឺជា​ផ្នែក​សំខាន់​មួយ​នៃ​ជីវិត​គូ។ ការ​មើល​រំលង​មិន​យក​ចិត្ត​ទុក​ដាក់​ទៅ​លើ​តម្រូវ​ការ​របស់​ដៃគូ​ ឬ​ខ្លួន​យើង​ផ្ទាល់​អាច​ធ្វើ​ឲ្យ​មាន​អារម្មណ៍​ថា​ឃ្លាតឆ្ងាយ​។ ចំណែក​ឯ​ភាព​ស្និទ្ធស្នាល​ផ្លូវ​អារម្មណ៍​វិញ​គឺ​ពាក់ព័ន្ធ​នឹង​ការ​​យល់​ពី​ដៃ​គូ​ដោយ​យក​ចិត្ត​ទុក​ដាក់​ទៅ​លើ​សកម្មភាព​ប្រចាំ​ថ្ងៃ​របស់​ពួកគេ។ កា​យក​ចិត្ត​ទុក​បែប​នេះ​អាច​ជួយ​ឲ្យ​យើង​ដឹង​ថា​ដៃគូ​មាន​បញ្ហា​អ្វី ឬ​ដឹង​ពី​តម្រូវ​ការ​របស់​ដៃគូ។

៣. មិន​ឲ្យ​តម្លៃ​ដៃ​គូ

នៅ​ពេល​យើង​ស្រលាញ់​នរណា​ម្នាក់ យើង​នឹង​ផ្តល់​ការ​យកចិត្តទុកដាក់ និង​ការ​គោរព។ ប៉ុន្តែ​ក្នុង​ជីវិត​អាពាហ៍ពិពាហ៍​មួយ​ចំនួន​គឺ​មិន​មាន​ការ​ឲ្យ​តម្លៃ​ទៅ​ដៃគូ​ម្ខាង​ទៀត​ទេ ​ដែល​នេះ​ធ្វើ​ឲ្យ​ជីវិត​គូ​នោះ​បរាជ័យ។ ក្នុង​ជីវិត​គូ​នោះ​គឺ​មាន​តែ​ការ​បន្ទោស និង​ការ​មិន​យក​ចិត្ត​ទុក​ដាក់។ ការ​រស់នៅ​ជាមួយ​អ្នក​មាន​គំនិត​អវិជ្ជមាន​គឺ​មាន​ការ​លំបាក​ណាស់​ព្រោះ​គំនិត​អវិជ្ជមាន​អាច​ក្លាយ​ជា​ការ​បន្ទោស ឬ​ការរិះគន់​ដែល​យូរ​ទៅ​អាច​ប៉ះពាល់​ដល់​ជីវិត​គូ។ ដូចនេះ ប្រសិន​ជា​យើង​ស្រលាញ់​ដៃ​គូ​របស់​យើង គួរ​បង្ហាញ​ទាំង​តាមរយៈ​​ពាក្យ​សម្ដី និង​កាយវិការ។

៤. ប្រើ​ហិង្សា​

ការ​ប្រើ​ហិង្សា​លើ​ដៃគូ​មិន​ថា​លើ​ផ្លូវកាយ ឬ​ផ្លូវ​ចិត្ត​ ​សុទ្ធតែ​អាច​បញ្ចប់​ជីវិត​អាពាហ៍ពិពាហ៍បាន​។ ការ​ធ្វើ​បាប​ផ្លូវ​ចិត្ត​អាច​កើត​មាន​នៅ​ពេល​ដៃគូ​ម្ខាង​ប្រើ​កំហឹង ការ​រិះគន់ ឬ​ពាក្យ​គំរាមកំហែង​ទៅ​លើ​ដៃគូ​ម្ខាង​ទៀត​ដែល​នេះ​អាច​ជា​ការ​ប្រមាថ​មើល​ងាយ និង​ការ​សើច​ចំអក​ជា​ដើម។ ប្រសិនជា​ស្ថិតនៅ​ក្នុងជីវិតគូ​បែប​នេះ​​យក​ល្អ​គួរ​ស្វែងរក​ជំនួយ​ជា​បន្ទាន់។

ការ​ដឹង​ពី​ទម្លាប់​ដែល​អាច​បំផ្លាញ​ជីវិត​គូ​ទាំង​នេះ​ហើយ​អាច​ជួយ​ឲ្យ​យើង​បើក​ចិត្ត​និយាយ​ជាមួយ​នឹង​ដៃគូ​ដើម្បី​រក​ដំណោះស្រាយ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ ទូច សុខា
អត្ថបទ​ដោយ ថាត់ រ័ត្នមូនីតា
កែ 23/07/2020
x