ស្នេហាជាផ្នែកមួយក្នុងជីវិតមនុស្ស អ្នកណាក៏មានស្នេហាដែរ ព្រោះវាគឺជាធម្មជាតិរបស់សត្វលោក សម្រាប់មនុស្សយើងវិញ ស្នេហាអាចស៊ាំញ៉ាំបន្តិច ពេលខ្លះអាចជារឿងសប្បាយ ពេលខ្លះអាចជារឿងឈឺចាប់ ប៉ុន្តែគ្នាយើងណាខ្លះដឹងពីអត្ថន័យ គុណប្រយោជន៍របស់ស្នេហាច្បាស់។ អត្ថបទនេះ “Hello គ្រូពេទ្យ” នឹងប្រាប់គុណប្រយោជន៍ដ៏អស្ចារ្យរបស់ស្នេហា ទៅលើសុខភាពយើងដែលមនុស្សភាគច្រើនមិនធ្លាប់ដឹង។
"ស្នេហា" មានគុណប្រយោជន៍ស្ទើរមិនគួរឲ្យជឿ
១- ល្អសម្រាប់សុខភាពទូទៅ
ការសិក្សាបានបង្ហាញថា ប្តីប្រពន្ធរៀបការរស់នៅជាមួយគ្នា មិនងាយធ្លាក់ខ្លួនឈឺ ដូចពេលនៅកំលោះក្រមុំនោះទេ ហើយបើទោះបីជាឈឺ ក៏មិនដល់ថ្នាក់គេងពេទ្យយូរពេកដែរ។ អ្នកវិទ្យាសាស្រ្តជឿថា កត្តានេះដោយសារយើងទទួលបានអ្វីខ្លួនចង់បាន និងដំណើរការល្អប្រសើរនៃប្រព័ន្ធរាងកាយខាងក្នុង។ ទំនាក់ទំងល្អ ក៏ជាមូលហេតុធ្វើឲ្យយើងយកចិត្តទុក្ខដាក់លើខ្លួនឯងកាន់តែច្រើន។ មនុស្សយើងស្រលាញ់តែងតែរំលឹកយើងឲ្យកែទម្លាប់អាក្រក់ៗចេញ និងតែងដាស់តឿនយើងញ៉ាំ និងគេងឲ្យបានគ្រប់គ្រាន់។ ទង្វើរទាំងអស់នេះហើយ ជាកត្តាធ្វើឲ្យសុខភាពយើងកាន់តែប្រសើរឡើង។
២- មិនងាយបាក់ទឹកចិត្ត និងមិនប្រើថ្នាំញៀន
កាលណាយើងនៅតែម្នាក់ឯងឆ្ងាយពីអ្នកដទៃ អាចប្រឈមមុខខ្លាំងជាមួយ ជំងឺបាក់ទឹកចិត្ត ដូចនេះពេលយើងរៀបការមានដៃគូជីវិតរួច យើងអាចចៀសផុតពីជំងឺនេះបាន មិនថាប្រុស ឬក៏ស្រីទេ។ លើសពីនេះ ពេលយើងមានប្តី ឬប្រពន្ធ គឺអាចជួយយើងកាត់បន្ថយការផឹកគ្រឿងស្រវឹង ឬប្រើប្រាស់ថ្នាំញៀនបាន។
អត្ថបទពាក់ព័ន្ធ៖
- ស្ត្រេសខ្លាំងមែនអត់? នេះវិធីសាស្ត្រដោះស្រាយ
- ១៥ ចំណុច អាចធ្វើឲ្យជីវិតយើងធ្លាក់ក្នុងភាពខ្មៅងងឹត
៣- ជួយបញ្ចុះសម្ពាធឈាម
ការសិក្សារកឃើញថា ប្តីប្រពន្ធស្រលាញ់គ្នា គឺជាក្រុមមនុស្សមានសម្ពាធឈាមល្អជាងគេបង្អស់។ ហើយក្រុមបន្ទាប់ គ្នាយើងនៅលីវ ចំណែកក្រុមរៀបការរួច ប៉ុន្តែរស់នៅមិនចុះសម្រុងគ្នា គឺជាក្រុមមនុស្សមានសម្ពាធឈាមអាក្រក់ជាងគេបង្អស់។ លទ្ធផលនេះអាចបញ្ជាក់បានថា គុណភាពរបស់អាពាហ៍ពិពាហ៍ សុភមង្គលក្នុងគ្រូសារ គឺជាមូលហេតុសំខាន់ មិនមែនរៀបការតែមួយមុខនោះទេ។ ប៉ុន្តែការសិក្សាក៏បានរកឃើញដែរថា គ្នាយើងនៅលីវ ប៉ុន្តែរស់នៅមានទំនាក់ទំនងល្អ ក៏មានសុខភាពល្អដូចគ្នា។ ដូចនេះ បើគ្នាយើងមិនទាន់មានគូរ ហើយកំពុងរស់នៅមានទំនាក់ទំនងល្អក្នុងសង្គម ក៏មិនមានអ្វីដែលត្រូវបារម្ភឡើយ។
៤- កាត់បន្ថយការឈឺចាប់យ៉ាងមានប្រសិទ្ធភាព
តាមការសិក្សា ក្តីស្រលាញ់អាចជួយយើងគ្រប់គ្រងការឈឺចាប់បានកាន់តែប្រសើរ។ ប្តីប្រពន្ធរៀបការរួច គេមិនសូវត្អូញត្អែច្រើនអំពីបញ្ហាឈឺក្បាល ឬឈឺខ្នង ឬចង្កេះឡើយ។
មានការសិក្សាផ្សេងទៀត បានធ្វើឡើងលើស្រីៗរៀបការរួច ចំនួន ១៦នាក់ ដោយគេបានបំភ័យក្រុមអ្នកចូលរួមទាំងអស់ ដោយយកខ្សែភ្លើងបម្រុងទៅឆក់ ប៉ុន្តែពេលអនុញ្ញាតឲ្យស្រីៗទាំងអស់កាន់ដៃប្តីរបស់ខ្លួន គេឃើញថាតំបន់ក្នុងខួរក្បាល ដែលជាកន្លែងឆ្លើយតបជាមួយស្រ្តេស មិនសូវធ្វើការឡើយ នាំឲ្យគេជឿថា ក្តីស្រឡាញ់ ក៏មានប្រសិទ្ធភាពជួយកាត់បន្ថយស្រ្តេសបានដូចគ្នា។
ទោះស្ថិតក្នុងកាលៈទេសៈប្រកួតប្រជែងខ្លាំងយ៉ាងណាក៏ដោយ យើងគ្រប់គ្នាសុទ្ធតែអាចកាត់បន្ថយភាពភ័យខ្លាចបាន បើមនុស្សជាទីស្រលាញ់ ជួយផ្ដល់កម្លាំងចិត្តនៅពីក្រោយយើង។
៥- កាត់បន្ថយបញ្ហាឈឺទ្រូង និងដំបៅលើប្រុសៗ
ប្រុសៗ ទទួលផលប្រយោជន៍ជាច្រើនពីស្នេហា។ ការសិក្សាបានបង្ហាញថា បើយើងមានមនុស្សខ្លួនស្រលាញ់នៅពីក្រោយ គឺអាចជួយកាត់បន្ថយមិនឲ្យគាត់ងាយកើតជំងឺឈឺទ្រូងបាន ទោះបីជាគាត់ស្ថិតក្នុងក្រុមមនុស្សងាយប្រឈមជំងឺនេះខ្លាំង ដូចជា មានអាយុច្រើន ឬមានជំងឺលើសឈាមក្ដី។
ការស្រាវជ្រាវផ្សេងទៀត ក៏បានរកឃើញពីប្រសិទ្ធភាពរបស់ស្នេហា ទៅលើគ្នាយើងកើតជំងឺដំបៅក្នុងពោះវៀនតូចផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម