និយាយដល់ចំនួនមេជីវិតឈ្មោល ក៏ដូចជាគុណភាពមេជីវិត សុទ្ធតែជាក្តីបារម្ភសម្រាប់ជីវិតផ្លូវភេទរបស់ប្រុសៗ ពិសេសប្រុសៗគ្នាយើងឧស្សាហ៍រួមភេទ ឬឧស្សាហ៍សម្រេចកាមច្រើនដងក្នុងមួយថ្ងៃ តែងបារម្ភពីអនាគត ថាវានឹងប៉ះពាល់ដល់លទ្ធភាពបង្កកំណើត ឬយ៉ាងណា?។
បញ្ចេញទឹកកាមច្រើនដងក្នុងមួយថ្ងៃ ប៉ះពាល់គុណភាពមេជីវិត?
ត្រួតពិនិត្យដោយ គឹម កាណែល
ចម្ងល់របស់ប្រុសៗគ្នាយើងទាំងអស់ បានក្លាយទៅនឹងប្រធានបទក្តៅទៅក្នុងការសិក្សា និងស្រាវជ្រាវរបស់ក្រុមអ្នកជំនាញ ហើយផ្អែកលើលទ្ធផលស្រាវជ្រាវជាច្រើន គឺមិនមានការកំណត់ចំនួនរួមភេទប៉ុន្មានដងល្អ ប៉ុន្មានដងមិនល្អនោះឡើយ ខណៈគ្រប់យ៉ាងអាស្រ័យទៅលើសុខភាពយើងផ្ទាល់ ហើយការសម្រេចកាម បញ្ចេញទឹកកាមច្រើនដងក្នុងមួយថ្ងៃ ក៏មិនប៉ះពាល់ដល់គុណភាពមេជីវិតឈ្មោះនោះដែរ។
យោងតាមអត្ថបទរបស់ Medical News Today ដែលមានមូលដ្ឋាននៅអាមេរិក ការសិក្សាទៅលើមេជីវិតឈ្មោះ ទោះជាប្រុសៗមិនបញ្ចេញទឹកកាមជាច្រើនថ្ងៃ ឬបញ្ចេញច្រើនដងក្នុងមួយថ្ងៃ នៅក្នុងទឹកកាមយើងនៅតែមានមេជីវិតដដែល ដោយសាររាងកាយនៅតែបន្តផលិតមេជីវិតជារៀងរាល់ថ្ងៃ ដោយការសិក្សាមួយអះអាងថា មេជីវិតឈ្មោលដែលរាងកាយផលិតប្រចាំថ្ងៃ គឺមានដល់ទៅរាប់លានមេជីវិត ខណៈក្នុងមួយមិល្លីលីត្រទឹកកាម គឺមានមេជីវិតឈ្មោលចន្លោះពី ២០-៣០០លានឯណោះ។
ប៉ុន្តែការសិក្សាក៏រកឃើញដែរថា ចំពោះប្រុសៗដែលមិនបានបញ្ចេញទឹកកាមជាច្រើនថ្ងៃ ចំនួនពេលជីវិតឈ្មោលក្នុងទឹកកាមពួកគេ គឺកើនឡើងទៅតាមនឹង ខណៈការបញ្ចេញទឹកកាមញឹកញាប់ វាច្បាស់ជាធ្វើឲ្យចំនួនមេជីវិតធ្លាក់ចុះមិនខាន ប៉ុន្តែមិនទំនងប៉ះពាល់ទៅដល់សមត្ថភាពបង្កកំណើត និងសុខភាពផ្លូវភេទផ្សេងទៀតនោះដែរ។
អត្ថបទពាក់ព័ន្ធ៖
- ហេតុផល ៣ យ៉ាងប្រុសៗមួយចំនួនមិនសូវនឹកដល់រឿងលើគ្រែ
- ការរួមភេទ និងវដ្តរដូវស្រីៗ មានទំនាក់ទំនងម៉េចខ្លះ? គួរឲ្យបារម្ភអត់?
- ស្រោមអនាម័យបុរស ឬស្ត្រី មួយណាស្រួលប្រើ មានប្រសិទ្ធភាពជាង?
- ៥ សំណួរ ស្រីៗតែបារម្ភ និងចង់ដឹងបំផុតពាក់ព័ន្ធរឿងរួមភទពេលមានផ្ទៃពោះ
- ទម្លាយអាថ៌កំបាំងរបស់អយស្ទ័រពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត
សិក្សាធ្វើឡើងអំឡុងឆ្នាំ ២០១៦ ផ្តោតទៅលើការរាប់ចំនួនមេជីវិតឈ្មោលចំពោះប្រុសៗដែលចូលរួមការសិក្សា ដោយពួកគេមិនបានបញ្ចេញទឹកកាមជាច្រើនថ្ងៃ ហើយក្រោយមកក៏តម្រូវឲ្យសម្រេចកាម ៤ដង ក្នុងរយៈពេល ២ម៉ោង។
ជាលទ្ធផលក្នុងការសិក្សានេះ ចំនួនមេជីវិតរបស់ប្រុសៗដែលសម្រេចកាម ៤ដង ក្នុងរយៈពេល ២ម៉ោង ពិតជាមានការថយចុះគួរឲ្យសម្គាល់ ប៉ុន្តែចំនួនមេជីវិតរបស់ពួកគេ នៅតែគ្រប់គ្រាន់ស្របទៅតាមស្តង់ដាររាប់ចំនួនមេជីវិតរបស់អង្គការសុខភាពពិភពលោក (WHO) ដដែល។
ជាមួយគ្នានេះដែរ ការសិក្សាធ្វើឡើងកាលពីឆ្នាំ ២០១៥ បានធ្វើឡើងដើម្បីពិនិត្យលើចំនួន និងគុណភាពមេជីវិតឈ្មោល លើប្រុសៗគ្នាយើង ដែលធ្វើការបញ្ចេញទឹកកាមច្រើនដងក្នុងមួយថ្ងៃៗ ដែលជាលទ្ធផលពីការសិក្សា ការវាស់វែងទៅលើមេជីវិត ទាំងគុណភាព ដូចជាទ្រង់ទ្រាយ សមត្ថភាពក្នុងការហែលទៅរកមេជីវិតញី និងការប្រមូលផ្តុំជាមួយមេជីវិតញី សុទ្ធតែដូចគ្នាទៅនឹងមេជីវិតក្នុងរាងកាយប្រុសៗដែលមិនសម្រេចកាមច្រើនដងក្នុងមួយថ្ងៃដែរ។
យ៉ាងណា ការសិក្សាលើកឡើងថា ចំពោះប្រុសៗមានផលវិបាកក្នុងការបង្កកំណើតស្រាប់ ការសម្រេចកាមញឹកញាប់ អាចកាន់តែធ្លាក់ចុះឱកាសមានកូនដូចគ្នា ដោយសារតែចំនួនមេជីវិតឈ្មោលមានធ្លាក់ចុះ។ ទោះជាយ៉ាងណា ចំពោះប្រុសៗភាគច្រើនវិញ ការបញ្ចេញទឹកកាមច្រើនដងក្នុងមួយថ្ងៃ មិនទំនងជាប៉ះពាល់ដល់ការសមត្ថភាពបន្តពូជនោះដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម