ពេលនិយាយដល់រឿងរួមភេទ ស្រីៗមានផ្ទៃពោះតែងមានកង្វល់ធំៗ២យ៉ាង ទី១ បើរួមភេទខ្លាចប៉ះពាល់ដល់សុវត្ថិភាពកូនក្នុងផ្ទៃ ទី២គឺការប៉ះទង្គិចទំនាក់ទំនងប្តីប្រពន្ធ បើមិនរួមភេទសោះ។ ដើម្បីឲ្យអស់មន្ទិល យើងនឹងយក ៥សំណួរពីការរួមភេទដែលស្រីៗតែងបារម្ភ និងចង់ដឹងបំផុតពាក់ព័ន្ធនឹងរឿងរួមភេទអំឡុងពេលពពោះ។

១. រួមភេទពេលពពោះ សុវត្ថិភាពអត់?

មានមតិលើកឡើងផ្ទុយគ្នាអំពីការរួមភេទពេលមានផ្ទៃពោះ អ្នកខ្លះថា មានសុវត្ថិភាព ឯអ្នកខ្លះទៀតថា មិនគួរនោះទេ។ តែបើតាមក្បួនពេទ្យវិញ មិនបានហាមឃាត់ការរួមភេទពេលពពោះនោះទេ បើសិនជាស្ត្រីមានលក្ខខណ្ឌសុខភាពល្អប្រសើរ ឯភាគីបុរសវិញមិនមានជំងឺកាមរោគផ្សេងៗ តែទោះយ៉ាងណាក៏ដោយស្ត្រីត្រូវតែប្រយ័ត្ននៅក្នុងត្រីមាសទី១ នៃការពពោះ។

គណនាថ្ងៃមេជីវិតញីទុំធ្លាក់

គណនាថ្ងៃសម្រាលកូន

២. លក្ខខណ្ឌបែបណាខ្លះ ស្ត្រីមិនគួររួមភេទពេលពពោះ?

បើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ គ្រូពេទ្យហាមឃាត់ការរួមភេទពេលពពោះ លុះណាតែស្រ្តីមានបញ្ហារលូតកូនញឹកញាប់ មានប្រវត្តិកូនកើតមិនគ្រប់ខែ មានសុកពាំងមាត់ស្បូន ប្តី ឬប្រពន្ធមានជំងឺកាមរោគ។

រួមភេទ

៣. រួមភេទពេលពពោះ អាចឲ្យរលូតកូន ឬកូនកើតមុនខែទេ?

ការួមភេទពេលមានផ្ទៃពោះមិនមែនជាមូលហេតុចម្បងធ្វើឲ្យរលូតកូននោះទេ តែទោះយ៉ាងណាគ្រូពេទ្យតែងឲ្យមានការប្រយ័ត្ន និងកាត់បន្ថយការរួមភេទនៅត្រីមាសដំបូងៗនៃការពពោះ។ ចំពោះស្ត្រីដែលធ្លាប់មានប្រវត្តិកូនកើតមុនខែវិញ គ្រូពេទ្យហាមមិនឲ្យរួមភេទទេ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ។

៤. ពិតអត់ រួមភេទជិតគ្រប់ខែ ស្ត្រីអាចសម្រាលកូនលឿន?

បញ្ហានេះនាយិកាសេវាកម្មគ្លីនិក រ៉ាក់ លោកស្រីវេជ្ជបណ្ឌិត ពឹង ជុតិមា បកស្រាយថា ការរួមភេទជិតគ្រប់ខែជួយឲ្យសម្រាលកូនលឿន ប្រហែលជាអាចត្រូវបានខ្លះ ព្រោះពេលយើងរួមភេទម្តងៗ រាងកាយ សាច់ដុំរាងកាយទាំងមូលធ្វើការ ពិសេសសាច់ដុំអាងត្រគាក។ នៅពេលសាច់ដុំធ្វើការ ធ្វើឲ្យពេលសម្រាលកូនសាច់ដុំដំណើរការរស់រវើក មិនស្ពឹកស្រពន់ ល្អក្នុងពេលប្រឹងសម្រាលកូន។ ទោះយ៉ាងណាលោកស្រីវេជ្ជបណ្ឌិតថា អ្វីដែលជួយស្ត្រីសម្រាលបានស្រួល គឺពាក់ព័ន្ធនឹងកាយសម្បទាររបស់ស្រីៗដែលមានអាងត្រគាកធំ ទំហំកូន ទំហំក្បាលកូនសមាមាត្រនឹងអាងត្រគាកម្តាយ ឬអត់ សុកពាំងមាត់ស្បូនឬអត់ ការធ្វើលំហាត់ប្រាណជាដើម។

៥. ក្បាច់បែបណាមានសុវត្ថិភាពពេលពពោះ?

ត្បិតតែពេទ្យមិនហាមឃាត់ការរួមភេទអំឡុងពពោះក្តី តែប្តីប្រពន្ធ ឬដៃគូមិនគួរប្រើក្បាច់រួមភេទណាដែលប្រឈមជាមួយនឹងការរលូតកូន ដូចជាក្បាច់ម្តាយនៅពីលើ និងការរួមភេទខ្លាំងក្លា រួមភេទដោយការបង្ខំ ឬធ្វើទារុណកម្មជាដើម។

អាន៖

នៅមានកង្វល់អ្វីក្រៅពីនេះទៀត?

៥សំណួរ​ពីការរួមភេទពេលមានផ្ទៃពោះដែលស្រីៗបារម្ភនិងចង់ដឹងបំផុត

១. រួមភេទ​ពេល​ពពោះ សុវត្ថិភាព​អត់?

២. លក្ខខណ្ឌ​បែប​ណា​ខ្លះ ស្ត្រី​មិន​គួរ​រួមភេទ​ពេល​ពពោះ?

៣. រួមភេទ​ពេល​ពពោះ ​អាច​ឲ្យ​រលូត​កូន ឬ​កូន​កើត​មុន​ខែ​ទេ?

៤. ពិត​អត់ រួម​ភេទ​ជិត​គ្រប់​​ខែ ស្ត្រី​អាច​សម្រាល​កូន​លឿន?

៥. ក្បាច់​បែប​ណា​មាន​សុវត្ថិភាព​ពេល​ពពោះ?

៥សំណួរពីការរួមភេទពេលមានផ្ទៃពោះដែលស្រីៗបារម្ភនិងចង់ដឹងបំផុត

១. រួមភេទពេលពពោះ សុវត្ថិភាពអត់?

២. លក្ខខណ្ឌបែបណាខ្លះ ស្ត្រីមិនគួររួមភេទពេលពពោះ?

៣. រួមភេទពេលពពោះ អាចឲ្យរលូតកូន ឬកូនកើតមុនខែទេ?

៤. ពិតអត់ រួមភេទជិតគ្រប់ខែ ស្ត្រីអាចសម្រាលកូនលឿន?

៥. ក្បាច់បែបណាមានសុវត្ថិភាពពេលពពោះ?