អាហារជំនួយថាមពលរាងកាយវិញក្រោយរួមភេទ

ជាក់ស្ដែងការរួមភេទម្ដងជាទូទៅ អាចដុតកំដៅថាមពលនៅក្នុងខ្លួនចន្លោះ ពី៦០ ទៅ ១០០ កាឡូរី ដើម្បីជម្រុញ និង បំពេញតម្រូវការក្នុងរាងកាយបានល្អ តែនោះក៏អាស្រ័យលើ សកម្មភាព និងរយៈពេល​ដែល​ដៃ​គូ​ចំណាយ​ក្នុង​កំលុង​​ពេល​ប្រតិបត្ដិការណ៍ផងដែរ។ ជាលទ្ធផល ទើបបណ្ដាលឲ្យដៃគូសងខាងមាន​អារម្មណ៍​​ថា ហត់ហេវ អស់កម្លាំង ក្រោយពេលរួមភេទ។ ដើម្បីឆ្លើយតប និង បំពេញតម្រូវការចាំបាច់នា​ពេល​​នោះ ដៃគូនីមួយៗត្រូវតែយកចិត្ដទុកដាក់ លើរបបអាហារដែលល្អ ដែលអាចធានាបាននូវ គុណ​ប្រយោជន៍​សម្រាប់​សុខភាព និង អាចស្រោចស្រង់ថាមពលដែលប្រើប្រាស់អស់ពីរាងកាយ។ ខាងក្រោមគឺជា របបអាហារសំខាន់ សម្រាប់ដៃគូក្រោយរួមភេទ មានដូចជា៖

១. ផ្លែប៊ឺ

ការរួមភេទតែងតែ ធ្វើឲ្យដៃគូសងខាងត្រូវតែថយចុះថាមពេល ព្រោះជាហេតុ ប្រព័ន្ធសរសៃឈាម ក្នុង​រាង​កាយ​ត្រូវធ្វើ​ចលនា​មមាញឹក គ្រប់ទីកន្លែង។ យ៉ាងនេះហើយ ការទទួទានផ្លែប៊័ គឺជារបប​អាហារ​យ៉ាង​សាកសមមិនថា ភាគីខាង ប្រុស ឬស្រីនោះទេ។ នៅក្នុងផ្លែប៊ីមានផ្ទុកនូវសារធាតុ ចិញ្ចឹម យ៉ាងសំបូរបែប ដូចជា វីតាមីន E ជាដើម ដែលជាប្រភេទ វីតាមីន អាច​ផ្ដល់នូវសារធាតុប្រឆាំង​អុកស៊ីតកម្មដ៏សំខាន់ដែលជួយ​ពង្រីក​សរសៃ​ឈាមឲ្យមានលំហូរបានល្អ មិនត្រឹមតែប៉ុណ្ណោះ ក៏អាចកាត់បន្ថយ​ហានិភ័យនៃជំងឺសរសៃឈាមបេះដូង ហើយ ក៏អាចកាត់បន្ថយការខូចខាត DNA របស់មេជីវិតឈ្មោល។

ស្វែងយល់បន្ថែមតាមរយៈវីដេអូខាងក្រោម៖

២. ផ្លែឪឡឹក

ផ្លែឪឡឹកជាប្រភេទរុក្ខជាតិដែលមានរសជាតិផ្អែមឆ្ងាញ់ ងាយស្រួលរកទិញ​ និងមានគុណសម្បត្ដិ​សម្រាប់​​សុខភាពផ្លូវភេទទៀត​ផង។ ព្រោះថា ផ្លែឈើមួយប្រភេទនេះ​សមានផ្ទុកនូវ អាស៊ីតអាមីណូ Citrulline ដែលជួយជំរុញ និងបង្កើនអារម្មណ៍របស់ដៃគូ ដូច្នេះវាជាអាហារសម្រន់ដ៏ល្អមួយដើម្បីទទួលទានមុន និង ក្រោយពេលរួមភេទ។ ម្យ៉ាងវិញទៀត បើយោងតាមការសិក្សាថ្មីៗរបស់ក្រុមអ្នក ស្រាវជ្រាវជនជាតិអ៊ីតាលី បានលើកឡើងថា អាស៊ីតអាមីណូ citrulline នៅក្នុងផ្លែឪឡឹកធ្វើអោយ លំហូរឈាមដំណើរការ បានល្អ ប្រសើរឡើង ហើយក៏អាចជួយកាត់បន្ថយ ហានិភ័យបញ្ហា អសមត្ថភាពលិង្គផងដែរ។

អត្ថបទគួរអាន៖

• ផ្លែឪឡឹកអាចជាឱសថធម្មជាតិ ជួយប្រុសៗមាន​បញ្ហាលិង្គមិនងាយឡើង​រឹង​
• អាកាសធាតុក្ដៅ ញ៉ាំបន្លែ ផ្លែឈើ ទាំងនេះអាចជួយបំពេញជាតិទឹកបានល្អ
• ចំណង់​ផ្លូវ​ភេទ​ស្រីៗឡើងខ្ពស់​ អាច​មក​ពី​មូលហេតុ​ទាំង​នេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• តើការ​រួម​ភេទអាចដុតកាឡូរីបាន​ច្រើន​ដូច​​ការ​ហាត់ប្រាណ​ដែរ​ ឬអត់?
• ប្រុសៗ! មុនរួមភេទ ធ្វើរឿងនេះ អាចបំផ្លាញសេចក្តីសុខលើគ្រែបាន​
• ប្រុសៗច្រើនយល់ខុសលើចំណុចទាំងនេះ ពេលចាប់​ផ្ដើម​រឿងលើគ្រែ

៣. ផ្លែចេក

ផ្លែចេក អាចផ្ដល់អត្ថប្រយោជន៍ខ្លាំង ទៅលើភាគីដៃគូខាងបុរស ព្រោះផ្លែឈើមួយប្រភេទនេះ មាន​ផ្ទុកទៅដោយ សារធាតុអាហារបំប៉នច្រើន ដូចជាប្រភេទ ប៉ូតាស្យូមជាដើម ព្រោះថា ប៉ូតាស្យូម ជួយ​ជំរុញការផលិតអ័រម៉ូនតេស្តូស្តេរ៉ូន អរម៉ូនភេទបុរស និង បង្កើនចំណង់ផ្លូវភេទ។ មួយវិញទៀត ក៏មាន សារធាតុ Tryptophan ក៏ត្រូវបានគេរកឃើញមាននៅក្នុងផ្លែចេកដែរ​ ដែល​វាជួយបង្កើនទៅដល់អ័រម៉ូន Serotonin ដែលជាប្រភេទ អរម៉ូន ជួយបង្កើនអារម្មណ៍ និង បង្កើន​ចំណង់ផ្លូវភេទរបស់​បុរស។​

៤. ផ្លែប៉ោម

ផ្លែឈើមួយប្រភេទនេះ អាចផ្ដល់អត្ថប្រយោជន៍ខ្ពស់ទៅដល់ដៃគូផ្លូវភេទ ជាពិសេសភាគីខាងស្រី។ ព្រោះថា ផ្លែប៉ោម មាន​ផ្ទុកនូវ សមាសធាតុ polyphenols និង សារធាតុប្រឆាំងអុកស៊ីតកម្ម ដូចជាស្រាក្រហម និងសូកូឡា ដែលអាចជំរុញលំហូរឈាមទៅកាន់ប្រដាប់បន្តពូជ និង ទ្វារមាស បង្កើនភាពស្រើបស្រាល។ មួយវិញទៀត ផ្លែប៉ោមក៏មាន​ផ្ទុកនូវ សារធាតុ phloridzin មានទំនាក់ទំនងជាមួយ អ័រម៉ូន អេស្ត្រូឌីយ៉ូល ដែលមានតួនាទីយ៉ាងសំខាន់ ក្នុងការអភិវឌ្ឍន៍​ ប្រព័ន្ធ​បន្តពូជរបស់ស្ត្រី រួមមាន ស្បូន បំពង់ស្បូន ទ្វារមាស និងថែមទាំង ជួយរក្សាជាតិរំអិល ដល់ប្រព័ន្ធបន្ដពូជស្រ្ដីទៀតផង។ ដូច្នេះផ្លែប៉ោមគួតែជា អាហារ​សម្រន់សំខាន់បំផុត ដែលអ្នកគួរតែ​នឹកឃើញ​ ក្រោយពេលរួមភេទ។

កម្មវិធីពិនិត្យ​បញ្ហាឆាប់ចេញទឹកកាម​អនឡាញ

កម្មវិធីពិនិត្យ​បញ្ហាលិង្គមិនឡើងរឹងអនឡាញ

គណនាការឡើងទម្ងន់ស្ត្រីអំឡុងពពោះទីនេះ

គណនាថ្ងៃសម្រាលកូន នៅត្រង់នេះ

៥. ដំឡូងជ្វា

ដំឡូងជ្វា ក៏ជាជម្រើសដ៏ល្អផងដែរក្នុងកំលុងពេលក្រោយរួមភេទ។ ព្រោះដំឡូងជ្វា ជាប្រភេទអាហារដែល​ងាយ​នឹងឆាប់រលាយពីប្រព័ន្ធរំលាយអាហារ ហើយក៏សម្បូរទៅដោយ​ជាតិ​ប៉ូតា​ស្យូម ដែលជា​សារធាតុរ៉ែ គេស្គាល់ថា អាចទប់ទល់ នឹង ជំងឺ​លើសឈាម ដែលអាចស្ថិតក្នុងស្ថានភាព​ វិវត្ត​ទៅរក​ហា​និភ័យ​ខ្ពស់​ អាចឈានទៅដល់ការខ្សោយ លិង្គ ឬ អសមត្ថភាពលិង្គ។ មិនត្រឹមតែប៉ុណ្ណោះ ដំឡូងជ្វាក៏សម្បូរទៅដោយ​សារធាតុ Beta-carotene ដែលផ្តល់ឱ្យរាងកាយ​នូវវីតាមីន A ដ៏ច្រើន ដែលអាចជួយបង្កើននូវទឹករំអិលនៅ ​មាត់​ស្បូន​ឲ្យយ​កាន់​តែ​ប្រសើរឡើង។