រឿង៥យ៉ាងបុរសៗត្រូវដឹង មុនសម្រេចចិត្ដកោររោមនៅប្រដាប់ភេទ

    រឿង៥យ៉ាងបុរសៗត្រូវដឹង មុនសម្រេចចិត្ដកោររោមនៅប្រដាប់ភេទ

    រោមប្រដាប់ភេទ មានបុរសៗខ្លះក៏រក្សាទុកព្រោះយល់ថាវាក៏មានអត្ថប្រយោជន៍ និងមិនបង្កការរំខានអ្វីនោះដែរ ប៉ុន្ដែក៏មានបុរសៗមួយចំនួនទៀតមិនចូលចិត្ដទុកនោះទេ ពោល​គឺអាស្រ័យលើជំនឿបុគ្គល។ ប៉ុន្ដែយ៉ាងណាក៏ដោយ មុនពេលសម្រេចចិត្ដកោរ ឬជម្រុះរោមប្រដាប់ភេទ​ចេញ ក៏ត្រូវនឹកឃើញអត្ថប្រយោជន៍ទាំង​៥ចំណុចសំខាន់ៗនេះ​សិនដែរ​។​

    ពេលធ្វើសកម្មភាពផ្សេងៗ មិនថាការលេងកីឡា ហាត់ប្រាណ ដើរ រត់ ឬសកម្មភាពផ្លូវភេទនោះទេ រោមនៅតំបន់នេះ​ក៏មានតួនាទីពិសេសរបស់វា គឺអាចទប់ស្កាត់នឹងការកកិតបាន។ តួយ៉ាងការកកិតដែលអាចកើតមានជា​មួយ​​នឹងខោក្នុងតែម្ដង នៅពេលយើង​ធ្វើកសម្មភាពនានា​។ កាលណាយើងកោររោមចេញ ស្បែកនឹងប្រ​ឈម​ប៉ះពាល់ផ្ទាល់ជាមួយនឹងខោ ករណីខ្លះបង្កទៅជារលាក បង្កជាការឡើងកន្ទួលរមាស់បាន។

    ២.រក្សាសីតុណ្ហភាព

    រោមនៅតំបន់ពិសេសនេះប្រសិនជាទុកអាចជួយរក្សាសីតុណ្ហភាព ពេលយើងស្លៀកខោ។ មិនថាអាការធាតុក្ដៅ ឬត្រជាក់នោះទេ វាអាចជួយរក្សាសីតុណ្ហភាពបានល្អ ពិសេសរក្សាសំណើមស្បែកមិនឲ្យស្ងួត។

    ៣.បង្កើនអារម្មណ៍ដៃគូ

    បុរសៗខ្លះយល់ឃើញថា ការទុករោមគឺគ្មានភាពទាក់ទាញចំពោះដៃគូ ប៉ុន្ដែមិនដូច្នោះទេ ការទុករោមគឺមានគុណប្រយោជន៍ដល់ដៃគូទៅវិញ ព្រោះវាអាចជួយឲ្យភាគីខាងស្រីអាចកើតមានអារម្មណ៍ស្រើបស្រាល និងរំញោចខ្លាំង ពេល​រោមនោះទៅប៉ះមាត់ទ្វារមាស។ ដៃគូអាចនឹងទទួលបានអារម្មណ៍កាន់តែរីករាយ ពេលមានការកកិតជាមួយរោមនោះ។ ដូច្នេះគឺមានប្រយោជន៍ណាស់បើទុកវានោះ។

    ៤.ការពារឡើងកន្ទួល

    បុរសៗត្រូវដឹងថា ការកោររោមនឹងធ្វើឲ្យគល់រោមថ្មីចាប់ផ្ដើមដុះមកវិញលឿន ហើយទំហំក៏ធំជាងមុន មិនត្រឹមតែប៉ុណ្ណោះ រោមដែលដុះឡើងមកវិញអាចធ្វើឲ្យយើងប្រឈមនឹងការរមាស់ ពិបាកទ្រាំ ស្ទើតែមិនអាចទ្រាំមិនអេះមិនបាន។ ពិសេសអ្នកដែលប្រើប្រាស់ក្រេមបន្ទន់ ដែលមានជាតិកាត់ខ្លាំង ធ្វើឲ្យអាលែកហ្ស៊ីស្បែក។

    ៥.ប្រឈមនឹងការដាច់រលាត់

    ការកោររោមនៅត្រង់បរិវេណប្រដាប់ភេទបើមិនប្រុងប្រយ័ត្នអាចប្រឈមការមុត ឬដាច់រលាត់ស្បែក ព្រោះកោសិកាស្បែកនៅត្រង់ចំណុចនោះមានសភាពស្ដើង ជាមូលហេតុធ្វើឲ្យអ្នកកោរត្រូវប្រុងប្រយ័ត្នបំផុត។ បន្ថែមពីលើនេះទៀត ការកោររោមអាចប្រឈមនឹងការឆ្លងជំងឺសើរស្បែកដែរ។

    កោររោម

    អត្ថបទគួរអាន៖

    តាមការសិក្សាបានបង្ហាញថា រោមនៅត្រង់បរិវេណប្រដាប់ភេទក៏អាចជារនាំងការពារភាពកកិតដោយផ្ទាល់រវាងស្បែកនឹងស្បែកពេលកំពុងរួមភេទ។ ដូច្នេះប្រសិនបើ ដៃគូមានបញ្ហាជំងឺសើរស្បែក ស្របពេលយើងមិនមានរោមការពារទៀតនោះ ក៏ជាឱកាសមួយងាយឆ្លងមេរោគបានលឿន។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ អឿ អ៊ុយ · កែ 14/10/2022

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម