home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

កើតហឺត អាច​ប៉ះពាល់រឿង​រួមភេទ​កម្រិត​ណា?

កើតហឺត អាច​ប៉ះពាល់រឿង​រួមភេទ​កម្រិត​ណា?

ហឺត ប៉ះពាល់​ដល់ដង្ហើម​យើង ថប់ដង្ហើម ចុះបើរួមភេទ​ម្ដងៗ ដែលត្រូវការអារម្មណ៍ និងសំឡេង​ស្រើបស្រាល តើហឺតអាចប៉ះពាល់ដែរអត់? “Hello គ្រូពេទ្យ” នឹង​លើក​ឡើង​ទំនាក់​ទំនង​ជំងឺ​ហឺត និង​បញ្ហា​ផ្លូវ​ភេទ ព្រមទាំងដំណោះស្រាយ ដើម្បី​ឲ្យ​ជីវិត​ផ្លូវភេទ​យើង​ស្រណុក​សុខស្រួល។

១- ជំងឺ​ហឺត​បង្ក​បញ្ហា​ដល់​ការ​រួមភេទ​

ជំងឺ​ហឺត បង្ក​ឲ្យ​មាន​ផល​ប៉ះពាល់​ទៅ​លើ​សួត ធ្វើ​ឲ្យ​បំពង់​ខ្យល់​ចង្អៀត និង​រលាក ពិបាក​ដក​ដង្ហើម​ដោយ​រោគ​សញ្ញា​មាន​ដូចជា បន្លឺ​សំឡេង​ហួច ពេល​ដក​ដង្ហើម​ក្អក ចុក តឹង​ទ្រូង ឬ​ហត់។

ហេតុ​ផល​ទាំង​លើសុទ្ធ​តែ​ធ្វើ​ឲ្យ​ប៉ះពាល់​ការរួម​ភេទ។ បើ​យើង​មាន​អាការៈ​ថប់​ដើម​ទ្រូង ហើយ​បន្លឺ​សំឡេង​ដូច​ហួច​កាន់​តែ​ខ្លាំង​ឡើងៗ​អំឡុង​ពេល​រួមភេទ ឬ​មាន​អារម្មណ៍​ថាតឹង​ទ្រូង​ជិត​ផ្ទុះ ពិបាក​ដក​ដង្ហើម ដោយ​សារ​តែ​គ្មាន​ខ្យល់​ចេញ​ចូល​ក្នុង​សួត ត្រូវ​តែ​ឈប់​រួមភេទ និង​លេប​ថ្នាំ​ជា​បន្ទាន់ ដែលនេះធ្វើឲ្យ​​ប៉ះពាល់​ដល់​អារម្មណ៍​ផ្លូវ​ភេទ​យើង។

មួយ​វិញ​ទៀត ចំពោះ​ស្រីៗ​មាន​ជំងឺ​នេះ ការ​រួម​ភេទតាម​មាត់ អាច​នឹង​មិន​ធ្វើ​ទៅ​រួច​ដូច​គ្នា ដោយសារ​តែ​បញ្ហា​​ដក​ដង្ហើម ធ្វើ​ឲ្យ​យើង​ងាយ​ប្រតិកម្ម​ជាមួយ​ទឹក​កាម​ប្រុសៗ ឬ​ស្រោម​អនាម័យ​ផលិត​ពី​កៅស៊ូ។

កត្តា​ទាំង​នេះអាច​ធ្វើ​ឲ្យ​យើង​ និង​ដៃ​គូ មាន​បញ្ហា​សតិ​អារម្មណ៍ ដូចជា ខ្មាស​អៀន គ្មាន​ផាសុកភាព​ ស្រ្ដេស និង​ខ្លាច​ដៃ​គូ​មាន​គ្រោះថ្នាក់ មាន​អារម្មណ៍​ថា​ដៃ​គូ​ឈប់​ស្រលាញ់​ខ្លួន ក៏​ដូច​ជា​អារម្មណ៍​ស្អប់​ខ្លួន​ឯង មិន​អាច​ប្រឈម​នឹង​បញ្ហា​ទាំង​នេះ ធ្វើ​ឲ្យ​សម្រេច​ចិត្ត​កាត់​ផ្ដាច់​ទំនាក់ទំនង​ស្នេហ៍​ក៏​មាន។

២- ប្រាប់​ដៃ​គូ​យើងត្រង់ៗពី​បញ្ហា​ហឺត

ភាព​ស្មោះត្រង់ ធ្វើ​ឲ្យ​យើង​រក្សា​ទំនាក់ទំនង​ស្នេហា​បាន​យូរ​អង្វែង ក៏​មិន​ធ្វើ​ឲ្យ​ខាត​បង់​អ្វី​នោះ​ដែរ ក៏​អាច​សម្រួល​ដល់​ការ​គ្រប់​គ្រង​ស្ថាន​ភាព​ជំងឺ​យើង​បាន ដូចជា៖

– អាច​ប្រើ​ស្រ្ពាយ​បាញ់​មាត់ដោយ​មិន​ចាំ​បាច់​ខ្លាច​ចិត្ត​ដៃ​គូ​
– ដៃគូ​ក៏​អាច​ជួយ​យើង​បាន ក្នុង​ករណី​មាន​អាសន្ន​ដោយ​សារ​ជំងឺ​
– ដៃគូមើល​ថែ​យើង និង​ជួយ​មិន​ឲ្យ​ជំងឺ​រើ​ឡើង​
– យល់​ពី​យើង​កាន់​តែ​ច្បាស់ពី​ហេតុផល​មិន​អាច​រួមភេទ ឬ​ចេញ​ក្រៅ​ដើរ​លេង​បាន។

អត្ថបទ​ពាក់ព័ន្ធ៖

  • ធ្លាប់ត្រូវជំងឺហឺតធ្វើទុកធ្ងន់​ធ្ងរ​​ភ្លាម​ៗអត់? បើមាន នេះវិធីដោះស្រាយ
  • បើពេលហាត់ប្រាណ ប្រទះ​អាការៈ​ទាំង​នេះ ត្រូវ​ប្រយ័ត្ន​ផង!

៣- វិធីសាស្រ្ដ​រួមភេទ​ ពេល​មាន​ជំងឺ​ហឺត

ទោះ​កើតហឺត ​ក៏​នៅ​តែ​អាច​រួម​ភេទ​បាន​ដូចគ្នា ដោយ​គ្រាន់​តែ​ប្រើ​វិធី​សាស្ត្រ​ដូច​ខាង​ក្រោម៖

– រៀប​រាប់​អាការៈ និង​ស្ថានភាព​ជំងឺ​ឲ្យ​បាន​ច្បាស់លាស់​ទៅ​កាន់​ដៃ​គូ ព្រោះ​ការ​ចេះ​យោគយល់​គ្នា​នឹង​មិន​ធ្វើ​ឲ្យ​មាន​គ្រោះថ្នាក់​អំឡុង​ពេល​រួមភេទ ដូចជា​ មាន​ស្រ្ពាយ​បាញ់​មាត់​ជិត​ខ្លួន​ពេល​រួមភេទ​ ដើម្បី​មាន​អារម្មណ៍​កាន់​តែ​ទុក​ចិត្ត។
– ឈប់​ខ្មាស​អៀន​រឿង​ប្រើ​ស្ព្រាយ​បាញ់​មាត់ ពេល​នៅ​ជិត​ដៃ​គូ ព្រោះ​ដៃ​គូ​ក៏​បារម្ភ និង​មិន​ចង់​ឲ្យ​មាន​រឿង​អ្វី​ប៉ះពាល់​ដល់​អាយុ​ជីវិត​យើង​ដែរ។
– ពិគ្រោះ​ជាមួយ​គ្រូពេទ្យ​ពី​ជំងឺ​ហឺត ដែល​ប៉ះពាល់​ទៅ​លើ​ជីវិត​ផ្លូវភេទ ទំនាក់ទំនង និង​អារម្មណ៍​ ព្រោះ​អាច​ធ្វើ​ឲ្យ​យើងលែង​មាន​ភាព​តានតឹង និង​ទទួល​បាន​ដំបូន្មាន​ល្អៗ​ពី​ពេទ្យ។
– កត់​សម្គាល់​រោគ​សញ្ញា និង​កត្តា​ធ្វើ​ឲ្យ​ជំងឺ​ហឺត​រើ​ឡើង ដូចជា ​គ្រឿង​ស្រវឹង ក្លិន ឬ​ជាតិ​កៅស៊ូ។
– គោរព​តាម​វេជ្ជបញ្ជា​គ្រូពេទ្យ ដោយ​លេប​ថ្នាំ​តាម​ផែនការ​ព្យាបាល និង​ទៅ​ពិនិត្យ​ឲ្យ​បាន​ទៀងទាត់​ដើម្បី​កាត់​បន្ថយ​ការ​រើ​ឡើង​របស់​ជំងឺ​ហឺត។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

What Is Asthma?. https://www.nhlbi.nih.gov/health/health-topics/topics/asthma. Accessed June 5, 2017.

Asthma. http://www.mayoclinic.org/diseases-conditions/asthma/basics/definition/con-20026992. Accessed June 5, 2017.

Asthma sufferers ‘struggling with their sex lives’. http://www.bbc.com/news/health-38930800. Accessed June 5, 2017.

Asthma Linked to Sexual Problems. http://www.webmd.com/asthma/news/20000508/asthma-linked-sexual-problems#1. Accessed June 5, 2017.

Meyer I, Sternfels P, Fagan JK, Ford JG. Asthma-Related Limitations in Sexual Functioning: An Important but Neglected Area of Quality of Life. American Journal of Public Health. 2002 May;92(5):770-772.

រូបថត​របស់​អ្នក​និពន្ធbadge
ដោយ យ៉ានណែត​ នីគែល កែសម្រួល​ចុងក្រោយ 12/06/2019
ត្រួតពិនិត្យដោយ វេជ្ជ. ចាន់ ស៊ីណេត
x