ធ្លាប់សុខៗរមាស់ស្បែកខ្លាំង ពិសេសនៅលើថ្ងាសកន្លែងពិសេសសម្ងាត់អត់? បើធ្លាប់ ច្បាស់មានឆ្លងចៃម្យ៉ាងហើយ តែមិនមែនដូចចៃលើក្បាលទេ កុំច្រឡំ។ ជំងឺស្បែកនេះ ហៅថា Scabies គឺកើតឡើងដោយសារចៃម្យ៉ាងតូចខ្លាំង ធម្មតាយើងមើលអត់ឃើញទេ ណាមួយងាយឆ្លងតាមការរួមភេទទៀតផង។ “Hello គ្រូពេទ្យ” នឹងប្រាប់រោគសញ្ញា វិធីបង្ការជំងឺចៃនេះឲ្យគ្នាយើងបានដឹង។
ជំងឺចៃម្យ៉ាង អាចឆ្លងពេលរួមភេទ ធ្វើឲ្យស្បែករមាស់ខ្លាំង
១- អ្វីទៅជាជំងឺចៃលើស្បែក Scabies?
Scabies សំដៅលើបញ្ហាស្បែកម្យ៉ាង ដែលនៅលើស្បែកយើងមានសភាពរមាស់ខ្លាំង ហើយបញ្ហានេះកើតឡើងនៅពេលមានប៉ារ៉ាស៊ីតតូចមួយ ឈ្មោះថា Sarcoptes scabies បានទម្លាក់ពងលើស្បែកយើង និងធ្វើឲ្យរលាកស្រទាប់ស្បែកខាងលើ នាំឲ្យស្បែករមាស់ និងក្រហាយបាន។ ដោយសារតែចៃទាំងនោះមានទំហំតូចពេក ធម្មតាមិនងាយមើលវាឃើញដោយភ្នែកទទេឡើយ។
២- ជំងឺចៃលើស្បែកឆ្លងតាមវិធីណា?
ចៃប្រភេទនេះ អាចឆ្លងតាមរយៈការប៉ះស្បែកជាមួយស្បែកនរណាម្នាក់មានផ្ទុកវា ជាទូទៅវាកើតឡើងនៅពេលយើងរួមភេទ និងរស់នៅស្និទ្ធស្នាលជាមួយដៃគូ មានផ្ទុកពពួកចៃនេះរយៈពេលយូរ។ ទោះបី យើងភាគច្រើនឆ្លងចៃ នៅពេលរួមភេទក្ដី តែវាក៏អាចឆ្លងដោយកត្តាផ្សេងទៀតបានដូចគ្នា។
ចៃនេះ អាចឆ្លងពីម្នាក់ទៅម្នាក់ទៀត ដែលរស់នៅក្នុងផ្ទះជាមួយគ្នា ហើយគេបានរកឃើញមានវត្តមានរបស់វានៅតាមកន្លែងមានមនុស្សច្រើន ជាពិសេសកន្លែងមើលថែទាំចាស់ៗ ពន្ធនាគារ និងកន្លែងថែទាំក្មេង ជាដើម។ ប្រើប្រាស់របស់រួមគ្នា ដូចជា ខោអាវ កន្សែង ឬគេងគ្រែជាមួយគ្នា យើងកើតរោគចៃនេះ សុទ្ធតែអាចឆ្លងបានគ្រប់ពេល។ យ៉ាងណា បើគ្រាន់តែប៉ះសាច់គ្នាមួយភ្លែត ចាប់ដៃ ឬឱបគ្នាបន្តិច មិនអាចឆ្លងចៃបានទេ។ អត្រាអាចឆ្លងចៃពីកន្លែងបង្គន់សាធារណៈ ក៏មានកម្រិតទាបដូចគ្នា ហើយជាទូទៅយើងងាយឆ្លងចៃប្រភេទនេះ លុះត្រាតែរស់នៅស្និទ្ធស្នាលខ្លាំងជាមួយដៃគូមានចៃ ពិសេសពេលរួមភេទតែម្តង។
អត្ថបទពាក់ព័ន្ធ៖
- ស្រីៗស្លៀកខោរឹបៗ ហើយច្រឹបស្មៅកន្លែងសម្ងាត់ អាចជួបរឿងស៊យ
- ដឹងមូលហេតុបង្ក និងរោគសញ្ញា ទើបការពារខ្លួនពីមេរោគ HPV
៣- រោគសញ្ញាឆ្លងចៃលើស្បែក
នៅពេលយើងមានឆ្លងចៃប្រភេទនេះ អាចនឹងលេចចេញអាការៈមួយចំនួនដូចជា៖
– រមាស់ស្បែកខ្លាំងនៅពេលយប់ ឬក្រោយពេលងូតទឹកក្ដៅរួច
– មានខ្សែឆ្នូតពណ៌សនៅក្រោមស្បែក
– មានឡើងក្រហម និងកន្ទួលនៅស្រទាប់ស្បែកខាងលើ
– មានកន្ទួលនៅលើប្រដាប់ភេទ ឬនៅស្បែកគូទ ជង្គង់ នៅតាមចង្កេះ ដើមដៃ កដៃ និងនៅតាមចន្លោះម្រាមដៃជាដើម។
៤- វិធីព្យាបាល
វិធីព្យាបាលចៃប្រភេទនេះ ត្រូវប្រើថ្នាំ Scabicide។ ថ្នាំនេះត្រូវបានផលិតឡើងជាពិសេស សម្រាប់សម្លាប់ចៃប្រភេទនេះ ជាប្រភេទថ្នាំលាបលើស្បែក អាចយកមកដុសតាមដងខ្លួន ហើយលាងសម្អាតចេញវិញ នៅប៉ុន្មានម៉ោងក្រោយ។ ក្នុងករណីខ្លះ យើងក៏អាចប្រើថ្នាំគ្រាប់បន្ថែមបានដែរ។
ក្រៅពីការប្រើថ្នាំ ត្រូវលាងសម្អាត ឬសម្ងួតកន្លែងគេង កន្សែង និងខោអាវទុកចោលនៅក្នុងទូ។ បើយើងមានរបស់ខ្លះមិនអាចយកវាមកលាងសម្អាតបាន ត្រូវយករបស់ទាំងអស់នោះ ច្រកទុកក្នុងថង់ឲ្យបានយ៉ាងហោចណាស់ក៏បាន ៣ ថ្ងៃ ដើម្បីឲ្យចៃ និងពងរបស់វាងាប់សិន។ មិនចាំបាច់ត្រូវហៅក្រុមកម្ចាត់សត្វល្អិត នាំតែខាតលុយនោះទេ ប៉ុន្តែត្រូវបោសសម្អាត ឬប្រើម៉ាស៊ីនបឺតធូលី សម្អាតតាមកម្រាល និងគ្រឿងសង្ហារឹមក្នុងផ្ទះ រូចហើយយកសម្រាមទាំងអស់ទៅបោះចោលឲ្យបានត្រឹមត្រូវ។
បើលើស្បែកយើងមានផ្ទុកចៃ ក៏គួរប្រាប់ដៃគូ ឬសមាជិកគ្រួសារ ជិតស្និទ្ធជាមួយយើងទទួលការព្យាបាលផង បែបនេះទើបគឺអាចទប់ស្កាត់មិនឲ្យចៃឆ្លងទៅវិញទៅមកបាន។ មិនគួររួមភេទជាមួយដៃគូ អំឡុងពេលដឹង ឬសង្ស័យមានឆ្លងចៃនោះឡើយ គួររង់ចាំការព្យាបាលបានចប់សព្វគ្រប់សិន។ ករណីខ្លះ ទោះព្យាបាលចប់រយៈពេល ២-៣ សប្តាហ៍ហើយក្តី យើងប្រហែលជាអាចនៅមានអារម្មណ៍រមាស់ ប៉ុន្តែបើអ្នកនៅតែមានអារម្មណ៍រមាស់ ឬរមាស់ខ្លាំងលើសដើម ឬឃើញឡើងកន្ទួលនៅកន្លែងផ្សេង គួរប្រញាប់ទៅជួបគ្រូពេទ្យជាបន្ទាន់ ដើម្បីទទួលការព្យាបាលម្ដងទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម