ជំងឺសិរមាន់ ក៏មិនធម្មតាដែរ ទាំងនេះជារោគសញ្ញាទាំង ៦ ស្រីៗគួរដឹង!

ជំងឺសិរមាន់ជាជំងឺដែលកើតឡើងនៅលើប្រដាប់ភេទ ហើយឆ្លងតាម​រយៈ​ការរួមភេទដោយសារ​មេរោគ HPV ប្រភេទ ៦ និង ១១។ តើជំងឺសិរមាន់​មានអាកាៈដូចម្តេចខ្លះ? អាចជាសះស្បើយ​ដោយ​ខ្លួនឯងទេ? ហើយអាចព្យាបាលតាមវិធីណាខ្លះ?

សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និង​ជាប្រធានមន្ទីរពហុព្យាបាល និង​សម្ភព​ត្បូងពេជ្របានលើកឡើងថា ស្រ្តី​ភាគច្រើនមិនដឹងថា ខ្លួនកើតជំងឺសិរមាន់​លើប្រដាប់​ភេទ​ទេ ប៉ុន្តែក៏​អាច​មាន​ស្រ្តីមួយ​ចំនួនអាចមានរោគសញ្ញាដូចជា៖

• ក្រហាយ ឬឈឺទ្វារមាស
• ធ្លាក់ស
• រមាស់ទ្វារមាស

ជំងឺសិរមាន់អាចជាដោយខ្លួនឯងទេ?​

ជាទូទៅបើជំងឺសិរមាន់មានកម្រិតស្រាល ដុះតិចតួច ហើយ​បើ​យើង​មានសុខភាពល្អ និងមានអង់ទីករខ្លាំង ពេលឆ្លងហើយគឺអាចជាដោយខ្លួន​ឯង ប៉ុន្តែយើងអាច​ចម្លង​ជំងឺឱ្យដៃគូ (ជាពិសេសបុរស)។ ផ្ទុយមកវិញអ្នក​ជំងឺមួយចំនួនអាចដុះកាន់តែច្រើន។

ចង់គណនា BMR ចុចទីនេះ!

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

ចង់គណនាថ្ងៃមេជីវិតញីទុំធ្លាក់ ចុចទីនេះ!

ព្យាបាលតាមវីធិណាខ្លះ?

ជំងឺសិរមាន់អាចព្យាបាលជាសះស្បើយ ប៉ុន្តែត្រូវព្យាបាលតាមស្ថានភាពជំងឺ​ដោយមធ្យោបាយ​ដូច​ខាងក្រោម៖

– បើសិរមាន់ដុះច្រើន៖ ព្យាបាលដោយប្រើថ្នាំ

– បើសិរមាន់ដុះធំមានទងដូចផ្កាខាត់ណា៖ ត្រូវព្យាបាលដោយ៖

• ការដុតដោយកាំបិតអគ្គិសនី
• ការបាញ់កាំរស្មី
• ប្រើវិធីបង្កក​​រួច​កាត់​
• ការកាត់ចេញ

ជំងឺសិរមាន់អាចបង្កផលវិបាកដល់សុខភាពបែបណាខ្លះ?

ជាទូទៅជំងឺសិរមាន់មិនបង្កផលវិបាកអ្វីធ្ងន់ធ្ងរទេ ព្រោះបើយើងកើតតិចតួច ជំងឺអាចនឹងបាត់ទៅវិញ​ដោយខ្លួនឯង តែបើសិរមាន់ដុះធំអាចបង្កទៅជាដំបៅ រលាក ឬមានបង្ករោគនៅក្នុងទ្វារមាស ឬក្នុង​ឈាម​ជាដើម។

បើយើងកើតជំងឺសិរមាន់ យើងត្រូវព្យាបាលឱ្យបានជាសះស្បើយទាំងពីរនាក់​ (ទាំងប្តី និងប្រពន្ធ) ទោះជាខាងស្វាមីមិនមានចេញរោគសញ្ញាក៏ ដោយ បើមិនដូច្នោះទេ​អាចឆ្លងទៅឆ្លង​មក​តាម​រយៈ​ការ​រួម​ភេទ។

អត្ថបទគួរអាន៖

• ៥ សំណួរ ស្រីៗមិនធ្លាប់ប្រើថ្នាំពន្យារកំណើតតែងចង់ដឹង
• ប្រើស្រោមអនាម័យហើយនៅភ្លាត់ស្នៀតទៀត តោះមកដឹងពីមូលហេតុ
• ជំងឺប្រមេះ! ឮតែឈ្មោះ តើវាអាចបង្កគ្រោះថ្នាក់ដល់ជីវិតទេ?
• បញ្ហាប្រឈម ក្រោយរួមភេទដោយមិនបានការពារ
• ចៃលើស្បែក​ម្យ៉ាងងាយ​ឆ្លងពីម្នាក់ទៅ​ម្នាក់​ពេល​រួមភេទ ឬនៅស្និទ្ធស្នាល
• បង្ការការឆ្លងរោគ រួមភេទហើយ កុំភ្លេចធ្វើរឿងសំខាន់នេះ