home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ការរួមភេទផ្ដល់ប្រយោជន៍សុខភាព ចំពោះអ្នកធ្លាប់គាំងបេះដូង

ការរួមភេទផ្ដល់ប្រយោជន៍សុខភាព ចំពោះអ្នកធ្លាប់គាំងបេះដូង

គូស្វាមី​ភរិយា​មួយ​ចំនួន​ទំនងជា​គិត​ថា​ការ​វិល​ទៅ​រក​សកម្មភាព​លើ​គ្រែ​ក្រោយ​​ភាគី​ណា​មួយ​ជួប​បញ្ហា​គាំង​បេះដូង​ ទំនងជា​​អាច​បង្ក​ឲ្យ​មាន​គ្រោះ​ថ្នាក់។ ប៉ុន្តែ​ការ​សិក្សា​បាន​រក​ឃើញ​ថា ការ​វិល​ទៅ​រក​សកម្មភាព​លើ​គ្រែ​វិញ ក្នុង​រយៈពេល​ពីរ​បី​ខែ​ក្រោយ​មាន​អាការៈ​គាំង​បេះ​ដូង មាន​ទំនាក់​ទំនង​នៅ​នឹង​ជួយ​ឲ្យ​ការ​រស់​នៅ​បាន​ប្រ​សើរ​ជាមុន​។

​​​ការសិក្សា​បាន​អះអាង​ថា​សកម្មភាព​រួម​ភេទ​ជា​ចំណែក​មួយ​ជួយ​ដល់​សុខុមាលភាព​របស់​មនុស្ស​យើង ហើយ​ថា​ការ​វិល​ទៅ​រក​សកម្មភាព​រួម​ភេទ​វិញ​ក្រោយ​មាន​ជំងឺ​គាំង​បេះ​ដូង ក៏​ជា​ផ្នែក​​មួយ​ជួយ​ដល់​សុខ​ភាព​។​

ការ​សិក្សា​នេះ​បាន​ចុះ​ផ្សាយ​ក្នុង European Journal of Preventive Cardiology កាលពី​ថ្ងៃទី​២៣ ខែ​កញ្ញា ឆ្នាំ​២០២០។ ការ​សិក្សា​បាន​ប្រ​មូល​ព័ត៌មាន​លើ​មនុស្ស​ដែល​មាន​សកម្មភាព​ផ្លូ​វភេទ​ចំនួន​៤៩៥​នាក់ និង​បាន​ចូល​សម្រាក​ព្យាបាល​នៅ​មន្ទីរពេទ្យ​រវាង​ឆ្នាំ​១៩៩២ ឬ​១៩៩៣ ពេល​ដែល​អ្នក​ទាំង​នោះ​ជួប​បញ្ហា​គាំង​បេះ​ដូង​លើក​ដំបូង​។​

គាំងបេះដូងHello_គ្រូពេទ្យ

លទ្ធ​ផល​សិក្សា​បង្ហាញ​ថា​អ្នក​ដែល​បាន​រក្សា​សកម្មភាព​ ឬ​បង្កើន​សកម្មភាព​រួមភេទ​ក្នុង​រង្វង់​ពេល​ប្រាំមួយ​ខែបន្ទាប់ពី​មាន​បញ្ហា​គាំង​បេះ​ដូង​ ប្រឈម​នឹង​ការ​ស្លាប់​៣៥​ភាគ​រយ​ទាប​ជាង​អ្នក​ដែល​មិន​សូវ​មាន​សកម្មភាព​រួម​ភេទ​ឡើង​វិញ។

ថ្វី​ដ្បិត​តែ​ការ​សិក្សា​ខាង​លើ​មិន​អាច​បញ្ជាក់​បាន​ច្បាស់​ថា​ការ​រួម​ភេទ​ជួយ​ឲ្យ​អ្នក​ជួប​បញ្ហា​គាំង​បេះ​ដូង​រស់​នៅ​បាន​យូរ​ក៏​ដោយ​ចុះ តែ​ថា​កត្តា​សកម្មភាព​រួមភេទ និង​ការ​រស់នៅ​បាន​យូរ​អង្វែង​គឺ​​​​មាន​ទំនាក់​ទំនង​គ្នា​។

ក្រុម​អ្នក​ស្រាវ​ជ្រាវ​ពន្យល់​ថា​ការ​រួម​ភេទ​ជា​ទម្រង់​មួយ​នៃការ​ធ្វើ​លំហាត់​ប្រាណ ដែល​ជួយ​ដល់​ចង្វាក់​បេះ​ដូង និង​សម្ពាធ​ឈាម។ ទោះបី​ថា​ការ​ហាត់ប្រាណ​ខ្លាំងៗ​ ពេល​ខ្លះ​ធ្វើឲ្យ​មនុស្ស​យើង​ជួប​បញ្ហា​គាំង​បេះដូង តែថា​ការ​ហាត់​ប្រាណ​បាន​ទៀង​ទាត់​ជួយ​កាត់​បន្ថយ​ហានិភ័យ​បញ្ហា​សុខ​ភាព​បេះ​ដូង​បាន​យូរ​អង្វែង​។​

ដូច​នេះ​ហើយ តាម​រយៈ​ការ​សិក្សា​នេះ ក្រុម​អ្នក​ស្រាវ​ជ្រាវ​ថា​​គួរ​តែ​អាច​ជួយ​កាត់បន្ថយ​ការ​ភ័យ​ខ្លាច​បាន​ខ្លះ​ដល់​អ្នក​ធ្លាប់​ជួប​បញ្ហា​គាំង​បេះ​ដូង និង​អាច​វិល​ត្រឡប់​ទៅ​រក​សកម្មភាព​លើ​គ្រែ​របស់​ខ្លួន​វិញ​បាន​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.webmd.com/sex-relationships/news/20200923/had-a-heart-attack-resuming-sex-soon-after-might-be-healthy#1

https://www.health.harvard.edu/heart-health/resuming-sex-within-months-of-a-heart-attack-linked-to-longer-survival

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 04/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x