គ្នាយើងភាគច្រើនធ្វើការជាមួយនឹងកុំព្យូទ័រ ហើយក្នុងមួយថ្ងៃៗប្រើពេលយូរម៉ោងទៀតផង។ ដឹងទេថាការអង្គុយធ្វើការយូរម៉ោងមុខកុំព្យូទ័រអាចបង្កបញ្ហាដល់ភ្នែក ខ្នង និងក? ដើម្បីចៀសវាងការឈឺខ្នង ចុកក និងបញ្ហាភ្នែក យើងអាចអនុវត្តវិធីទាំងនេះក្នុងទម្លាប់ប្រចាំថ្ងៃ ដើម្បីដោះស្រាយបញ្ហាទាំងនេះបាន។
តិចនិក ៥ យ៉ាង ដោះស្រាយបញ្ហាឈឺខ្នង ឈឺភ្នែក ពេលធ្វើការយូរម៉ោងជាមួយកុំព្យូទ័រ
ត្រួតពិនិត្យដោយ ទូច សុខា
១. រៀបចំតុធ្វើការ
កន្លែងដាក់កុំព្យូទ័រសម្រាប់ធ្វើការគឺសំខាន់សម្រាប់ភ្នែកណាស់។ ប្រសិនជាយើងមើលទៅក្រោមពេក យើងអាចឈឺខ្នង និងចុកក ហើយបើយើងងើយទៅលើពេក យើងក៏អាចនឹងមានបញ្ហាភ្នែកស្ងួត។ ដូចនេះគួរជ្រើសរើសតុសម្រាប់កុំព្យូទ័រ ឬដាក់សៀវភៅកល់ខាងក្រោមកុំព្យូទ័រដើម្បីឲ្យភ្នែកមើលទៅអេក្រង់ត្រឹមតែ១០ដឺក្រេ។
២. ផឹកទឹកឲ្យគ្រប់គ្រាន់
ការផឹកទឹកគឺជួយឲ្យសុខភាពល្អ និងអាចជួយសម្រកទម្ងន់ និងបន្ថែមថាមពលដល់រាងកាយ។ ម៉្យាងទៀត ការផឹកទឹកជួយឲ្យយើងងើបពីតុធ្វើការដើម្បីទៅដាក់ទឹកបន្ថែម ឬទៅបន្ទប់ទឹក ជាឱកាសឲ្យភ្នែកយើងបានសម្រាកខ្លះ។
៣. ងើបឡើង និងធ្វើចលនា
បញ្ហាកើតឡើងមកពីការអង្គុយយូរមុខកុំព្យូទ័រដោយមិនងើបឡើងធ្វើចលនា។ យើងគួរងើបឡើង និងធ្វើចលនាឲ្យបានច្រើន។ យើងក៏អាចប្រើម៉ោងរោទ៍រៀងរាល់មួយម៉ោងម្តងដើម្បីឲ្យយើងងើបឡើង និងធ្វើចលនាដូចជាការដើរជាដើម។ ការដើរគឺអាចជួយសម្រួលដល់ចរន្តឈាម បំបាត់ការឈឺខ្នង និងក និងអាចដុតកាឡូរីបានទៀត។
៤. សម្រាកភ្នែក
ការសម្លឹងកុំព្យូទ័រយូរអាចធ្វើឲ្យភ្នែកមានបញ្ហា ឈឺក្បាល ឬបញ្ហាសុខភាពផ្សេងទៀត។ យើងអាចសម្រាកភ្នែកបន្តិចដោយរៀងរាល់២០នាទីយើងអាចងាកមើលវត្ថុផ្សេងចម្ងាយយ៉ាងតិច៦ម៉ែត្រពីយើងរយៈពេល២០វិនាទី។ ក្រៅពីនេះយើងគួរដំឡើងទំហំអក្សរនៅលើកុំព្យូទ័រឲ្យធំដើម្បីងាយស្រួលក្នុងការមើលព្រោះនៅពេលយើងខំប្រឹងមើលភ្នែកនឹងហត់ហើយក៏មានអាការៈឈឺក្បាល។ យកល្អយើងគួរព្យាយាមព្រិចភ្នែកឲ្យបានញឹកញាប់ព្រោះនេះអាចជួយដល់គំហើញឲ្យកាន់តែច្បាស់។
អត្ថបទពាក់ព័ន្ធ៖
- អនុវត្តវិធីទាំងនេះ ជួយថែរក្សាភ្នែកឲ្យមានសុខភាពល្អ
- មានបញ្ហាទាំងនេះ ទើបភ្នែកមើលលែងសូវឃើញដូចមុន
- មិនចង់ពាក់វ៉ែនតាទាំងក្មេង ត្រូវញ៉ាំអាហារទាំងនេះឲ្យបានច្រើន
៥. សម្រាកពីការងារ
ការសម្លឹងកុំព្យូទ័រយូរម៉ោងមិនត្រឹមតែប៉ះពាល់ដល់ភ្នែក និងខ្នងទេ ហើយអាចប៉ះពាល់ដល់សុខភាពផ្លូវចិត្តផងដែរ។ យើងអាចនឹងមានអារម្មណ៍តប់ប្រមល់ ស្ត្រេស និងហត់ប្រសិនជាយើងព្យាយាមធ្វើការខ្លាំង។ ដូចនេះយើងគួរសម្រាក និងបន្ធូរអារម្មណ៍ដោយលេងហ្គេមដែលមាននៅការិយាល័យ និងមិនប៉ះពាល់ដល់ពេលវេលាធ្វើការច្រើន ឬអាចឆ្លៀតពេលបន្តិចជជែកជាមួយមិត្តរួមការងារ។ ក្រោយពីធ្វើបែបនេះ យើងអាចមានអារម្មណ៍ប្រសើរឡើង និងអាចផ្ចង់អារម្មណ៍ធ្វើការបន្តទៀត។
អត្ថបទពាក់ព័ន្ធ៖
- មើលអេក្រង់យូរ ភ្នែកអាចមានបញ្ហា! ប៉ុន្មានរបៀបស្រួលៗនេះ ជួយភ្នែកច្រើនណាស់
- ចង់ឲ្យភ្នែកភ្លឺច្បាស់ល្អ សាកល្បងញ៉ាំកំពូលអាហារទាំងនេះ
- ធ្វើការងារយូរម៉ោងមុខអេក្រង់កុំព្យូទ័រ ចេះតិចនិកនេះជួយការពារភ្នែក
- មានអាការៈឈឺខ្នង សាកវិធីងាយៗទាំងនេះអាចជួយបាន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម