home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ឧស្សាហ៍ហើមភ្នែកពេលក្រោកពីគេង អាចមកពីបញ្ហា​ទាំងនេះ

ឧស្សាហ៍ហើមភ្នែកពេលក្រោកពីគេង អាចមកពីបញ្ហា​ទាំងនេះ

គ្នាយើងមួយចំនួនមានធ្លាប់ឆ្ងល់អត់ ហេតុអីក្រោកពីគេង​ស្រាប់តែត្របកភ្នែកឡើងហើម? គេងគ្រប់គ្រាន់​ថែមទាំងមិនទាំងយំផង បែរជាហើមភ្នែកដែរ។ ពេលខ្លះ ទោះជាគេងគ្រប់គ្រាន់​ក៏បញ្ហានេះអាចកើតឡើងដូចគ្នា ដោយសារកត្តាមួយចំនួនយើងមិនធ្លាប់ចាប់អារម្មណ៍។ តើ​កត្តាទាំងនោះ​មានអ្វីខ្លះ?

១- ញ៉ាំប្រៃពេក

រឿងដំបូងបង្អស់អាចធ្វើឲ្យហើមត្របកភ្នែក រង្វង់ភ្នែកយើងនៅពេលព្រឹក គឺដោយសារតែញ៉ាំរបស់ប្រៃពេក។ នៅពេលរបបអាហារយើងសម្បូរទៅដោយជាតិសូដ្យូម (ជាតិអំបិល) រាងកាយរបស់យើងទំនងត្រូវរក្សាជាតិទឹកកាន់តែច្រើន។ នោះដោយសារ​មាន​អតុល្យភាព ​រវាងជាតិសូដ្យូម និងប៉ូតាស្យូមក្នុងជាលិកា ពេលដែលសូដ្យូមមានកម្រិតខ្ពស់ ជាតិទឹកក្នុងរាងកាយ នឹងបញ្ចេញដើម្បីទៅរំលាយជាតិសូដ្យូម កត្តានេះនឹងធ្វើឲ្យជាលិកាទាំងនោះហើមពេញទៅដោយជាតិទឹក។

បើភ្នែកឡើងហើមដោយសារការរក្សាជាតិទឹក និងញ៉ាំប្រៃខ្លាំង នៅពេលព្រឹកវានឹងប្រែទៅជាហើមខ្លាំងពិសេសដោយសារយើងមិនបានផឹកទឹកគ្រប់គ្រាន់នៅពេលយប់ ជាហេតុនាំឲ្យរាងកាយខ្សោះជាតិទឹកនៅពេលព្រឹក។ ហេតុនេះកុំញ៉ាំអាហារប្រៃពេក និងផឹកទឹកឲ្យបានគ្រប់គ្រាន់មុនពេលចូលគេង បើយើងឧស្សាហ៍ជួបបញ្ហាភ្នែកហើម​ខ្មៅនេះ។

អត្ថបទពាក់ព័ន្ធ៖

២- អាលែកហ្ស៊ី

ហេតុផលមួយទៀតនាំឲ្យភ្នែកឡើងហើមនៅពេលព្រឹក គឺទម្លាប់គេងរបស់យើង យើងខ្លួនឯងប្រហែលមានបញ្ហាអាលែកហ្ស៊ី បណ្តាលឲ្យរាងកាយផលិតអ័រម៉ូនហ៊ីស្តាមីនច្រើន ដែលបង្កឲ្យមានបញ្ហារលាក ឡើងកន្ទួល អុជៗក្រហមកើតឡើងបាន។ បើអុីចឹងមានទំនាក់ទំនងអ្វីជាមួយទម្លាប់គេងរបស់យើង?

បើសិនជាយើងក្រោកពីគេង ភ្នែកឡើងហើម គ្នាយើងអាចនឹងអាលែកហ្ស៊ីជាមួយអ្វីមួយមានក្នុងបន្ទប់គេង ឬអាចមកពីកម្រាលពូក ស្រោមខ្នើយយើងទើបទិញប្រើ មានអ្វីមួយបង្កជាអាលែកហ្ស៊ីបាន។

មួយទៀត បើយើងគេងបើកបង្អួត ក៏អាចនាំឲ្យវត្ថុបង្កអាលែកហ្ស៊ីពីខាងក្រៅ មកប៉ះពាល់រាងកាយយើងដូចគ្នា។ ហេតុនេះ ព្យាយាមគេងបិទបង្អួចឲ្យបានត្រឹមត្រូវ ហើយបើឃើញថាបានផល​អាចប្រើកង្ហារ ឬម៉ាស៊ីនត្រជាក់​ជំនួយខ្យល់នៅពេលមានអារម្មណ៍ស្អុះស្អាប់។

អត្ថបទពាក់ព័ន្ធ៖

៣- គេងមិនគ្រប់គ្រាន់

ពិតណាស់ បញ្ហារមាស់ភ្នែក ឬហើម នៅពេលព្រឹកភាគច្រើនកើតឡើងដោយសារតែគេងមិនគ្រប់គ្រាន់នេះឯង។ បើគ្នាយើងគេងមិនបានឆ្អែតនៅពេលយប់ វាស្មើនឹងទម្លាប់គេងគ្មានផាសុខភាព ជាហេតុអាចនាំឲ្យហើមកើនជាតិទឹកនៅជុំវិញត្របកភ្នែក និងកម្រិតឈាមក៏ប្រមូលផ្តុំនៅទីនោះច្រើនដូចគ្នា។ ពិសេសជាទូទៅបញ្ហាហើមភ្នែក នឹងធ្វើឲ្យឡើងស្នាមខ្មៅជុំវិញភ្នែក និងត្របកភ្នែកក្រោមទៀតផង។

អាលែកហ្ស៊ភ្នែក១

៤- មានបញ្ហាភ្នែក ពិសេសជំងឺភ្នែកក្រហម

ហើម ឬប៉ោងភ្នែក ក៏អាចបណ្តាលមកពីបញ្ហាសុខភាពភ្នែកមួយចំនួនដូចគ្នា បញ្ហាភ្នែកក្រហម ជាធម្មតាបង្កឡើងដោយការឆ្លងរោគជាដើម។ ប៉ុន្តែភ្នែកក្រហម ក៏អាចបង្កឡើងដោយសារអាលែកហ្ស៊ីអ្វីមួយ ឬអាលែកហ្ស៊ីកញ្ចក់ពាក់ក្នុងភ្នែក (contact lenses) ដូចគ្នា។ នៅមានរោគសញ្ញាជាច្រើនទៀត អាចបញ្ជាក់ថាយើងមានបញ្ហាភ្នែកក្រហម ដូចជា ឡើងកន្ទួលក្រហម ឬអាចម៍ភ្នែកច្រើនជាដើម។

អ្វីសំខាន់បំផុតគ្នាយើងត្រូវចាំ បើមានបញ្ហាភ្នែកក្រហមត្រូវរក្សាភ្នែកឲ្យស្អាតជានិច្ច តាមរយៈការលាងភ្នែកថ្នមៗជាមួយទឹកក្តៅឧណ្ហៗ ដើម្បីសម្អាតអាចម៍ភ្នែកចេញឲ្យបានត្រឹមត្រូវ។

៥- គេងទាំងមិនបានដោះcontact lenses ចេញ

រឿងនេះត្រូវតែប្រុងប្រយ័ត្នឲ្យបានច្រើនបំផុត ព្រោះគេងពាក់លែន (contact lenses) វាកាន់តែងាយស្រួលឲ្យបាក់តេរីធំលូតលាស់ក្នុងចន្លោះរវាងផ្ទៃភ្នែក និងលែន ហើយវាមិនត្រឹមតែបង្កជាបញ្ហាហើមភ្នែកពេលព្រឹកប៉ុណ្ណោះទេ ថែមទាំងកើតចេញជាបញ្ហាធ្ងន់ធ្ងរជាច្រើនទៀត។

៦- ផឹកគ្រឿងស្រវឹងច្រើន

គ្នាយើងប្រហែលធ្លាប់ប្រទះមិនខាន ក្រោយផឹកស្រាស្រវឹងខ្លាំងនៅពេលយប់ ក្រោកព្រឹកឡើងបែរជាហើមភ្នែកមើលមិនយល់។ ខណៈដែលយើងមិនបានគេងគ្រប់ ៨ម៉ោងហើយនេះ វាជាហេតុធ្វើឲ្យរាងកាយបាត់បង់ជាតិទឹក ដូចជាករណីរៀបរាប់ខាងលើដូច្នោះដែរ ទាំងគេងមិនគ្រប់ និងញ៉ាំជាតុប្រៃច្រើន។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
អត្ថបទដោយ សន សុភា នៅ 17/06/2020
x